Yeremi 18:13 - BII BILA

¹³ Lelan o Mɛlɛka dimi-o co hoo ni aa: «La ɲuuniaa lɛŋnde kɔɔli-kɔɔli. Kabi vana tui dɛnnda vaa nuaa le! Dɛnɛ Israɛl tosa-o, dɛnɛ lamàà kpeekpei o co ni.

Yeremi 18:13 Referans Kwoze

Yeremi 5:30

Dɛnɛ kɔlvesɛiyo a dɛnɛ imɔnɔɔ co bɔɔ tosanndo o lɛŋnden nden nin.

Osee 6:10

I ce dɛnnda vɔɔn-vɔɔnndan Israɛlla tɛɛn: cuavaa-imamaa Efraim-nda co pɛngi suundaa le. Israɛlla co nɔɔlianndo pila.

Yeremi 23:14

Kɛ vanaa-tɛɛngaa-diom Hala-a Yerusalɛm nda, mí ca maa dɛnnda lamààlan nda cal coo ni: a co suundaa, a co còòlan dimio, a co vanaa tosaa dɛnnda vɔɔnda simndan kɔɔli. Vana-vana co kɛɔ le dɛnɛ vɔɔndo malɔɔ. Nda kpow a muungu ya o hɔl maa vannda Sodɔm, hiyan kɛ́-kɛ̀ co vannda Yerusalɛm a haa Komɔr tɛɛn te.

Esai 66:8

Nɛ̀ɛ́-nɛ̀ tuei yɛ nin dɛnɛ vaa lende? Nɛ̀ɛ́ ce yɛ nin dɛnɛ kaamaa vaa lende? Vɛ̀ɛ̀ lɛŋnden le nɔla mì le siŋnun lɛŋnden o paalen ten pilɛ kpé bɛngu? Vanaa-mangalaa-isɔɔa nɔla pá mà velun o lepilɔɔ? Pulii vialɛi kandɔɔ dɔ́ɔ́ Siɔn biŋinndo, mó vialu poaa ndɔa kpede!

Yeremi 31:4

I minginin nɔm tangul, nɔm cuanndo Israɛl, a muungunin ma cua dundula nɔmndan, mì la sim niaa vanaa kponyoa latulu.

Yeremi 14:17

«Sɔɛi n dimulnin nda-e co hee ni aa: Paalen a ɲumndan mɛmɛan ma co ya tolɔɔ kongilan, kani dɛnɛ palaa vɔɔn-vɔɔndo tol vanaa nia coo, a yɔŋulun yɔŋulɔn nɛyaa bɛndu singu loo.

1Korɛntea 5:1

Vannda co ya dimullo lɔ́ɔ́-lɔ́ɔ̀ maa vanaa pum a co dɛnnda nɔɔlɛilan tosaa niaa tɛɛn, dɛnnda nɔɔlɛila co bɛɛ tosan hali vanaa sínà Hala le-a tɛɛn-ndan pɛɛn, maa vana pum co nda lanɔɔ fuɲa ndɔ.

Cɛɛŋɔnnda Yeremi lan 1:15

Maalii cii vanaa cɔvaa nia kpow kɛɛ, vanaa cɔvaa va ya ikɛi-ya pɛɛn. O cuungiaa vanaa cowva le ya ciŋilanndo, le langbaa felengia ya nɔ-a ciimiaa. Maalii vayia ya, ya Siɔn kɛndɛ-kɛndɔɔ, mɛɛ vana vayia rɛsɛnndon o doola nin yɛ.

Esai 36:22

O kon, mí Eliakim po Hilkiya-o, ó va bolle Cɛi masaa-o, Sɛbna va vana sɛvaa-o a Yoah po Asaf-o, ó va vana mandaa lasɛbɔɔ-o a kɔa o masaa Esekia lo a volɔɔla sɛɛsiɛilan lekɔɔ, má downun ndu kona, má tɛɛngul ndu sɔɔn bolle vanaa yɔngù masaa Asiri mɔiyan-nda-o soo-on.

1Samiɛl 4:7

mí siòònde bii nda Filistia kan taw, má va dimio aa: «Hala tiiya o dɔ́ɔ́ngɔ́ ndaa nin.» Má dimi vɛlɛ aa: «Mbɔ̀ naa n kɔndu dɛnɛ fɔ́! Kani o co nuaa le ɲɔɔ va tosanndo lon vaalio le.

Yeremi 18:14

Vɛ̀ɛ̀ o co mɛmma n'kpungban te ma kumbu powta kpovala co yondoo nin o pembon coo Liban-ndan te? Vɛ̀ɛ̀ mɛmma ɲuluma toal o peela pɔmbɔlan-ndan ma nɔla pá velaa?

Amɔs 5:1

«Òó niaa cuavaa Israɛlla, la yaŋ nilan o sɔɛi he, sɔɛi ya co hee dimio niaa coo-e. Condii dɛnɛ palɛi sɔɛi ken i co ni!

Amɔs 5:2

Israɛlla del, à cen ndɛnin te few! A co ihini lɛŋ lɛngbɛn, vana-vana co nda cua isisi le.