Yeremi 18:12 - BII BILA

¹² Kɛ yiyannda ndala vɔɔnndan tuŋ nda co kɔɔli ni, a co vɛlɛ mulio aa: «Ken vil naa le, i naa n nɔ o kɔl-le naa n tosanin ni.»

Yeremi 18:12 Referans Kwoze

Yeremi 2:25

Caa dɛ Israɛl! Yɔŋii n yɔŋulun o pelon mì bololen le vesa nɔm. Kɛ a co dimio aa: ‹Nɔm mein ka! Halaa celen ya yeema nin ni, nda ya co vɔ nin tolɔɔ kɔɔli ni.›

Tɔŋ miingua 29:19

Mɛlɛka cɛlnin le ndu hakio malɔɔ le. Kɛ kɔltuw Mɛlɛka-o a paŋala ndɔɔ toalnin vana kon coo. Dangala sɛvan o sɛbɔɔ ho nin-ndan la toalnin ndu coo, mì Mɛlɛka ɲumi diola ndɔlan o ceendo coo.

Yeremi 16:12

Niaa yɛ, la co dɛnnda hiow vɔwlen ndan tosaa, la fuɲaa niaa tosa lan pɛɛn, vana-vana co kɛɔ nilan yaŋɔɔ o sɔɔn nun, le yiyannda niaala vɔɔnndan tolɔɔ kɔɔli.

Yeremi 7:24

Kɛ a tui ya diom te, a yeŋ nilan te, má del yiyanndan a tuula vɔɔnnda va o kɔlta ndalan nin-ndan kɔɔli, má muungu kɔɔli, a hiw laci le pɛ.

Esai 57:10

La lo kɔlan tei mí la sanga yɔkɔɔ, kɛ la co dimio aa ‹N mellɔnin kɔlan ndan te.› La co vɔ yoomuan sɔlaa o bala niaalan nin, la bɛpɛla vɔ le.

Luke 1:51

O tosa dɛnndan a kpaaya ndɔɔ kpow, mó puusiaa vanaa nɔ yiyannda yongalan o lakɔl-la.

Yeremi 3:17

O telen kon, vannda vanin Yerusalɛm veeloo aa: ‹Kpɛŋɛ lemasa Mɛlɛka-o›. Vanaa-mangalaa-isɔɔa kpow cuungiannin ndon o diola ya Mɛlɛka lan. O kon a tosa lɛnin yiyannda vɔɔn kɔlta ndalan te.

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

Esekiɛl 37:11

Mó dimul-la aa: Po vanacieo sei, paalan ndan, la co cuavaa Israɛlla kpow ni. Kani cuavaa Israɛlla co dimio aa: ‹Paala naalan la vesan, tiindan naa tambu. Mbɔ̀ naa n cuu fɔ́!›

Yeremi 44:17

Ɲɛ naa n dimi-o naa n co peelu ni. N vanin Astartee hala laandu co o halataala-o sálàla cuɛima cun kɛndɛlan lumndo a ndu sálàla mamɔilan solullo, mɛɛ naa n dema tosa háá hau yɛ. Lende koni vanaa naa, masaa naa a simlacia naa dema tosa o kobilan Yuda nin a o nɛilan Yerusalɛm coo ni. Mí baloo kui naa o ba, mí ɲɛ-ɲɛ va naa kɔlan o ba o kɛndɛ, dɛnɛ palaa ve naa kɔɔli le.

Yeremi 23:17

Vanaa co ya mamɔɔ-a co dimio aa: ‹Mɛlɛka dimi aa kɔlɲuloo vanin le niaa ni.› Vanaa co kan yiyannda nda pila lan kínɛí tolɔɔ kɔɔli-a co dimio aa: ‹Dɛnɛ palaa komalnin niaa le.›

Yeremi 11:8

Kɛ a yeŋnun te, a muli lahɔl lon te, ma del yiyannda ndala vɔɔnndan kɔɔli. O kon mí peelu sɔɔn kpema kon kpow nda coo le tùú nda kɛɛ le lou o kpemaa coo-o, a sɔɔn kɛ́-kɛ̀ ya dimul nda kpede a cɛl le ndu biyɔɔ loon pɛɛn.»

2Masaa 6:33

O va vɔ nda sɔɛi ken dimullo, mí kiilanɔɔ tiiya o ndu lo, mó dimul ndu aa: «Mɛlɛka tuisi dɛnnda palaalan ndan kpow naa coo ni. Vɛ̀ɛ̀ ya nɔla yɛ vɛlɛ mì tiindan ndu Mɛlɛka?»

O Kandɔɔ 6:5

Mí Mɛlɛka ca maa kɔlvesɛi vanndacieea va hiovɔɔ laci o ceendo coo tuŋ, mó ca maa lepalaa-lepala, yiyannda vɔɔnnda va nda o lakɔl-tan la va nda lueiyo o dɛnɛ vɔɔndo nin.

Malasi 3:14

Nuaa niaa dimi ni aa: ‹Fondo fúú koni vana tosal Hala baalaa ni. Yɛɛ nɛ naa n sɔla yɛ o tɔŋ ndɔɔ biyɔɔ nin, mí n va kafola imɔnɔlan tosaa, haliko mi Mɛlɛka-Nɔ-Kpaayaa-Kpow-vo tuinun naa iɲíí?

Esai 65:2

Mí niinu vanaa iseesiaa ha bala nilan tɛilullo kpɛŋ, a co haa kelaa o nɛi vɔɔndo coo o yiyannda ndalan nin-nda pɛɛn.

Yeremi 6:17

I kɛsi kpalilla niaa ikɛi, la yaŋ diom buloo nilan. Kɛ mí la muli aa: ‹N yɛŋnin lani le.›