Yeremi 18:11 - BII BILA

¹¹ Nɔm Yeremi, soo niko o vannda Yuda a o Yerusalɛmnda lo, mà dimul nda aa: «Mɛlɛka dimi aa: ‹I cii kiolɔɔ, i co dɛnɛ palaa toosiaa le niaa, yiyannda vɔɔnndan pila la co ya o kɔl a niaa ni. Vana-vana mangala kela ndɔ vɔɔndo. Lende ni dɛ! Vana-vana yɛlɛma tiŋ kela ndɔɔ.›»

Yeremi 18:11 Referans Kwoze

2Masaa 17:13

Mí Mɛlɛka yondal Israɛlla a Yudaa a sondola vanaa-tɛɛngaa-diom Hala-a ndɔa a vanaa ca sɔɔn lacion-nda, mó dimul nda aa: «La mangalan a dɛnnda niaala vɔɔnndan, mì la bii tɔŋnda nilan a silala nilan, mì la kela o tɔŋ ya sɛval fuɲaa nia mamaa-o coo, tɔŋ ya yɔngu niaa fulaa vanaa nia baalaa o ba-o, vanaa-tɛɛngaa-diom Hala-a pɛɛn.»

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

Yeremi 7:3

O Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹La bɛɛndiaa kela niaa a dɛnnda niaalan, o kon mì la cal o lɛŋnden nden nin.

Yeremi 25:5

Mó dimul niaa aa: «Vana-vana o niaa tɛɛn mal kela ndɔ vɔɔndo, dɛnɛ vɔɔn o co tosaa-o! O kon la tiwnin ba mi la cal o lɛŋnde ya ke kabi sindɛ fuɲaa niaa mamaa a niaa pila len nin.

Nsaki 5:1

Niaa vanaa bolofaa, la caŋ, la koŋul kpélén le dɛnnda palaala toalnin niaa coo lan.

Dɛnnda kiilaa 26:20

Kɛ vanaa co Damas-a a haa Yerusalɛm ya kandu yoongu kalaa tiiyallo ni, o kon kɔɔli, mí pɛɛku haa o tàndá Yuda-o nin kpow a vanaa-mangalaa-isɔɔa. Mí dimul nda maa a mal yɔŋnda vɔɔnnda ndalan, mà mangalan, mà mulul Hala hɔlla, mà tosa dɛnnda cɔm maa a mangalan ndan.

Sakari 1:3

Lelan, dimul Israɛlla aa nuaa Mɛlɛka-Nɔ-Kpaayaa-Kpow-vo soo ni aa: ‹La muungu ya o ibuŋ, mì ya bɛɛ i mulul niaa hɔlla. Mɛlɛka-Nɔ-Kpaayaa-Kpow-vo dimi lende ni.

Misee 2:3

Lelan Mɛlɛka dimi ni aa: ‹I co kpundɛ bɛndoo tuisi vanaa kan coo. La nɔlanin kɛsei solio lebɛngu le. La cue lɛnin bollen lɔ́ɔ́-lɔ́ɔ̀ o kelaa nin te, kani telen dɛnɛ palaa co o nɛi.›

Esai 5:5

I co niaa niko dimul mɛɛ ya co hunɔɔ tosa a nakɔ ni n'rɛsɛn kalaa yɛ. I co kpalion suingi mì visia luɛi, mà de ndu. I co kunga ndɔɔ puusiaa, mò nɛwnun a labɛngu!

Nsaki 4:13

Niaa co sisa dimio-a aa: «Hau, te kon te siɔdii, n kɔanin o kobi vaa nuaa nin. N ciinin vɔsio pilɛ lon, n tosanin yulalen ndon mì n sɔla tɔnɔɔ»,

Esekiɛl 18:23

Vɛ̀ɛ̀ yeemɛi nii co le vana kɔlvesɛiyo vuo ni? Ɛ-ɛ, o co kon te ya yeema le, kɛ i yeema mò mulul nɛi yɔŋ ndɔ vɔɔndo kɔɔ haliko mo va yoomu. Sɔɛi fula Maalii, o co Mɛlɛka-o o sondo-e co ken ni.

Esekiɛl 13:22

Kani la co vana sandaa yoomuan solio a còòlan, nduyɛ, ya pila, i tɛɛmbuu nda kɔl te. La co vana kɔlvesɛiyo yoomuan lueiyo yɔŋii o mal kɔlvesɛi kon, mò ciindiaa yoomu ndɔɔ.

Yeremi 51:11

Mɛlɛka tuu le Babilɔn tɛɛmbuuo. O co masaa Medii yoomuan lueiyo le tuu ndɔ kon peeloo. Maa ndɔɔ o co mingi ni, maa Cɛi-Hala co le ndu-o o co mingi kon lende ni. La cɛɛŋa bálta niaalan, mì la pei lan bɔlɔlan cá-cá.

Yeremi 36:7

Bɔɔle a cannin mà tɛɛlun Mɛlɛka a kpaaya ndaa kpow, o kon mì vana-vana mangala kela ndɔ vɔɔndo, kani taw-taw Mɛlɛka tambu kɔllo a vannda ha ni.»

Yeremi 36:3

Bɔɔle lɔ́ɔ́ vannda Yuda sinanin yiyan ya nɔ le nda dɛnɛ palaa tuisio coo-o, nda kpow a kindikindinnin le kela nda vɔɔndo malɔɔ, o kon i melnunnin nda le kela nda vɔɔndo, mì mal nda haki.

Yeremi 26:13

La bɛɛndiaa niko kela niaa a dɛnnda niaalan, mì la yaŋ Mɛlɛka Hala niaa nilan. O kon o tuisi lɛnin dɛnɛ palaa o tuu le niaa tuisio coo-o le.

Yeremi 26:3

Bɔɔle mà tuei nɔm diom, mì vana-vana mal kela ndɔ vɔɔndo. O kon, ya bɛɛ i malnin dɛnnda palaala yáà tuu le nda tuisio coo le kela nda vɔɔndo lan.

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

Yeremi 11:19

Ya i va mavaa nda o ba maa saa téndé co kɔlan a ba ndɔ le ndu kɔlan diyɔɔ-o, i ve yiyannda vɔɔnnda ndáà nɔ o kɔl a ya lan sina le, a va dimio aa: «N kioŋnun yɔmndo telen o co o lende-o. N sungun ndu mò fula vanaa yoomaa tɛɛn, vannda yiyan ndɛ a diola ndɔlan o kɔɔ le.»

Yeremi 4:23

Mí tofa lɛŋnden, mí ca len tulumasaa, le va fondo fúú. Mí tofa o halataala, ɲɛm ndɔn tengan ve lɛ le.

Yeremi 4:6

‹La heelu tɔɔmasele yonda cɔwvo a ba Siɔn-ndo, la ɲaanun, la sim te dɛ! Kani i co dɛnɛ palaa a sanga bɛndoo cuu fulaa a ba luaŋ-ndo.

Yeremi 3:22

La muungu ya o ibuŋ, niaa cuavaa nila kalua ha, mì mal niaa haki le sɔɛi biyɛi lepɛŋii niɛi.› «Nuaa naa, n hin nɔm o ibuŋ, kani nɔm co Mɛlɛka Hala naa ni.

Yeremi 3:1

Mí Mɛlɛka dimi aa: «Te vanapɔnɔɔ kɛɛ pɛ laa ndɔ, mì laa ndɔ kalaa faŋan ndu, mò kɔ cal vanapɔnɔ celen o ba, vɛ̀ɛ̀ o kɔa lɛ vɛlɛ lanɔ kon kɔɔli? Vɛ̀ɛ̀ lɛŋnde len le nɔɔlian a kela vaa lende le? Nɔm Israɛl-lɛ, a nɔɔlian a vanaa sɛ́lɛ́ bɛndua co suundaa a nɔm-nda. Nduyɛ, a yeema vɛlɛ le muungoo o ya lo! Ya Mɛlɛka co sɔɛi nuaa ni.

2Masaa 22:13

«La kɔ ɲuna Mɛlɛka isɔɔ le ya pila, le vannda Yuda a le lɛŋnde tɔ̀len kpow a sɔɔn co o sɛbɛ nda saalun hoo-o nin-ndon o kɔɔ-on, kani kɔltuw Mɛlɛka-o co o bɔɔ. O tuulu kɔl a naa le tùú fuɲaa naa kɛɛ le sɔɔn co o sɛbɛ kon nin-ndon biyɔɔ, má kɛɛ le kela lecoo-o.»

2Masaa 5:5

O kon, mí masaa Aram dimi aa: «I co sɛbɔɔ sɛva, mì yɔngu nɔm, ma yoo masaa Israɛl.» Naaman vaa kɔlan Samari, mó cua volin latámán le kilolan kɛmɛ leyáá, sianion kilolan belaŋɔmpum a volɔɔla cuɛinannda kafolan tɔ́.

O Kandɔɔ 11:7

Lelan, n tolnun mì n kɔ laasian sɔɛi ndɛi mangalɛi, yɔŋii nda tuɛyan ladiom vellaa-velle.»

Esai 57:1

Vanaa sandaa co piɔ́mndo sɔlaa, kɛ vana-vana co saalan le vu nda co kon ndo le, vanaa tosaa dɛnɛ kɛndɛa co cuuo, kɛ vana-vana co bila biyɔɔ maa le dɛnɛ vɔɔndo hiɔlɔnndo le nda co cuu kon te.

Yeremi 4:1

Mí Mɛlɛka dimi aa: «Israɛl, taa muungu pɛ ya o ibuŋ, taa mal pɛ piɔmnda sooloo, mà ve lɛ laasian te, mɛɛ a nɔla ma muungu ya o ibuŋ.

Yeremi 11:11

Lelan o Mɛlɛka dimi-o co hoo ni aa: ‹I co nda dɛnɛ palaa tuisi coo, a nɔlanin fulaa lebɛngu le. A mɛlinin yeelan o ya lo, kɛ i yeŋnin nda lani le.

Yeremi 25:2

Mí Yeremi dimul vannda Yuda a haa Yerusalɛm kpow sɔɛi ken aa:

Yonas 3:8

Naa kpede n bɛnda mì n vownun volɔɔla dɛnɛ palaalan. Mì vana-vana piɛi Hala a kpaaya ndɔɔ kpow, mì vana-vana mangala kela ndɔ vɔɔndo a kɔlvesɛi o co tosaa-o.

1Masaa 22:23

Lelan Mɛlɛka luei yiyan lacòòvaa vanaa-tɛɛngaa-diom Hala-a nɔmnda kpow nin nuaa ni. Kani o cii nin kiolɔɔ le nɔm dɛnɛ palaa tuisio coo.»

Yeremi 4:14

«Yerusalɛm, dindin kɔl, haliko ma sɔla cindaa. Háá telen kuɛɛ kpeekpei n solin yɛnin yiyannda vɔɔnndan o kɔl?

Yeremi 19:3

Mà dimi aa: La yaŋnun diom Mɛlɛka-o, niaa masaa Yuda a niaa Yerusalɛmnda! Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa tuisi o fondaa hoo coo, vana-vana tuei Pɛ sɔɛi ken, kɔndɔfili bɛndoo biinin ndu.

Yeremi 19:15

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa yáà dimi le tuisio kobio ho coo-o tuisi, mò tol ndu a o ceen balu ndu-on coo, kani vanaa co lenin-nda kendu bɔɔ bollen, a kɛɛ le sɔɔn ya co nda dimullo-on biyɔɔ.›»