Yeremi 18:10 - BII BILA

¹⁰ Kɛ te lɛŋnde len le tosa pɛ dɛnɛ hɛnan ya loo, mì kanalan nden, kɛ mì le kɛɛ le ya nilan yaŋɔɔ, o kon i mangala yiyan yáà nɔ le len dɛnɛ kɛndɔɔ tosallo-o.

Yeremi 18:10 Referans Kwoze

Esekiɛl 33:18

Te vana sandaa mal pɛ sandii ndɔɛi, mò tosa dɛnɛ sendu loo, o vunin le ken.

1Samiɛl 2:30

Lelan, Mɛlɛka Hala Israɛlla dimi aa: ‹A toɲa, mí yáà tuu le yungu fuɲa nɔm-ndo a polale nɔmnden siinguuo vanaa-solia-lasálàá le lɔ́ɔ́-lɔ́ɔ̀. Kɛ sisa, a cii dimi kpendekele maa o ve lɛnin lende le. Kani vanaa ke ya bɛɛlen-nda ya bɛɛ ke bɛɛlen ni, kɛ i tuisinin vanaa co ya yii luɛyɔɔ le-a siɛmbulan.

Esekiɛl 18:24

Te vana sandaa mulul pɛ dɛnɛ sandaa kɔɔ mò tosa dɛnɛ sendu loo, mò tuula vana kɔlvesɛiyo, mò tosa dɛnnda nɔɔlɛila vana kɔlvesɛiyo tosa lan kpow, vana vaa lende lonin pá yoomu? Dɛnnda ndɔla sandaalan faw la cɔmnun ndɛnin ndu coo le. Le kɛɛ o kɛɛ le lou o lediom coo-o a le haki o tosa-o. O sɔlanin piɔ́mndo le dɛnnda lan.

1Samiɛl 13:13

Mí Samiɛl dimul ndu aa: «A tosa dɛnɔɔ maa diɔm! A bii diom Mɛlɛka Hala nɔmndo dimul nɔm-ndo le. Te nɔm óò bii pɛ diom kon, Mɛlɛka va tosa mì yungu nɔmndo ndóò va masalen tosaa Israɛlla coo le lɔ́ɔ́-lɔ́ɔ̀.

Condii lisai 125:5

Kɛ, o bɛnda mí nɔm óò faŋa vanaa co kelaa o nɛila tunduanndan coo-a a vanaa co dɛnnda vɔɔnndan tosaa-a kpow. Màá Israɛlla sɔla kɔlɲuloo!

1Samiɛl 15:11

«Mɔnɛi bii ya le hɛli ya hɛli Saul mí siinguu ndu masaa-o. Kani o mulul-la kɔɔ, o tosa sɔɔn ya dimul ndu le tosaa-on te.» Mí sɔɛi ken hiilu Samiɛl kɔllo taw, mó lɔl ɲinkon Mɛlɛka koŋullo o lani pii.

Sofoni 1:6

I tɛɛmbuunin vanaa co faŋanndo ya Mɛlɛka ibuŋ, a co buulan te-a, vanaa co ya sɔɔnguu ikɛi le ya sila ɲuna le-a pɛɛn.

1Samiɛl 15:35

Háá mi Samiɛl vu, a ciikan ndɛ nda Saul te. Samiɛl va caŋndo taw le Saul. Mí mɔnɛi bii Mɛlɛka le tùú ndóò hɛli Saul mó suili ndu masaa Israɛl-lo.

Kundalan 14:22

vanaa-vanaa ce haa biilu nuu a sɔɔn kaaman ya tosa o lɛŋnde Esipte len nin a o lɛŋnde veselɛilen nin-ndon, a kon kpede, má tɔɔndan ya bɛmbɔɔ tɔ́, má kɛɛ le sɔɛi nii biyɔɔ-a,

Esekiɛl 45:20

Lende koni n bɛnda le tosaa o paale ŋɔmmɛwndɔle paangii ken coo ni, le vana tosa hakio o sina lepɛŋndo nin, te kon te o ve dɛnɛ ndɔ loo. Lende niaa tosanin faleŋii dindiannde o Cɛi-Hala-o coo ni.

Kundalan 14:34

La tosa palɛi belehiɔɔlu o suansuaannden nin, la sɔlanin vɛlɛ sangaa le yɔŋ vɔɔn niaa o vɔsilan belehiɔɔlu bɛngu, vɔsio pilɛ le paalen lepilɛ. Lepalaa-lepala, la co va kɔmnde yɔŋ vɔɔn niaa kiɔndɔɔ. O kon, la sinanin mɛɛ sala vana simul ya Mɛlɛka-o co yɛ.

Kundalan 14:23

vanaa kan kpow o pilɛ bɛɛ ci lɛŋnde ya yiilu fuɲaa ndaa mamaa kpemaa, mí mɛnalan nda le nda len yɔngoo len a lehɔl te. Vanaa pɛɛsa ya-a kpede, o pilɛ bɛɛ luei lenin te.

Esekiɛl 33:12

Nɔm Po vanacieo sei, dimul vanaa niaa co súú pilɔɔ-a aa: «Dɛnɛ sandaa vana sandaa tosa paandu-o nɔlanin ndu baŋaa paale o tosanin dɛnɛ vɔɔndo len te. Vana kɔlvesɛiyo bɛɛ mal pɛ kɔlvesɛi ndɔɔ, kɔlvesɛi kon nɔla mò del ndu coo paale o co mangalan-nden te. Te vana sandaa mal pɛ dɛnɛ sandaa mò luɛi hakilan tosaa, dɛnɛ sandaa o tosa paandu-o nɔla mò ciindiaa ndu le.