Yeremi 17:8 - BII BILA

⁸ Vana kon co maa yɔm co o tɔalaa o peo kɔngɔ-o, ò puundun ndɔn talataliaa háá o mɛnndan nin di-o. Hangullo va bɛɛ hunɔɔ siòòŋii bii ndu le, Pei ndɔɛi co ikiyɛi lɔ́ɔ́-lɔ̀ɔ́. O va bɛɛ o vɔsi valo bɛndoo nin, o buulan te, o sanga a komɔɔ le.

Yeremi 17:8 Referans Kwoze

Condii lisai 1:3

Vana kon co macoaa maa yɔm tɔlnun o peo kɔngɔ-o, ó koam a telen o bɛnda le komɔɔ-o-o, o pei ndɔɛi ɲɔfɔliaa lɔ́ɔ́-lɔ́ɔ̀ loo. Ɲɛ-ɲɛ vana vaa lende tosa pɛ, o biinun bila ndu o ba.

Esai 58:11

Ya Mɛlɛka simnin niaa laci telen oo telen, i piminin niaa o fondala vesɛilan nin, mì mingi yoomuan o dialun niaan nin. La vanin maa nakɔ nda co pɔɔliaa ɲɛkɛndɛi-yo, mì la siŋnun maa pee lebol mɛnndan ma vela nin too.

Esekiɛl 47:12

Yɔmii koamɛi súú-súù ka i vulnin o pee pɔmbɔ kon coo, o kɔngɔla ndɔla tiɔnndan kpede coo. Pei yɔmii ken i ɲɔfɔliaanin te, kɔmnde ndalen bɛɛ le cuunin lecoo le. Ipaangu oo ipaangu yɔmii ken vanin tàlonndan solio, kani o cɛi-kola-toandaa diandaa nin mɛmma pee pɔmbɔ kon ma vanin cɔnɔnndo ni. Kɔmnde yɔmii ken le vanin le baloo dɔwnɔnndo, pei ndɛi ndi vanin le nààlan cɛwvo.»

SƐBƐ YƆB-O 8:16

Vanaa kan a co macoaa maa yɔm co o paalen bɛngu kɛ mí tándoo vannun o piaa lenin ca-o, ò lɛvun ndɔn pɛngɛlan o nakɔɔ coo-o,

SƐBƐ YƆB-O 29:19

Puundun nun luɛinin o mɛnndan nin, kɛmndan ma lɔlnin o lɛvun nun coo pii.

Talelan 11:28

Vana tiindan pɛ bolofaa ndɔɔ, ndu del, kɛ vanaa sandaa naŋnin maa yɔm puiyaa.

Esai 61:3

Le vanaa co o mɔnɛi nin Siɔn-nda (malaa), le nda lɔngɔlianndo o loolio nin faŋaa kuee, mì yɔngu nda mɔsil isalamayaa, le dɛnɛ palaa faŋaa nda coo, mì yɔngu nda cuɛima suunanma kɔlkɛndɛan, mì faŋa nda kɔl imɔnɔɔ coo, mì yɔngu nda ɲɛ cuɛinan sɔvɛɔ, yɔŋii nda va o kɔl tambɛiyo nin. O kon a veelunin nda aa vanaa tɔlnun pi o dɛnɛ sandaa nin-nda, tɔlɔɔ Mɛlɛka-o, o ó tɔl le biilu ndɔɔ cɔmndo-o.»

Yeremi 39:18

A toɲa, i ciindiaanin nɔm, a delnin o mɔɛi cɔw bɛngu le. A lonin yoomu, o n sɔlanin-ndo vanin kon ni, le tùú n tiindan ya-o.›» Sɔɛi fula Mɛlɛka o sondo-e co ken ni.

Esekiɛl 31:3

Maa yɔm sɛɛdre Liban Asiri va ni, ndóò nɔ lɛvun kɛndɔn, lɛvun ndɔn mun nɔ vunduan, ndóò bandu taw, ndóò hiow yɔmii bɔɔla yukɔnnde bandei polon.