Yeremi 17:7 - BII BILA

⁷ Kɛ duaa co le vana kalifan ya Mɛlɛka-o, ò ya Mɛlɛka co kɔlkɛsiaa ndɔɔ-o pɛɛn!

Yeremi 17:7 Referans Kwoze

Condii lisai 34:8

Mɛlɛkanɔ Hala-o co isisi vanaa nɔ siòòŋii Mɛlɛka-e-a ikɛi, ndu baŋa nda o dɛnɛ vɔɔndo hɔl-ndɔ ni.

Condii lisai 40:4

O vow ya condii sɛnɛiye o sondo, condei le Hala naa lisaa. Vanaa bɔɔ-bɔɔ canin dɛnɛ kon, mì siòònde bii nda, mà laalan Mɛlɛka.

Condii lisai 125:1

Condii vannda keì solio nɛi-tɛɛn o kɔlan-nde. Vanaa tiindan Mɛlɛka-a vanin maa pembei Siɔn, i kpeŋannin te, i vanin le lɔ́ɔ́-lɔ́ɔ̀.

Esai 30:18

O va bɛɛ lende, Mɛlɛka co telenndo cumndo le niaa kɛndɛi tosallo, o cannin mò tuinun niaa iɲíí, kani Mɛlɛka ndu, Hala sandaa o co ni. Dɛnɛ kɛndɔɔ co le vanaa nɔ kɔlkɛsiaa o ndu nin-nda kpede!

Talelan 16:20

Vana caa pɛ tuuvo o dɛnɔɔ, o biinun nɔm bila o ba. Vana tiindan pɛ Mɛlɛka, ndu sɔla dɛnɛ kɛndɔɔ.

Condii lisai 84:12

Kani paalen a kɔ̀ɔ̀ cɔwvo Hala co ni, o co naa kɛndɛi tosal-lo mo va naa bɛɛlen keo. O kɛɛ le vanaa co kelaa o nɛila ndɔlan coo-a dɛnɛ kɛndɔɔ tosal-lo le.

Condii lisai 146:5

Duaa co le vanaa Hala Yakɔb-o co malaa-a, a co ndu tiindanndo-a pɛɛn.

Condii lisai 2:12

La ke poo bɛɛlen, yɔŋii o tuulu kɔl, mò tɛɛmbuu niaa o nɛi niaa coo, kani o nɛi kɔl tuulu le. Dɛnɛ kɛndɔɔ co le vanaa tiindan ndu-a kpow!

Efɛsea 1:12

Lelan, naa vanaa tasea tiindan Krista-a, n biilun bɔɔbɔɔyɛi Hala-e.

Condii lisai 71:5

Kani nɔm ya tiindan ni, nɔm Maalii Hala nuu, kabi o felengiyɛi nii nin, nɔm ya tiindan ni.

Esai 61:3

Le vanaa co o mɔnɛi nin Siɔn-nda (malaa), le nda lɔngɔlianndo o loolio nin faŋaa kuee, mì yɔngu nda mɔsil isalamayaa, le dɛnɛ palaa faŋaa nda coo, mì yɔngu nda cuɛima suunanma kɔlkɛndɛan, mì faŋa nda kɔl imɔnɔɔ coo, mì yɔngu nda ɲɛ cuɛinan sɔvɛɔ, yɔŋii nda va o kɔl tambɛiyo nin. O kon a veelunin nda aa vanaa tɔlnun pi o dɛnɛ sandaa nin-nda, tɔlɔɔ Mɛlɛka-o, o ó tɔl le biilu ndɔɔ cɔmndo-o.»

Yeremi 39:18

A toɲa, i ciindiaanin nɔm, a delnin o mɔɛi cɔw bɛngu le. A lonin yoomu, o n sɔlanin-ndo vanin kon ni, le tùú n tiindan ya-o.›» Sɔɛi fula Mɛlɛka o sondo-e co ken ni.

Daniɛl 3:28

Mí Nebukanɛsar heelu diomndo, mó dimi aa: «Biiloo co le Hala Sadrak, Mesak a Abɛd-Neko-o! Ndu vem mɛlɛkanɔ ndɔɔ ni mó hun baŋa vanaa ndɔa baalaa, a kɛsi ndu kɔllo coo má kɛɛ diom masaa biyɔɔ-a pɛɛn. A cɛl le sangaa sɔlaa haliko a sooluu hala celen o Hala ndaa kɔɔli le-a.

Condii lisai 20:8

Vanaa pum tiindan ɲɛla ɲaanannda soa nan-ndan, a pum yɛ soa ndaa nda tiindan ni. Kɛ naa naa, tiindan naa, ndu co diola Mɛlɛka Hala naa lan piɔlɔɔ ni.

Sofoni 3:12

I mɛinin vanaa tuisiannda a vanaa bala fondoa yoomu niaa tɛɛn, á nuwviaanin nɛɛ viannannda o ya Mɛlɛka nin-nda pɛɛn.