Yeremi 17:5 - BII BILA

⁵ Diom Mɛlɛka dimi-o co hoo ni aa: «Dangaa co le vana kalifan vanacieo, mò kɛsi kɔllo vanaciee yoomaa coo, mò faŋa kɔl ndɔɔ Mɛlɛka coo-o.

Yeremi 17:5 Referans Kwoze

Esai 2:22

Yɛɛ nɛ vanacieo co yɛ kpeekpei!» Yoomu co ndu o milin-ndo bendu le. Lelan, la pɛngi vanacieo kɔnganndo.

2Dɛnnda lemasalan 32:8

Ndu ndu, kpaaya vanndacieea co ndu o ba ni, kɛ naa naa, Mɛlɛka Hala naa co naa ikɛi ni le naa malaa a le cɔwvo tosaa le naa.» Mí sɔɔn Esekia masaa Yuda dimi mun-ndon luei vannda yoomuan.

Esai 36:6

I sina maa lɛŋnde Esipte len n tiindan ni, kpɛ̀ndɛ̀le yomɛilen n tiindan ni, vana-vana tiinda pɛ baa lecoo, le boli ndu baa le sɔɔŋa lenin. Lende Faraɔnnɔɔ, o co masaa Esipte-o co le vanaa kɔngan ndu-a kpow ni.

Condii lisai 62:9

Niaa vanndacieea sei! La vá Hala tiindanndo lɔ́ɔ́-lɔ́ɔ̀, la kɛsí ndu kɔltan coo, kani ndu co nɛɛ viannannda le naa ni.

Condii lisai 18:21

Mɛɛ kela ni sandaa co yɛ, lende Mɛlɛka tosal-la ni, mɛɛ bala nilan la dendu yɛ, lende o dɔw ya vɔ̀ngɔ̀ ni.

Esekiɛl 6:9

O kon, vanaa lonin kan yoomu o niaa tɛɛn-nda lonin o vanaa-mangalaa-isɔaa nda vanin a sɛŋian tɛɛn-nda lo, mà loonun a ya (Mɛlɛka) o kɔɔ, mà loonun vɛlɛ a soŋɔ̀ɔ̀ ya soŋ nda le kɔl suundɛi luɛi nda nin má kɔa ya levil-lo, le hɔlaa nda faŋal-la, má mulin o suunda soolaa n'piɔmndo-o. Le hee, siɛmbulan la biinin nda pila le dɛnnda vɔɔnnda nda tosa lan a le dɛnnda nɔɔlɛila nda tosa lan kpede.

Osee 1:2

Nuaa Mɛlɛka kei a Osee ni mó kandu sɔɛi o vana ndɔa lo. Mí ndu Mɛlɛka dimul Osee aa: «Kɔ yil vanalanɔ suundɛiyo o nɔ̀u nin, cuavaa niaa vialunin niaa ndu-a, cuavaa vanalanɔ suundɛiya nda vanin ni. Kani vannda ha o lɛŋnden nden nin, a luɛi o suunda soolaa n'piɔmndo, má mulul ya Mɛlɛka kɔɔ.»

Esai 59:15

Toɲaa hɛlun (naa), vana-vana kɛɛ pɛ le dɛnɛ vɔɔndo tosaa, mò kɔɛnnun polon, (n) yunga ndu, (n) poondiaa ɲɛm ndɔn. Kɛ Mɛlɛka ce maa dɛnɛ sandaa co lɛ le, o ce bɔɔ dɛnɛ kon dɛnɛ vɔɔn bɛndu.

2Dɛnnda lemasalan 16:12

O vɔsi beleyaa a o ŋɔmahiɔɔlundɔɔ nin, o masale ndɔlen nin, mí nàà n'pelu vɔɔn-vɔɔndo bii ndu, mó sanga taw-taw. Kɛ hali a nàà kàlà-kálà kon, o ɲuna Mɛlɛka le mala sɔla le, mó mulin mandea kelaa kɔɔli.

Esai 20:5

O kon, siòòŋii bɛnduei a siɛmbulan la biinin vannda le lɛŋnde Etiopii le ndáà tiindan-nden a le lɛŋnde Esipte le nda va kuundianndo len.»

Yeremi 11:3

‹Diom Mɛlɛka, Hala Israɛlla dimi-o co hoo ni aa: Dɛnɛ palaa co le vana kon, o kɛɛnin le sɔɔn kpemaa ho yaŋnɔnndo-o,