Yeremi 17:4 - BII BILA

⁴ La malnin kɛ́ yáà ke niaa-o, mì siinguu niaa cɛa yaamɔaa niaa o lɛŋnde niaa sina le len nin. Yinnde niaa mɛndul-la o kɔl-ten le vanin biyɔɔ le fɛɛn a fɛɛn.»

Yeremi 17:4 Referans Kwoze

Yeremi 15:14

I co niaa yɔɔ o biyɔɔ nin yaamɔaa niaa o ba o lɛŋnde niaa sina le len nin. Kani yinnde kɔl ni fulaa le saa, le niaa kpeekpei le bii lende ni.»

Cɛɛŋɔnnda Yeremi lan 5:2

Kɛ́ naa kɔɛnnun vanaa celennda o ba, cɛila naalan la cuu lakɔ mialla o ba.

Yeremi 7:20

Lelan diom Maalii Hala dimi-o co hoo ni aa: «I co kɔl ni tuwvo a nɛyɔn co ya nin-ndo pɛngɛla o fonda kon coo, mì tuisi ndu vanndacieea a cɔlua coo, mì tuisi ndu yɔmnde, yondoo a o kulun co lɛŋ-ndon coo maa leyin, mì le lo ŋɔu, le ɲumnin te.»

Esai 5:25

«Le kɔlɔ kon Mɛlɛka tuulu kɔl a vanaa ndɔa ni, mó heelu ba ndɔɔ, mó lɔaa nda, mí pembon ɲiiya, mí vannda cɛɛlun, má vu, mɛɛ bil basaa va o nɛila bɛndulan demullo nuaa yɛ. Kɛ hali a kon kpow, kɔltuw Mɛlɛka-o ɲulul-lɔ le, ba ndɔɔ co vɔ o siɛndiaa le lɔɔ.

Yeremi 16:13

Lelan, i co niaa tovɔɔ mì yɛɛ niaa o lɛŋnde niaa sina le len nin, le fuɲaa niaa mamaa sina bɛɛ paandu le len, lon niaa kɔ vanin halaa celennda sooloo paalen a ɲumndan ni, i tuinun ndɛnin niaa iɲíí le.›»

Esai 14:3

«Te sangala niaalan a bɛpɛla niaa cuu pɛ, te cɛle kàlà-kálàle nda tuisi niaa coo len le cuu pɛ, lɔ́ɔ́ Mɛlɛka kenin niaa pɛngio-o,

Esekiɛl 21:31

Lelan tuei-yɔ mɛɛ Maalii soo yɛ, Mɛlɛka pɛɛn: ‹Tɔɔmasele lemasaa faŋannin nɔm coo, mɔsil lemasaa sungunnin nɔm o lebol. Ɲɛ-ɲɛ mangalanin! Ɲɛ co o tuisianndo-o heelunnin, mì ɲɛ co o heelanndo-o tuisin.

Cɛɛŋɔnnda Yeremi lan 1:12

Niaa Sei! Niaa vanaa co haa hiovɔɔ-a, la tofa vɔ, mì la ce. Vɛ̀ɛ̀ dɛnɛ palaa súú vaa nuaa nɔ pá velanndo? Dɛnɛ palaa súú del-la hoo coo-o pɛɛn, ò Mɛlɛka tuisi hoo ya coo o paale ndɔle kɔl tambɛilen coo-o.

Yeremi 12:7

«I mal cɛi nuu, i faŋa balan o kɛ́ nuu. I mal vanaa yáà kaola haa taw-va yaamɔaa ndaa o ba.

Yeremi 5:29

Le hee Mɛlɛka dimi ni aa: ‹Vɛ̀ɛ̀ i bɛnda mì cɛɛlian vannda ha le? Vɛ̀ɛ̀ i mingùl vanaa súú vaa nuaa màá le?

Esai 66:24

Tuma vannda fulanin-ndo, a canin vanaa tosa nila kalulan a sɔɛi nii-a ihini a vílɛ́iya lɛ́ɛ́siɛn, càá vanin nda dioo-a vinin te, yinnde vanin nda lomɔɔ len le ɲumnin te. Siòònde taw i biinin ɲaa yoomaa kpow le dɛnɛ nda kon.

Esai 30:33

Kabi lɔ́ɔ́ levil nin, bémbé iyɔmndo cuu toosiaa le ndu lomɔɔ, bémbé iyɔm kon toosian le masaa, o fonda tiilanndo nin nda ciiŋiaa bémbé iyɔm kon ni. Yɔmnde co lon taw-taw, yinnden le co nin lebɛɛndiaa len. Hoeyii fula Mɛlɛka o milin-nde mɛndulnin yinnde len mi le bii maa pee pɔmbɔ fungoo co ŋɔu nin-ndo.

Nehemi 9:28

Kɛ ndáà fulaa dɔ́ɔ́ o cɛle len nin, má kandu vɛlɛ hakilan tosaa a nɔm. Nɔm Mɛlɛka, má mal nda vɛlɛ yaamɔaa ndaa o ba. O kon kɔɔli, má koŋul vɛlɛ nɔm o lani, má tuɛi vɛlɛ nda diom nɛɛ n co o halataala-a, o ɲíí nɔmii bɛnduei nin, má baŋa nda bɛmbɛlan taw.

2Masaa 25:21

Mí ndu kɔ diw nda o lɛŋnde len nin Ribla lon. Nuaa nda kɔɛ a vannda Yuda o biyɔɔ nin ni, má kɔa lɛŋnde ndalen levil polon.

1Masaa 9:7

i toawnin Israɛlla mì faŋa nda o lɛŋnde ya yɔngu nda le calle nin-nden nin, mì faŋa vɛlɛ hɔlla o Cɛi yáà dindi hoo o diola nilan-ndo coo. O kon kɔɔli, i tuisinin Israɛlla siɛmbulan, mì vanaa-mangalaa-isɔɔa kpede a mam nda.

Tɔŋ miingua 28:25

Mɛlɛka malnin niaa yaamɔaa niaa o ba, mà nɔla niaa. Te la kei pɛ o nɛiyo ndu pilɛ coo le kɔlan nda cɔlɔbaa, la ɲaanunnin nda, mì la sɔɔndian o nɛilan tan ŋɔmmɛw. Dɛnɛ niaa kon lueinin masɛi co o lɛŋnden coo-e kpow siòònde.

Yeremi 2:14

Vɛ̀ɛ̀ cɛ nda pendu-o Israɛl co ni baa cɛ velun vana ndɔ bɛndoo o bɛngu coo-o? Kɛ le yɛɛ o del-lɛ niko lɛŋii celen o ba?

Yeremi 18:23

Nɔm Mɛlɛka, a pɔw ɲɛ-ɲɛ o tuula nda co le ya diyɔɔ lan nin te. Mal nda haki le dɛnɛ vɔɔn nda co tosaa-o le, faŋa hɔlla o hakila ndalan te. Màá a siɛɛlia mà deli nɔm o hɔl telen n co kɔl fula a nda-o!

Yeremi 21:12

Yungu David-o! Diom Mɛlɛka dimi-o co hoo ni aa: ‹La va dɛnɛ sandaa tosaa kandɔɔ idii. La soli vanaa nda co saangiaa-a vanaa co nda saangiaa-a o ba, yɔŋii kɔl ni tuwvo bii maa leyin, vana nɔlanin nden ɲumio le, le dɛnnda vɔɔnnda niaa co tosaa lan.

Yeremi 22:28

Vannda co dimio aa: «Mò va maa kpɛɛnɛi piɔlɛyii vana soli lɛ kpeku lei a ɲɛ nɛŋi lɛ mako loo Konia co ni? Le yɛɛ nɛ nda tow yɛ ndu a cuavaa ndɔa o lɛŋnde nda sina le len nin?»

Esai 50:11

La tuei-yɔ! Niaa co yinnden mɛndullo-a kpow, niaa kɔɔn tuw-tuwvon co o laba-a kpow, la kɔ o yinnde niaalen a o kɔɔn niaa pila divi-on tɛɛn! Ba nuu tuisinin sangala lan niaa coo ni, la hininin o sanga niaa bɛndu-bɛndoo nin.

Yeremi 5:19

O kon taa ɲuna pɛ aa: ‹Le yɛɛ Mɛlɛka Hala naa tosal lɛ naa nuaa?› nɔm Yeremi, a mulul nda aa: ‹Le kɛɛ niaa kɛɛ ndu mí la sooluu halaa celennda o lɛŋnde ndalen nin, mí la va mialla baalaa tosallo o lɛŋnde isumialten nin-ndo ni.›»

Esekiɛl 7:24

Lelan i cuunin vanaa-mangalaa-isɔɔa hiow kɔlvesɛiyo-a nanu, mà hun poondiaa cɛila ndalan. I tɛɛmbuunin kuundian vanaa kpaayaa, o kon cɛila máánnda ndalan la fulanin o baa nin.