Yeremi 17:3 - BII BILA

³ Niaa vannda Yuda, niaa co keiyo piɔmnda sooloo o pembon coo yondoo nin ni. I co ɲɛ-sɔlaa niaa, ɲɛm niaan, a tombun niaan malɔɔ vannda o ba. I tosanin ken le hakila niaa tosa o lɛŋnde niaalen kpow nin-ndan.

Yeremi 17:3 Referans Kwoze

Yeremi 15:13

«Yuda, i cii ɲɛm nɔmndon a bolofaa nɔmndo malɔɔ vannda o ba. Sálà n bɛnda le sɔlaa le hakila n tosa lan-ndo co kon ni, la n tosa o lɛŋnde nɔmnden coo lan pɛɛn.

Yeremi 26:18

«O telen Esekia va masalen tosaa Yuda-o, vana-tɛɛngaa-diom Hala-o pum va, diolan Misee, fulaa Moresɛt. Mí ndóò dimul vannda Yuda kpow aa: O Mɛlɛka-Nɔ-Kpaayaa-Kpow-vo dimi-o co hoo ni aa: ‹Siɔn vaanunnin maa iciɛɛ, Yerusalɛm siŋnunnin bémbélan kposon, mì bɔɔla n'yɔɔlan la vil o pembii Cɛi-Hala-o co coo-e coo.›

2Masaa 24:13

Mí Nebukanɛsar cua bolofaa va o Cɛi-Mɛlɛka-o nin a o cɛi lemasaa nin-ndo kpow, mó mulin mó pesipesi ɲɛm-laandun solia lasálàn n'sianin Salomɔn masaa Israɛl ndóò toosiaa, mí ndóò kɛsi o Cɛi-Mɛlɛka-o nin-ndon kpow mɛɛ Mɛlɛka ndóò dimi yɛ.

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Esekiɛl 16:39

I malnin nɔm nda o ba, mà koombiaa bandóla nɔmndan, mà puusiaa yasabaala makòóla nɔmndan. A yunganin nɔm mà poondiaa nɔm volɔɔla nɔmnda cuɛinanndan o ba. A puunin ɲɛm kɛndɛn n dovin-ndon nɔm o ba, mà mɛi nɔm fondo fúú.

Esekiɛl 6:3

Dimul mun aa: «Niaa pembon Israɛl, la yaŋ nilan o sɔɛi Maalii-e, Mɛlɛka pɛɛn. Maalii, o co Mɛlɛka-o dimul vanaa co icali o pembun bɛndon, pembun pɔmbɔn, kpolonndan a o bóltan nin-nda aa: ‹La tofa vɔ ya, i co niaa cɔwvo tuisi coo mì tɛɛmbuu sooluula niaalan.

Cɛɛŋɔnnda Yeremi lan 1:10

Yaamɔɔ handu baa o ɲɛm ndɔn sɔvɛn ndóò nɔ-on kpow coo. Hali vanaa-mangalaa-isɔɔa, à nɔm óò kuuna luɛyɔɔ vanaa nɔmnda tɛɛn-nda, mó ca nda luɛyɔɔ o Cɛi nɔm diandaa nin.

Yeremi 12:12

Vanaa poondiaa vannda ɲɔɔn o laba-a tiw o pembun bil vil te-on coo kpede o lɛŋnde veselɛilen nin, kani mɔɛi cɔvii Mɛlɛka-e co tɛɛmbuuo a labɛɛla, kandɔɔ o lɛŋnden kpengei kɔlan fulaa o kpengei pilɛi faŋ! I co vana-vana kpakpala le.

Esai 27:9

Nuaa cuavaa Yakɔb-a sɔlanin baŋaa a tɛɛmbuu ndaa ni, tofa vɔ kɔmnde fulanin o haki nda malnin nda-o nin-nden, Mɛlɛka siinguunin powta nda cɔw máánnda soolaalan-ndan, maa powta humbula cuinun mì la cacun maa cundu lan, yɔmii soolɛi a piɔmaa nɔ tuulaa maa lepala-a la muungu lɛnin isisi lɔ́ɔ́-lɔ́ɔ̀ le.

Tɔŋ lasálàá 26:30

La nɛinunnin ya háá mì tɛɛmbuu sooluula niaalan, mì pesi máánnda niaala niaa loam ansan coo lan, mì handu niaa a vílɛ́iya o piɔmaa niaa piɔsiɛiya coo.

Condii lisai 78:58

Má tɛɛmbuu Hala kɔllo a sooluula ndalan, mó tuulu kɔl taw a piɔmaa ndaa.

Yeremi 20:5

I tɛɛmbuunin bolofaa co Yerusalɛm-ndo kpow, ɲɛm nda sɔla o baala ndaa nin-ndon, ɲɛm ndan sɔvɛɔn kpow a bolofaa masaa Yuda kpede, mì yɔngu yaamɔaa ndaa ɲɛm mun kpow, mà cuungiaa mun, mà cua mun, mà kɔɛnnun a mun Babilɔn.

Sofoni 1:13

Bolofaa ndaa co nda puunɔn o laba a paa-kala, mì cɛila ndalan la siŋnun bémbélan. A cɔawnin cɛilan, kɛ a celnin lenin te. A solinin nakɔla n'rɛsɛnndan, kɛ a kolnin mɔima rɛsɛŋun mun te.›»

Yeremi 21:13

I bii niaa tɛɛ, niaa vanaa co o bóllo nin, a o pow bandílá co o dɛngbɔɔ nin-nda pɛɛn. Kani la co dimio maa vana hinnin mò del naa coo a cɔw le, vana lueilunin naa le.›»

Esekiɛl 23:46

Kani nuaa Maalii, o co Mɛlɛka-o dimi ni aa: «A veelu sɛ́lɛ́ bɛndoo le nda kɔlan cɔlɔbaa, i minginin nda yulan-yulan a siòònde, mà poondiaa nda ɲɔɔn o laba.