Yeremi 17:25 - BII BILA

²⁵ mɛɛ masaa co o kpɛŋɛ lemasa David-o coo-a, a co kelaa o soa coo a o ɲɛla ɲaanannda soa nan-ndan coo-a vanin keiyo lɔ́ɔ́-lɔ́ɔ̀ o diola kobio ho. Simlacia ndaa, vannda Yuda a vanaa-vanaa co Yerusalɛm, nda bɛɛ a vanin keiyo lon, a vanin vɛlɛ icali o kobio ho nin le lɔ́ɔ́-lɔ́ɔ̀.

Yeremi 17:25 Referans Kwoze

Yeremi 22:4

Te la bii pɛ sɔɔn mun, mɛɛ masaa vanin icali lɔ́ɔ́-lɔ́ɔ̀ o kpɛŋɛ lemasa David-o coo, a vanin keiyo o diola cɛi lemasalan ndan a simlacia ndaa a vannda kpow latulu le luɛyɔɔ a le fulaa o ɲɛla ɲaanannda soa nan-ndan coo a o soa coo.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Hebreea 12:22

Kɛ mí la sɔɔnguu o pembei Siɔn a o kobi Hala nɔ yoomoo o ba-o ikɛi, Yerusalɛm co o halataala-o, nɛɛ mɛlɛkaa co sɛ́lɛ́ a cuu cɔm te-a co-a.

Yeremi 33:21

Lende koni, kpema ya yiilu David vana ni baalaa-o tembunin te. Vana-vana kuunanin vɛlɛ cuavaa-imamaa David-a masalen tosaa Yerusalɛm lɔ́ɔ́-lɔ́ɔ̀ le, cuavaa-imamaa Levii-a bɛɛ a pɛnginin a ya sálàlan solullo le.

Yeremi 33:17

Diom Mɛlɛka dimi-o co hoo ni aa: «David folanin vana o polale ndɔlen nin lɔ́ɔ́-lɔ́ɔ̀ le calle o kpɛŋɛ lemasa nin le masalen tosaa Israɛlla coo le.

Yeremi 33:15

Telen kon hun tiiya pɛ, i solulnin David lɛvii dɛnɛ sandɛi. Lɛvii ken tosanin dɛnɛ sandaa a dɛnɛ peelanndo o lɛŋnden nin.

2Samiɛl 7:16

Le fɛɛn a fɛɛn, cɛi nɔmndo a masale nɔmnden le vanin yili. Kani kpaaya nɔm lemasaa hiilunnin te.›»

Yeremi 22:30

O Mɛlɛka dimi-o co hoo ni aa: «La sɛva po kon maa o nɔ hɔ́ɔ́ le, vana sangan fúú o ceen ndɔɔ nin-ndo. Vana pilɛ bɛɛ fulanin o yungu ndɔɔ nin, mò koma cal o kpɛŋɛ lemasa David-o nin te, o kɛ́-kɛ̀ tosanin masalen o tàndá Yuda-o coo le.»

Yeremi 13:13

a dimul nda aa: ‹O Mɛlɛka dimio co hoo ni aa: I co tosa mì mɔiyan ma bii vanaa co o lɛŋnden nden nin-nda kpede, masaa co icali o kpɛŋɛ lemasa David-o nin-nda, vanaa-solia-lasálàá, vanaa-tɛɛngaa-diom Hala-a a vannda Yerusalɛm kpow.

2Samiɛl 8:4

Mí David bii vanaa ɲaanun o soa coo-a n'van vàá pilɛ a kɛmɛ leŋɔmmɛw a vanaa cɔvaa celen vaalan bidiin o vanaa cɔvaa Hadadesɛr-a tɛɛn. Mó bii soa ndáà bɛɛndiaa le cɔwvo-a kɛmɛ, mó manda kan le ndu pila. O kon kɔɔli, mó kili soa tɔ̀a kpow tɔndikɔɔlion.

1Samiɛl 8:11

Mó dimul nda aa: «Ɲɛ vana vanin niaa masaa coo-o tosanin-ndo vanin hoo ni: o hɛlinin vanaa cɔwva o poaa niaa tɛɛn le cɔwvo tosaa o ɲɛla ɲaanannda ndɔla soa nan-ndan coo. A tiŋ vanin le ɲaanɔnndo o soa ndɔa coo, a pum yɛ, le vaa ɲaanɔnndo ɲɛ ndɔ ɲaanan soa nan-ndo laci.

Tɔŋ miingua 17:16

Masa niaa suilinin kon-ndo bɛnda mò nɔ soa taw le, o bɛnda mò mingi vɛlɛ Israɛlla pum Esipte le soa sɔlaa taw-taw le. Kani Mɛlɛka dimul niaa aa: ‹La muungu lɛ o nɛi kon coo le.›

Fulaa 12:14

Le fɛɛn a fɛɛn, kandɔɔ a niaa pila, kɔ bii a cuavaa niaa imamaa, la bɛnda mì la tosa kafo bɛndoo le ya Mɛlɛka biiloo, haliko mi la va loonɔnndo a dɛnɛ kon o kɔɔ.»

Yeremi 22:2

Má dimi aa: ‹Nɔm masaa Yuda co icali o kpɛŋɛ lemasa David-o coo-o yaŋnun sɔɛi Mɛlɛka-e, i co vɛlɛ le simlacia nɔmnda a le vannda kpow, a kɛ́-kɛ̀ kei o diolan ndan le luɛyɔɔ o cɛi lemasaa ho nin.

Yeremi 25:5

Mó dimul niaa aa: «Vana-vana o niaa tɛɛn mal kela ndɔ vɔɔndo, dɛnɛ vɔɔn o co tosaa-o! O kon la tiwnin ba mi la cal o lɛŋnde ya ke kabi sindɛ fuɲaa niaa mamaa a niaa pila len nin.

Yeremi 7:3

O Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹La bɛɛndiaa kela niaa a dɛnnda niaalan, o kon mì la cal o lɛŋnden nden nin.

Yeremi 7:7

mɛɛ i kɛsinin niaa o fonda kon, o lɛŋnde ya yɔngu fuɲaa niaa mamaa le lɔ́ɔ́-lɔ́ɔ̀ a lɔ́ɔ́-lɔ́ɔ̀ len nin.