Yeremi 17:22 - BII BILA

²² La soli lavolɔɔ kɛ́-kɛ̀ o laniaa lo cɛilan nin o paale len coo le, la tosa baala kɛ́-kɛ̀ le, la manda paale len le ya, maa mɛɛ ya dimul fuɲaa niaa mamaa yɛ.

Yeremi 17:22 Referans Kwoze

Esekiɛl 20:12

Mí yɔngu nda vɛlɛ palɛi pɛngiɛi nii, mí palɛi ken siŋnun tɔɔmaseloo naa tɛɛn naa ndaa, haliko mi ndáà sina maa ya co Mɛlɛka dindi nda-o ni.

Esai 58:13

Te la bii pɛ pelun niaan, mì la kela o paale pɛngiaalen coo le, te la tosa hɛnan niaa o paale nile diandaalen coo le, te la ce pɛ paale pɛngiaalen maa paale yeelɛilen, paale diandaale Mɛlɛka len a paale sɔvɛlen le co ni. Te la ke pɛ paale len bɛɛlen, mì la kela o nɛila niaalan coo le, mì la tosa dɛnndan mɛɛ niaa hɛnan yɛ le, mì la luei sondoo o tombola fondo-fondoo nin te,

Fulaa 23:12

O palɛi ndii ŋɔmpum bɛngu, la tiwba mì la tosa baalala niaalan kpow. Kɛ o paale ŋɔmmɛwndɔlen coo, la bɛnda mì la tosa baala le, haliko mi navaa niaa a sofɛlɛa niaa sɔla pɛngio, mì poaa cɛa niaa laandua a mialaa co niaa o bɛngu coo-a sɔla vɛlɛ yoomuma sɛnɛi.

Dɛnnda cɔɔmuanndan 1:10

Mí Kɔl-Diandaa cua ya o paale Mɛlɛka len coo, mí tuɛinun diom bɛndoo kɔɔli maa diom bulu,

Luke 23:56

Má muungu, má kɔ bɛɛndiaa ɲɛm cun kɛndɔn a ansan. O kon má pɛngi o paale pɛngiaalen coo mɛɛ tɔŋ ndaa va yɛ.

Luke 6:5

Mó dimul nda vɛlɛ aa: «Po vanacieo co paale pɛngiaalen bollen ni.»

Esekiɛl 22:8

Nɔm pila co ɲɛm nin diandan pɛɛsaa, a co kasio delɔɔ a paalɛi nii diandɛi.

Tɔŋ lasálàá 23:3

La nɔ palɛi ndii ŋɔmpum o lɔ́ɔ́ bɛngu le baalala niaalan kpow tosaa, kɛ paale ŋɔmmɛwndɔlen, paale pɛngiaalen le co ni. Paale len ya hɛli mí toosiaa le pɛngio ni. La bɛnda mì la cuungian le bɔŋan diandaa tosaa le ya biiloo. Fonda oo fonda niaa va pɛ icali, la bɛnda mì la tosa ɲinkon baala oo baala le, paale pɛngiaalen le co len le ya Mɛlɛka ni. La bɛnda mì la bii paale len.

Tɔŋ lasálàá 19:3

Niaa kpow, vana-vana bɛnda mò yɔngu kala ndɔ a fuɲa ndɔ bɛɛlen, mò bii paale pɛngiaalen mò ke len bɛɛlen. Ya co Mɛlɛka ni, Hala niaa pɛɛn.

Nehemi 13:15

O telen pilɛ kon bɛngu, mí ca vanaa va o tàndá Yuda-o nin-nda rɛsɛnndon nɛwvo o doolaa nin o paale pɛngiaalen coo. A pum va tumbula n'mal-tan vilio, a pum nda va mɔiyan, rɛsɛnndon, bumbuuon, a ɲɛm súú-súù ka heeloo sofɛlɛa o lakɔɔ le hunɔɔ a mun Yerusalɛm o paale pɛngiaalen coo. Mí ciŋilan nda, mí kanalan nda le ɲɛm mun pisio o paale pɛngiaalen coo.

Yeremi 17:24

Sɔɛi fula Mɛlɛka o sondo-e co hee ni aa: Kɛ niaa, te la yaŋ pɛ nilan o sɔɛi nii, mì la cue lavolɔɔ mì la kei a lan o diola kobio ho le, mì la ke paale pɛngiaalen bɛɛlen, mì la tosa baala kɛ́-kɛ̀ le,

Sakari 1:4

La vial fuɲaa niaa mamaa a káà, mì la tosa maa nda le. Kani nda nda, vanaa-tɛɛngaa-diom Hala-a va sindɛ yondaa nda o lani, má va nda dimullo aa Mɛlɛka-Nɔ-Kpaayaa-Kpow-vo dimi aa: La mal kelala niaala vɔɔnndan a dɛnnda niaala vɔɔnndan. Kɛ a yeŋ nilan te, a bii sɔɛi ken te. Sɔɛi fula Mɛlɛka o sondo-e co hee ni.