Yeremi 17:21 - BII BILA

²¹ O Mɛlɛka dimi-o co hoo ni aa: La caa taw, la cua lavolɔɔ kɛ́-kɛ̀ o paale pɛngiaalen coo, mì la kei a lan o diola Yerusalɛm-ndan te.

Yeremi 17:21 Referans Kwoze

Tɔŋ miingua 11:16

«La caa taw, yɔŋii niaa luɛi o pɔwlan nin, mì la faŋan o nɛi sandaa coo, mì la sooluu halaa celennda, mì la baŋ vulan nda o labɛngunin.

Tɔŋ miingua 4:23

La caa, yɔŋii niaa pɔɛɛnun kpema Mɛlɛka Hala niaa yiilu niaa-o, mì la cɔw piɔmnda a tuuliaala súú oo súù. Nduyɛ o kuuna niaa dɛnnda lan.

Tɔŋ miingua 4:15

«La mandan taw le niaa pila, kani la ci levundu oo levundu paale Mɛlɛka soo o niaa lo o pembei Horɛb coo o yinnden tɛɛn-nden te.

Tɔŋ miingua 4:9

«Kɛ niaa yɛ, la caa le niaa pila, la mandan, yɔŋii niaa pɔɛɛnun dɛnnda niaa ce a lehɔl mí la yɔŋnun seiya le lan-ndan. La mandan dɛnnda lan o lakɔl le fɛɛn a fɛɛn, la pɛɛku cuavaa niaa a cuavaa niaa imamaa lan.

Luke 8:18

Lelan, la caa taw, le mɛɛ niaa yaŋnun vannda yɛ. Kani a yɔngunin vana nɔ-o, kɛ vana nɔ loo, hali ɲɛ-pɔmbɔ o co yiyanndo maa o nɔ-o, ndu hialunnin ndu.»

Marke 4:24

Mó dimul nda vɛlɛ aa: «La mandan a ɲɛ niaa co tueyɔɔ-o. A tuunin niaa a ɲɛ niaa co tuuvo-o, mà cɔɔlu vɛlɛ handɔɔ lecoo.

Talelan 4:23

Manda kɔl nɔmndo hiovɔɔ ɲɛm tɔ̀un kpow coo, kani lon yoomu nɔmndo cɛn tum ni.

Yosue 23:11

Lelan, la caa taw le niaa pila, mì la kaola Mɛlɛka Hala niaa.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Esai 56:2

Duaa co le vana co tosa lende-o, duaa co le vana co kelaa o sɔɔn mun coo-o, o co paale pɛngiaalen bɛɛlen keo yɔŋii o del kasi a len-ndo, o mandan, yɔŋii o tosa dɛnɛ vɔɔndo-o.

Esai 58:13

Te la bii pɛ pelun niaan, mì la kela o paale pɛngiaalen coo le, te la tosa hɛnan niaa o paale nile diandaalen coo le, te la ce pɛ paale pɛngiaalen maa paale yeelɛilen, paale diandaale Mɛlɛka len a paale sɔvɛlen le co ni. Te la ke pɛ paale len bɛɛlen, mì la kela o nɛila niaalan coo le, mì la tosa dɛnndan mɛɛ niaa hɛnan yɛ le, mì la luei sondoo o tombola fondo-fondoo nin te,

Fulaa 20:8

La loonun a paale pɛngiaalen mì la ce len maa lediandaalen le co ni.