Yeremi 17:2 - BII BILA

² Mɛɛ nda yiyan poaa ndaa coo yɛ, lende koni nda co yiyanndo fondala-loamaa-lasálàla ndalan, sungbuma soolaama ndan, a yɔmii puiyɛi co o pembon coo-e coo ni.

Yeremi 17:2 Referans Kwoze

2Dɛnnda lemasalan 24:18

Má mulul Cɛi-Mɛlɛka Hala fuɲaa ndaa mamaa kɔɔ, má muungu yɔmii soolɛi a piɔmnda sooloo. Le hee, mí kɔltuw Hala-o toal vanaa va o tàndá Yuda-o nin-nda a á vanaa va Yerusalɛm-nda coo.

Yeremi 2:20

Mí Mɛlɛka dimi aa: «Israɛl, o co lɛhau le n luɛi nila kalulan a ya le, má tɛɛmbuu nɔu naa ŋiɔn tɛɛn, o kon má dimi aa a yeema lɛ ma va o lecɛ nin te. Kani a co keiyo piɔmnda sooloo o pembon kpow coo a o yɔmii puiyɛi kpow bɛngu.

Esai 17:8

O tofa lɛnin a kpengii máánndan te, ɲɛm vanndacieea toosiaa a laba-on co mun ni, o tofa lɛnin ɲɛm o cɔw a n'suon te, o tofa lɛnin tombun soolan a bonyun fuusan te.

Esai 1:29

Siɛmbulan la biinin niaa le yɔmii soolaa niaa co sooloo-e. Siɛmbulan toalnin niaa le bundɛla soolala niaa kɔngan-ndan.

2Dɛnnda lemasalan 33:3

Mó mingi tombun Esekia fuɲa ndɔ ndóò pesipesi-on tangul, mó cɔaw fondala-loamaa-lasálàlan le Baalla, mó cɔaw yɔmii soolɛi maa mɛɛ Akab va masaa Israɛl-lo ndóò tosa paandu yɛ. Mó baŋ vulan ɲɛm pangelen co o halataala-on o labɛngunin, mó sooluu mun.

Masaa kialaa n'yamaa 3:7

Mí Israɛlla tosa ɲɛ hɛnan Mɛlɛka Hala ndaa loo, má pɔɛɛnun ndu, ma mulin Baal a Asera sooloo.

Esekiɛl 20:28

Kani mí luei nda o lɛŋnde yáà heelu baa coocoo mí yáà mɛnan le nda yɔngoo len nin. Kɛ nɛɛ-nɛɛ nda ce pembii vilɛiye a yɔm puiyaa lenin, má kɔ soli sálàlan ndon, má cucu kpeyannda lan ndon, má soli sálàlan a lasikɔlɔ cun kɛndɔɔ lon, má taaliaa sálàla mamɔilan ndon le ya kɔllo tuuloo.

Yeremi 7:18

Poaa ndaa tingu pɛ yɔmnde, fuɲaa ndaa mɛndul yinnden, laandaa ndaa linda dɛɔ le toŋɔɔ le masa-laandu co o halataala-o, a le halaa celen sálàla mamɔilan solullo haliko ma tɛɛmbuu ya kɔllo.

Condii lisai 78:58

Má tɛɛmbuu Hala kɔllo a sooluula ndalan, mó tuulu kɔl taw a piɔmaa ndaa.

2Dɛnnda lemasalan 33:19

Piɛile ndɔlen, mingin Mɛlɛka mingin ndu o ibuŋ-ndo, hakila ndɔlan kpow, kɛɛ o kɛɛ lou o lediom coo-o, fondala ndóò tangul sooluulan telen pá mó tuisin Mɛlɛka o labɛngunin-ndan a nɛɛ ndóò kɛsi yɔmii soolɛi a sooluulan-nda kpede la co lasɛvaalan o sɛbɛ Hosai-yo nin.

Fulaa 34:13

Niaa bɛnda ni mì la pesi máánnda ndalan, powta sálàla ndalan, mì la tɛɛmbuu tombun nda sooluu-on.

Yeremi 3:6

O paale masaa Yosia len, mí Mɛlɛka dimul-la aa: «Vɛ̀ɛ̀ a ce pá ɲɛ Israɛl muuluanndo ho tosa-o? O hel o pembon kpow coo, mó kɔa o yɔmii puiyɛi bɛngu, le piɔmnda sooloo.»

Yeremi 3:23

A toɲa, fondo fúú koni naa n del sooluula fondolan kɔɔli o pembon coo ni. Kɛ Mɛlɛka Hala naa o ba cinda Israɛlla co ni.

Tɔŋ miingua 12:2

«La bɛnda mì la tɛɛmbuu sooluula vanaa niaa co lakɔ tovɔɔ-a. O va o pembun bɛndu coo, o va o pembun pɔmbɔ coo, o va o yɔm puiyaa bɛngu.