Yeremi 17:18 - BII BILA

¹⁸ Vanaa co ya yɛlen tollo-a siɛmbulan láà bɛnda le biyɔɔ ni, kɛ o co ya le. Ndáà bɛnda le ɲiiyaa a siòònde ni, kɛ o co ya le. Tuisi paale dɛnɛ palaalen nda coo, mà tɛɛmbuu nda kpede.

Yeremi 17:18 Referans Kwoze

Condii lisai 35:4

Màá siɛmbulan la bii vanaa co ya kɔɔli le ya diyɔɔ-a, mà laasian! Màá vanaa co ya dúmbóó muungu a makɔɔ, mì siɛmbulan la tol nda!

Yeremi 20:11

Kɛ nɔm Mɛlɛka co ya ikɛi, a co cɔlɔbaa le ya a kpaayaa. Lelan vanaa co ya yɛlen tollo-a boŋnin, a nɔlanin tosaa mɛɛ nda yiyan a ya yɛ le. Siɛmbulan la biinin nda le bumba nda bumbanin ya-o. Siɛmbula lan la vanin nda lɔ́ɔ́-lɔ́ɔ̀, vana-vana pɔɛnunnin a lan o kɔɔ le.

Yeremi 11:20

Kɛ nɔm Mɛlɛka-Nɔ-Kpaayaa-Kpow-vo, nɔm co vana kialaa n'yama sandaa ni, nɔm sina yeemɛi a yiyanndan kpow ni. I canin mɛɛ n mingulnin nda maa yɛ, kani nɔm ya tiindan ni.»

Condii lisai 40:14

Mɛlɛka, baŋa ya yandi. Hun cɔ́-cɔ́, ma mala ya.

Condii lisai 35:8

Màá dɛnɛ palaa voolu nda! Màá nda pila haw o yaŋɔɔle nda handu len! Màá a deli o soon nda tow-vo nin mà tambu!

Dɛnnda cɔɔmuanndan 18:6

La tosal ndu mɛɛ ndu tosal caanda yɛ, la mingul ndu dɛnnda o tosa lan vangalaa lediin. La bingulan mɔima nɛyaa-nɛyan súúlan tan tiɔn o taala ndu va caanda talallo-o nin.

Yeremi 17:16

Ya, i beŋ nɔm le dɛnɛ palaa tuisi kangalan te, o co yeemɛi ni mì paale dɛnɛ palaalen le tiiya le. Nɔm Mɛlɛka, a sina ken válán. Diom ya soo-o, nɔm o hɔl ya dimi ndu ni.

Yeremi 16:18

I co nda sala dɛnnda ndala vɔɔnndan yɔngu bɛmbɛ lediin, kani a cii lɛŋnde nilen tɛɛmbuu, a cii kɛ́ nuu pei cá a piɔmaa ndaa lamàá-a.»

Condii lisai 71:1

Mɛlɛka, o nɔm ndo nɛɛ nia viannannda co ni, cɛ̀l mì siɛmbulan la bii ya le.

Condii lisai 70:2

Éé Hala! Keleŋa hunɔɔ ma baŋa ya, Mɛlɛka, hun cɔ́-cɔ́ ma mala ya.

SƐBƐ YƆB-O 16:14

O co ya hinullo maa kuubanɔ cɔw, O co ya lɔwviaa taw-taw.

Yeremi 14:17

«Sɔɛi n dimulnin nda-e co hee ni aa: Paalen a ɲumndan mɛmɛan ma co ya tolɔɔ kongilan, kani dɛnɛ palaa vɔɔn-vɔɔndo tol vanaa nia coo, a yɔŋulun yɔŋulɔn nɛyaa bɛndu singu loo.

Yeremi 1:17

Lelan nɔm Yeremi, yiinun yáwlen kpeekpei, mà tɛɛngul nda ɲɛ-ɲɛ ya dimulnin nɔm. Ɲiiya nda o hɔl te, yɔŋii ya tosa mà ɲiiya niko nda o hɔl kpeekpei.

Yeremi 12:3

Ya yɛ, a sina ya, nɔm Mɛlɛka, a co ya cɔu, a co kɔl nuu mɛɛndianndo. Manda vanaa vɔɔnda mɛɛ vana manda saa le nda hunɔɔ diyɔɔ nuaa yɛ, manda nda le paale diyaalen.

Yeremi 17:13

Mɛlɛka, nɔm co kɔlkɛsiaa Israɛlla ni! Màá siɛmbulan la bii vanaa kɛɛ nɔm-nda kpow! Diola vanaa co nɔm kɔɔ mulullo-a kpow la co lasɛvaalan o cundoo nin, kani a kɛɛ nɔm Mɛlɛka co soon mɛmma cindaa-o.

Yeremi 17:19

Mí Mɛlɛka dimul-la aa: «Kɔ mà sim o dio kobio sondoo, nɛɛ masaa Yuda a kei le luɛyɔɔ a le fulaa o kobio nin-nda, a o diola tɔ̀lan Yerusalɛm kpede.

Tɔŋ miingua 33:11

A yandi Mɛlɛka, dɔw vali nda co tosaa-o duaa. Cɛl baala nda co tosaa a bala ndalan-ndo a kɔlkɛndɔɔ. A yandi Mɛlɛka, yimi yaamɔaa ndaa vongalan. Màá vanaa nɔ nɛyɔn ndaa-a can-ndɛ isisi le!»