Yeremi 17:14 - BII BILA

¹⁴ Mɛlɛka, singi ya mì sengu, ciindiaa ya mì cinda, kani biilu nɔmndo co ya o sondo lɔ́ɔ́-lɔ́ɔ̀.

Yeremi 17:14 Referans Kwoze

Condii lisai 6:2

Éé Mɛlɛka! Soaŋ ya o kɔltuw nɔmndo nin te, saangiaa ya o hiilɛi nɔmnde nin te.

Tɔŋ miingua 32:39

Lelan, la sina maa ya co Hala ni, maa hala celen co o ya kɔɔli le. Ya yɔngù piɔ́mndo ni, ya yɔngù yoomoo ni. Ya boli vana ni, ya koni singi vana ni. Vana-vana nɔla mò hɛlu ɲɛ-ɲɛ ya o ba le.

Condii lisai 106:47

Éé Mɛlɛka Hala naa, ciindiaa naa, soli naa vanaa-mangalaa-isɔɔa tɛɛn, mà cuungiaa naa nɛɛ pilɛ, haliko mi n sangala diola nɔmnda diandaa lan, mì n biilu nɔm, mì n sangala nɔm.

Luke 4:18

«Kɔl Hala-o co ya coo, kani o hɛli ya le vanaa bala fondoa Yoongu Kɛndɔɔ tiiyallo. Le vanaa co o kaasolan-nda baŋaa, le vanaa sumɛiya hɔltan kumbio, le vanaa co o sangaa nin-nda pɛngio keo,

Tɔŋ miingua 10:21

Ndu co vana niaa bɛnda le lisaa-o ni, ndu co Hala niaa ni. Ndu tosa kaamaalan a sɔɔn kpúlúnkùman bɛndun niaa ce-on le niaa ni.

Condii lisai 109:1

Condii David-e, í fula o condun simlacinɔ vanaa n'condua nin-nde. Éé Hala, nɔm ya co biiloo ho nuaa ni, mei le,

Condii lisai 6:4

I yɔŋnun yoloma-yoloma. Éé Mɛlɛka! Háá lɔ́ɔ́ kuɛɛ ya lo yɛnin o hee nin?

Yeremi 15:20

I siinguunin nɔm maa sungbule n'daɲale kálà-kálà vannda ha o hɔl. A cɔlɔbanin nɔm, kɛ a nɔlanin nɔm te, kani i co nɔm ikɛi le nɔm baŋaa a le nɔm ciindiaa. Sɔɛi fula ya Mɛlɛka o sondo-e co ken ni.

Matie 14:30

Kɛ ndóò cɔu mɛɛ hoeiye va hɔŋndo fúkù-fùkù yɛ, mí siòònde bii ndu, mó kandu tolɔɔ o mɛnndan bɛngu. Mó yonda aa: «Maalii, ciindiaa ya!»

Yeremi 31:18

I tuei cɛɛŋɔnnda vannda Efraim co lan ɲɛkɛndɛi, a co dimio aa: ‹A lɔɔ naa bɔɔ a hɔlta kalalan le naa mingio o nɛi, maa mɛɛ nda sila naw tova nila kaloo yɛ. Kɛ mingin naa o ibuŋ mì n muungu lekɛ́ndɛi. Kani nɔm Mɛlɛka co Hala naa ni.

Esai 6:10

Siinguu kɔlta vannda ha kɔlta bii isɔɔ le lan, baŋul nda nilan mà kumbu nda hɔltan kpáŋ, yɔŋii nda cɔ a hɔlta ndalan, yɔŋii nda tuei a nila ndalan, ma bii bila a kɔlta ndalan, haliko a mangalan mà sɔla siongɔɔ le.»

Matie 8:25

Mí kaandennda sɔɔnguu ndu ikɛi, má tindi ndu, má dimi aa: «Maalii, ciindiaa naa, cuuo naa n co nuaa ni!»

Condii lisai 148:14

O yɔngu vanaa ndɔa yoomuan, mo tosa mà cua bollen. Lelan vanaa lo o lediom coo o cuavaa Israɛlla tɛɛn-nda kpow a co ndu lisaa o condon nin ni, vanaa co ndu kan ikɛi-ya pɛɛn. La lisa Mɛlɛka!

Condii lisai 60:5

A tuisi vanaa nɔmnda sangala kálà-kálàlan coo, má koesi naa mɔima nɛyaa-nɛyan.

Condii lisai 12:4

Màá Mɛlɛka kili cɔcɔn sondo yeelɛin mun, a diɛɛmui soaa ken yongaa-e!

Kundalan 12:13

Mí Moise tɛɛlun Mɛlɛka aa: «Éé Hala! I tɛɛlun nɔm, singi ndu yandi.»

Condii lisai 54:1

Condii David-e, í fula o condun simlacinɔ vanaa n'condua nin-nde. A ɲɛ-caa iyoo o soli condei he ni,

Yeremi 3:23

A toɲa, fondo fúú koni naa n del sooluula fondolan kɔɔli o pembon coo ni. Kɛ Mɛlɛka Hala naa o ba cinda Israɛlla co ni.

Yeremi 30:17

I minginin nɔm mɛɛ n va paandu yɛ, mì singi boolɔnnda nɔmndan. Kani a co nɔm veeloo aa: ‹Nɛŋi mako le›. Siɔn ni, vana-vana nɔ mako a ndu le.» Sɔɛi fula Mɛlɛka o sondo-e co ken ni.

Yeremi 33:6

Kɛ i dɔawnin nda danda mà muungu maa paandu. Mì singi cɛila ndalan, mà sɔla kɔlɲuloo, mà va nila ɲulu.

Condii lisai 6:3

Tuinun ya iɲíí, Mɛlɛka! I co bɔɔ ɲawvo. Singi ya, kani paala nilan kpow la co ɲiiyaa.

Condii lisai 119:94

Ciindiaa ya, le nɔm ya co ni, i co tɔŋnda nɔmndan nuwviaa.