Yeremi 17:12 - BII BILA

¹² Kpɛŋɛ lemasaa nɔ biilu bɛndoo-o pum co kabi o tasendɔ, ndu hiow ɲɔɔn kpow ni. Lon cɛi-kola-toandaa diandaa naa co ni.

Yeremi 17:12 Referans Kwoze

Condii lisai 96:6

Pangeloo a naŋɔɔ co ndu diondɔɔ o hɔl, kpaayaa a bɔɔbɔɔyɛi co o Cɛi-Diandaa ndɔɔ nin.

Esekiɛl 43:7

Mó dimul-la aa: «Po vanacieo sei, fonda kpɛŋɛ ni lemasaa co nanu ni, fonda ya handunin bɛngula niŋnda nilan coo-o pɛɛn. I vanin icali lecoo cuavaa Israɛlla tɛɛn le fɛɛn a fɛɛn. Cuavaa Israɛlla a masaa ndaa a nɔɔliaa lɛnin diola nila diandaalan a suundiaala ndalan a á masaa ndaa vu-a kumbɔɔ nanu le.

Yeremi 3:17

O telen kon, vannda vanin Yerusalɛm veeloo aa: ‹Kpɛŋɛ lemasa Mɛlɛka-o›. Vanaa-mangalaa-isɔɔa kpow cuungiannin ndon o diola ya Mɛlɛka lan. O kon a tosa lɛnin yiyannda vɔɔn kɔlta ndalan te.

Esekiɛl 1:26

O ɲɛ tɛngɛ̀-tɛngɛ̀ va kon nda o bolle coo-o lekɔɔli, ɲɔɔ pum va lon velanndo a pow safir, vanáà ca ko ndu aa kpɛŋɛ lemasaa ni, ɲɔɔ pum va maa vanaciee o ɲɛ va kon maa kpɛŋɛ lemasaa-o coo.

Yeremi 14:21

Le tɔ́ɔ́ nɔm kɛndɔɔ, soli kpɛŋɛ nɔm lemasa a biilu bɛndoo o baa nin te. Yiyan, kialu kpema nɔmndo a naa le!

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Hebreea 4:16

Lelan n sɔɔngun Hala kaola naa-o o ibuŋ a laalanndo mì n sɔla malɔɔ lahakio, mò tuinun naa iɲíí le naa malaa o telen bɛnda-o.

Esai 6:1

Vɔsi masaa Osias vi-o, mí ca Maalii icali o kpɛŋɛ lemasa vilɛi-vilɛiyo coo. Mí bɔɔla doma ndɔ bɛndoo la pia o Cɛi-Hala-o nin ca.

Matie 25:31

Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin.

Esai 66:1

Nuaa Mɛlɛka dimi ni aa: «Halataalaa co kpɛŋɛ ni lemasaa ni, lɛŋnden le co ɲɛ ni kɛsiaa n'peloo ni. Cɛi súú yɛɛ nɛ niaa nɔla yɛnin ya tengullo? Fonda nɛ va yɛnin fonda ni pɛngiaa kpeekpei?

Condii lisai 103:19

Mɛlɛka co o kpɛŋɛ lemasa ndɔɔ nin o halataala, o co masalen tosaa o lɛŋnden kpow coo.