Yeremi 17:11 - BII BILA

¹¹ Maa sɔɔ kuumbun o pelta o dow le lan coo-o vana co bolofaa sɔlaa o kafalan nin-ndo co ni. O tiiya pɛ o yoomu ndɔɔ tɛɛn, o mɛi bolofaa kalaa, o mɛɛlulan, o hiŋnun bollen.»

Yeremi 17:11 Referans Kwoze

Talelan 28:20

Vana lo o lediom coo-o ndu sɔlanin duaa. Kɛ vana co lawvo le bolofaa keleŋaa sɔlaa-o, dɛnɛ palaa toalnin ndu coo le ken.

Talelan 21:6

Bolofaa vana sɔlà a còòlan-ndo, maa kumnde o co le vanaa co piɔ́mndo nuwviaa-a ni. O viw vana o ba le.

Yeremi 22:17

Kɛ nɔm yɛ, tɔnɔ nɔmndo daama n nɔ hɔlten coo ni. A co vanaa tɛɛmbuu isɔɔ le-a diwvo, mà va delɔɔcoo a kafalan tosaa.»

Yeremi 22:13

Dɛnɛ palaa co le vana tangul cɛi ndɔ lemasaa a kafalan, mó tengulun cɛila coocoolan o sandii lepɛŋnde nin, mó tundu caanda baalaa o fondo fúúo coo, o yɔngu nda sala ndaa loo!

Talelan 28:8

Vanndo va pɛ kueelan malɔɔ le tɔnɔ bɛndoo sɔlaa, haliko mo siŋnun vana bolofaa, mɛɛ le vana tosal vanaa bala fondoa kɛndɛi-yo ndu co bolofaa cuungiaa lende ni.

Talelan 15:27

Vanndo nɔ hɔlte ɲɛ-sɔlaa lakafaa, o tuisi dɛnɛ palaa yungu ndɔɔ coo. Kɛ vana ɲɛ-sɔlaa luɛyɔɔninndo nɛinun pɛ, ndu viow yoomu.

2Piɛr 2:14

Hɔltan la pɛ nda a suundaa, a sanga a hakilan tosaa le, a co vanaa kɔlta ndalan la sim yili le-a laasiaa a kɔlkalu vɔɔndo, kɔlta ndalan la co lapiaa a yeemɛi ɲɛ-sɔlaa, dangaa co le nda.

Tite 1:11

Mɛɛ mì la kinda nda sondolan, kani a co yungulan kpede pesipesio a pɛɛkula bɛnda le lan le ɲɛm lakafan sɔlaa.

Sofoni 1:9

Paale len, i soaŋnin vanaa huulu o kèédei coo-a kpow, a pei cɛila vanaa ndaa bɛndua a bolofaa yɔŋ vɔɔndo a á ɲɛ-sɔlaa delɔɔcoo-a pɛɛn.

Talelan 28:22

Vana yeemɛi bɛndoo yeema mò keleŋa bolofaa sɔla, o sínà bɛɛ maa kuɛi co hunɔɔ ndu tolɔɔ coo le.

Talelan 13:11

Bolofaa vana sɔla kúlù-kùlù-o nɛi cuvɔɔ le. Kɛ bolofaa vana cuungiàà pɛ o pɔm-pɔmbɔ-o kui ni.

Condii lisai 55:23

Mal Mɛlɛka sɔɔn nɔmndon o ba, mò toosiaa kpekula nɔmndan. O melnin vana sandaa siɛlaa mò del te.

Luke 12:20

Kɛ mí Hala mulul ndu aa: ‹Diɔmndo ho, cɔɛllɛn kpeekpei ya co yoomu nɔmndo hiɔlɔɔ ni, ɲɛm n bɛɛndiaa mun-ndon, nɛ̀ɛ́-nɛ̀ n co yɛ mun mel?›»

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

1Timote 6:9

Kɛ nduyɛ, vanaa co bolofaa yeemaa-a a co delɔɔ o dɛɛniaa nin, mà va hawvo o yaŋɔɔlen, a co delɔɔ o tuula vɔɔnda idiɔmndan taw nin, la yaa vannda o ɲánndávàà mì ɲɔɔn kpow n cuu nda o laba lan.

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Sakari 5:4

Mɛlɛka-Nɔ-Kpaayaa-Kpow-vo dimi aa: Lelan ya saŋ dangaa o lɛŋnden nden coo ni, haliko mo luɛi o cɛila vuiya a o cɛila vanaa co mɛɛniannda lacòòvalan o diola nilan-nda lan nin, mò lom cɛila lan a yɔmii ndɛi a á powta ndalan.›»

Misee 7:3

Tenndaa pila bala ndalan la tennda o dɛnɛ vɔɔndo tosaa nin ni. Simlacia co ɲunaa le nda salaa, vanaa kialaa n'yamaa bɛɛ kilu yamɛi fondo le, fɔ ma ce tɔnɔ ndaa lenin, vanaa kùndàá bɛɛ a co ɲɛ nda yeema-o kiolɔɔ. Lende nda kpow a co cɛlanndo ni le dɛnnda vɔɔnndan tosaa.

Misee 2:9

La co vanlaandua yungu nuu solio o cɛila ndala nda kaola lan nin, mì la va cuavaa ndaa biilu ya yɔngu nda-o tuŋɔɔ le fɛɛn a fɛɛn.

Amɔs 3:10

À sina mɛɛ vana tosa dɛnɔɔ o sandei nin yɛ le. Ya Mɛlɛka soo nuaa ni. A co ɲɛm nda sɔla a kɔlvesɛiyo-on, a n nda sɔla o delɔɔcoo nin-ndon cuungiaa kundala bɛndulan o cɛila lemasala ndalan nin.

Talelan 28:16

Simlacinɔ sinà dɛnɛ loo vángalà delɔɔcoo ni. Kɛ vana ɲɛm lakafan nɛinun pɛ, ndu viow yoomu.

Talelan 23:5

Ɲɛ-sɔlaa, vana del ndu dɔ́ɔ́ pɛ hɔlten o lonnun pɛ́, o vil bɔɔlan, o kɔɛnnun coocoo polon maa kovɛ.

Condii lisai 49:13

Vanacieo, a ɲɛm kɛndɛn o co nin-ndon kpede, o lonin yoomu le. Paale pum, o vunin mɛɛ visia vu nuaa yɛ.

Yeremi 6:13

Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

Yeremi 8:10

Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

SƐBƐ YƆB-O 20:21

Ɲɛ-ɲɛ ndóò helun ndu a pulule ndɔlen te, lelan dɛnɛ ndɔ kɛndɔɔ viwnin te ni.