Biblia Todo Logo
Bib sou entènèt

- Piblisite -




Yeremi 16:7 - BII BILA

7 Vana-vana venin le ɲɛdiaa piɔvanndo nda vanaa biisio del-la le nda ɲɔɔlu le. Vana-vana yɔngunin vɛlɛ vanaa fuɲa nda, te kon te kala nda vi-a taala kólaa le nda ɲɔɔlu le.

Gade chapit la Kopi




Yeremi 16:7
8 Referans Kwoze  

À solul-lɛnin Mɛlɛka sálàla mamɔilan te, o hini lɛnin kɔl a sálàla ndalan te. À solul lɛnin lasálà le ndu hɛnanndo le. Le nda, ɲɛdiaa vanin maa ɲɛdiaa dɛnɛ palaa. Vanaa dianin ndu-a kpede a siŋnunnin vanaa nɔɔlɛiya. Ɲɛdiaa ndaa dɔawnin nda pila balo, kɛ a lueinin ndu o Cɛi-Mɛlɛka-o nin te.


Ŋɔɔcian o kɔl nin, kɛ tosa sɔɔn biisin vanvílɛ́iya le. Vownun mɔsil nɔm vilɛiyo, vownun samtala nɔmndan o n'pelu, kumbu hɔlaa nɔmnda tálá co lebɛngu-o le, dia ɲɛdiaa biisi caanda le.»


I di ɲɛ-ɲɛ o ɲɛ kon nin telen ya va o sangaa nin-ndo le, i faŋa ɲɛ-ɲɛ lecoo le dɛnɛ nɔɔlɛi tosa a ndu le, i yɔngu ɲɛ-ɲɛ le dɛnɛ vana vílɛ́i le. I bii nɔm Mɛlɛka Hala nuu diom, mí tosa ɲɛ-ɲɛ n dimul-la le tosaa.


O kon, mí puapilɛa ndɔa, a laandua, a piaandua a vanaa ndáà siinian-nda kpede a kui dɔ́ɔ́ o Yɔb lo. Má dia ɲɛdiaa nda ndaa latulu, mí nda kpede cɔm ndu maa a kaola ndu. Má ɲɔɔlu ndu le dɛnɛ palaa kɛ́-kɛ̀ kei ndu coo, dɛnɛ palaa Mɛlɛka pila tuisi ndu coo-o pɛɛn. Mí vana-vana ke ndu volii humbei ipilɛ a kelɛi isianiei ipilɛ.


«Mí dɔaw dɛnnda lakafala co o lɛŋnden coo lan kpow taasi, mí ca vanaa nda co saangiaa-a a mɛmɛan o lahɔl. Vana co le nda ɲɔɔlu le, à co nda tiindaa a kpaayaa, vana bɛɛ ve le nda ɲɔɔlu le.


Niaa vannda Yuda, la caŋ vana vi-o le, masaa Yosia pɛɛn, mɔnɛi bii niaa le ndu le. Kɛ la caŋ taw le vana co kɔnndan-ndo, masaa Salum pɛɛn! Kani o muungu lɛnin te, o ci lɛnin lɛŋnde ndɔle o velun nin-nden te.


Nɔ́ɔ́ dɛnɛ nɔɔlɛi ndɔɔ co ndu o domaa. O ve kɔl o ɲɛ va ndu hunɔɔ komal-lo le. Mí delɔɔ ndɔɔ dɔaw ndu kɔndɔfili. Nduyɛ vana-vana ve le ndu ɲɔɔlu le. Mó dimi aa: ‹Éé Mɛlɛka! Tofa vɔ siɛmbula ya co nin-ndan, bau yaamɔɔ nuu nɔla ya.›


Swiv nou:

Piblisite


Piblisite