Yeremi 16:6 - BII BILA

⁶ Vanaa bolofaa te kon te vanaa bala fondoa vunin o lɛŋnden nden nin, vana venin le nda kumbɔɔ le, vana venin le nda caŋ te. Vana-vana mɔnɛi biinin mò keŋnun vaasan lekɔɔ, te kon te mò sendin tembello le biisi ndaa le.

Yeremi 16:6 Referans Kwoze

Tɔŋ miingua 14:1

«Cuavaa Mɛlɛka-a niaa co ni, Hala niaa pɛɛn. Lelan, la kiaŋnun vaasan lekɔɔ le, la sendin temboo o kpokpoo coo le dɛnɛ vana vílɛ́iyo le.

Yeremi 47:5

Vannda sendinnin tembeltan Kaasa. Vannda meinin Askelɔn kpili-kpili. Niaa vanaa lonin yoomu-a yɛ, háá lɔ́ɔ́ kuɛɛ niaa va yɛnin vaasan kioŋnɔnndo lekɔɔ?

Yeremi 41:5

Mí vanpiaandua belaŋɔmaa fula Sikɛm, Silo a Samari, ndáà nɔ siayun sendian a volɔɔla sɛɛsiɛilan nda lekɔɔ, boolɔnndan la va nda kɔɔlen kpede. Má hun a kela n'mal tan a ansan le lan yɔngoo o Cɛi-Hala-o nin Yerusalɛm.

Tɔŋ lasálàá 19:28

La bóólùù dialun niaan le dɛnɛ palaa le, la kiáŋnun vaasan lekɔɔ mì la tuula ɲɛ-ɲɛ o yáw niaa coo le. Ya co Mɛlɛka ni.

Yeremi 48:37

Kani vanpiaandua kpow a sendin tembeltan a siaiyon. A keŋnun vaasan o balan, má vownun volɔɔla dɛnɛ palaalan.

Esai 22:12

Lelan, o paale len coo, Maalii, Mɛlɛka-Nɔ-Kpaayaa-Kpow-vo ndóò tosanin mí niáà caŋ, mí mɔnɛi ndíì luɛi niaa, mí niáà sendin tembeltan, mí niáà vownun volɔɔla nɔɔlɛilan.

Dɛnnda cɔɔmuanndan 6:15

Mí masaa co o lɛŋnden coo-a, simlacia, simlacia vanaa cɔwva, vanaa bolofaa, vanaa kpaayaa, cɛa kpow a vanaa co o ba ndaa coo-a viannun o buululan nin a o powta kpovala co o pembon coo lan bɛngu.

Yeremi 16:4

Nàà piɔ́mndo biinin nda mà vi, vana venin le nda caŋ te, a sɔlanin kumbɔɔ le. Lende nda lonin ni mà siŋnun kɔmbɔɔsio lɛŋ. Cɔwvo a yima fofolan ma diwnin nda ni, mì duàá a tivolla de dialun ndan.»

Yeremi 13:13

a dimul nda aa: ‹O Mɛlɛka dimio co hoo ni aa: I co tosa mì mɔiyan ma bii vanaa co o lɛŋnden nden nin-nda kpede, masaa co icali o kpɛŋɛ lemasa David-o nin-nda, vanaa-solia-lasálàá, vanaa-tɛɛngaa-diom Hala-a a vannda Yerusalɛm kpow.

Yeremi 7:29

Mɛlɛka dimi aa: «Kiolun yiinde, mà viow, hel o pembon coo mà cɛɛŋun! Niaa vannda paalen nden hau, niaa tuulu ya kɔllo ni, i yeema lɛ niaa le, i kɛɛ niaa.

Esai 24:2

Sanga pilɔɔ kpé toalnin vannda kpede coo ni, vanaa-solia-lasálàá nda vanaa co vanaa-solia-lasálà le-a, vana bɛndoo nda cɛ ndɔɔ, vana bɛndu laandoo nda cɛ ndɔ laandoo, yulanɔɔ nda vana piandaa, vana dɔnda vanndo ɲɔɔ-o nda vana o dɔnda-o, vana yɔngu kueo-vo nda vana cua kueo-vo.

Dɛnnda cɔɔmuanndan 20:12

Mí ca vanvílɛ́iya, kaasonnda a cuaambɔa, a va isisi o kpɛŋɛ lemasaa hɔl-ndɔ. Mí sɛbɛlan la kumbin, mí sɛbɛ celen kumbin, sɛbɛ cindaa va kon ni. Mí yamɛi vanvílɛ́iya kiolu, maa mɛɛ sɔɔn va n sɛvaa o sɛbɛla lan nin-ndon va yɛ, maa mɛɛ dɛnnda vana-vana la va yɛ.

Amɔs 6:11

Kani Mɛlɛka yɔngu diomndo aa: Cɛila bɛndulan la koombiaanin, mì lapɔmbɔlan la buuluu tɛɛngon.

Matie 9:23

Yeesu tiiyaa o langbanɔ simlacinɔɔ lo bɛɛ, mó ca vanaa hɔŋaa masɛ̀ŋnda a sɛ́lɛ́ va vɔngaa-o. Mó dimul nda aa:

2Dɛnnda lemasalan 36:17

O kon, mí Mɛlɛka viam masa va Babilɔn-ndo, mó kuel nda a cɔwvo. Mó diw langbaa felengia ndaa o Cɛi-Diandaa ndaa nin, vana-vana helun te, kandɔɔ a langbaa felengia, vanlaandua felengia, kɔlan biyɔɔ a vanaa yuuvɛiya, mí Mɛlɛka mal nda ndu o ba kpow.

Tɔŋ lasálàá 19:27

La kɛ́làn bollen te, la séndìn kangbalan te.

Yeremi 8:2

Mà tɛ̀i lan o paalen, o paangei, mì loeon bɛɛ n lɔɔ lan. Kani ɲɛm mun ndáà yeema ni, má del mun kɔɔli, má yiinun a mun, má baŋ mun vulan o labɛngunin. Lelan, vana kondunin paala kalalan te, vana minginin ndan kumbɔɔ le, lon la co lo ni háá mì la siŋnun kɔmbɔɔsio o foofo kon coo.