Yeremi 16:5 - BII BILA

⁵ O Mɛlɛka dimul-la vɛlɛ-o co hoo ni aa: «Luɛi o cɛi biisio nin te, kɔa o biisi le, toolu vana-vana le biisi le, kani i cii canyɛi, kɛndɛi a kaola va naa tɛɛn naa vannda ha-o tɛɛmbuu.

Yeremi 16:5 Referans Kwoze

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Tɔŋ miingua 31:17

Kɛ kɔl ni tuwvo toalnin nda coo paale len. I faŋannin nda ikɛi, mì vin nda hɔlaa niaa. A tambunin taw-taw, sangalan a dɛnnda palaala bɔɔ-bɔɔ la toalnin nda coo. A diminin telen kon maa a toɲa, le tùú ya Hala co lɛ nda tɛɛn too sangalan ndan kpow la tol nda coo ni.

Dɛnnda cɔɔmuanndan 6:4

O kon mí so celen fula, kɔɔlen le va ndu le siaŋa maa leyin. Mí dio kennun vana va lecoo-o le kɔlɲuloo faŋaa o lɛŋnden coo, haliko mi vanndacieea diuvan vellaa-velle, o kon mí mɔɛi cɔvii bɛnduei pum kennun ndu.

Sakari 8:10

Kani tuma pá mí telen kon tiiya, vanacieo ndóò nɔ sala le baala ndɔɔ le, cɔloo bɛɛ ndóò nɔ vɔ́ngɔ̀ le baala ndɔɔ le. Le siòòŋii yaamɔɔa, kɔlɲulu ve le vanaa va luɛyɔɔ a fulaa-a le. Bau mí yáà mal vanndacieea, má ndáà va nda pila cɔlɔbanndo.

Condii lisai 25:6

Éé Mɛlɛka! Yiyan le ɲíí nɔmnde a le lo n lo o lediom coo-o, kani ɲíí ken a sakpoyɛi ken co nɔm o ba kabi lɔ́ɔ́-lɔ́ɔ̀.

Yeremi 12:12

Vanaa poondiaa vannda ɲɔɔn o laba-a tiw o pembun bil vil te-on coo kpede o lɛŋnde veselɛilen nin, kani mɔɛi cɔvii Mɛlɛka-e co tɛɛmbuuo a labɛɛla, kandɔɔ o lɛŋnden kpengei kɔlan fulaa o kpengei pilɛi faŋ! I co vana-vana kpakpala le.

Yeremi 13:14

Mì tosa mì nda pila kuindian, kala-ncuawva nda cuavaa ndaa. Sɔɛi fula ya Mɛlɛka o sondo-e co ken ni. I hɛlinin vana-vana le. Ɲíí kɛ́-kɛ̀ biinin ya, mì i kuuna ya nda cii tɛɛmbuu le.›»

Yeremi 16:13

Lelan, i co niaa tovɔɔ mì yɛɛ niaa o lɛŋnde niaa sina le len nin, le fuɲaa niaa mamaa sina bɛɛ paandu le len, lon niaa kɔ vanin halaa celennda sooloo paalen a ɲumndan ni, i tuinun ndɛnin niaa iɲíí le.›»

Cɛɛŋɔnnda Yeremi lan 3:17

O faŋa kɔlɲuloo ya ikɛi few-few, mí pɔɛɛnun ɲɛ co dɛnɛ kɛndɔɔ-o.