Yeremi 16:21 - BII BILA

²¹ Lelan mí Mɛlɛka dimi aa: «O laan i co nda kpaaya nuu a yoomuma nian cɔm, o kon a sinanin maa diola nilan la co Mɛlɛka ni.»

Yeremi 16:21 Referans Kwoze

Condii lisai 9:16

Vanaa-mangalaa-isɔɔa deli o soon nda pila tow-vo nin, pelun ndan co haw o yala nda pila tondu sɔ́ɔ́-sɔ́ɔ́-o nin.

Yeremi 33:2

«Diom Vana co dɛnndan kpow tosaa-o soo-o co ho ni, o co lan toosiaa mò va lan peeloo-o, o nɔ diolan aa Mɛlɛka-o aa:

Condii lisai 83:18

Màá siɛmbulan la tol nda mà va a siòònde lɔ́ɔ́-lɔ́ɔ̀! Màá a tambu labɛɛ, mà cuu kpede!

Amɔs 5:8

Mɛlɛka cɔw mɔmtombolaa, ninaa kundaa a nanga-nsiiyo ni. Ndu mingi ɲumndan ɲɛ-tengaa paale siaa ni, ndu piimiaa paalen ni, mò mingi len ɲumma bɛnduan. Ndu cuungiaa mɛmma ihɛllan ni, mò saŋ man o lɛŋnden coo. Diola ndɔlan aa Mɛlɛka.

Esai 43:3

Kani ya co Mɛlɛka ni, Hala niaa pɛɛn, O-Diandaa-Israɛlla, vana ciindiaa niaa. I vɔngul lɛŋnde Esipte len haliko mi baŋa niaa. I yɔngu lɛŋnde Etiopii len a Seba o fonda niaa.

Fulaa 15:3

Kuubanɔ cɔw bɛndoo pila Mɛlɛka co ni, diolan ndɔla kpeekpeilan aa: ‹Mɛlɛka›.

Esekiɛl 25:14

I mingulnin Edɔmnda màá a bala vanaa niaa, Israɛlla pɛɛn. Israɛlla dɔawnin Edɔmnda yɛɛvɛ mɛɛ kɔl ni tuwvo a kɔl ni fulaa co yɛ. O kon, a sinanin mɛɛ ya Mɛlɛka mingi màá yɛ.› Ya Maalii, ya co Mɛlɛka-o soo nuaa ni.›»

Esekiɛl 24:27

Paale len, sondo nɔmndo kumbinnin ma soo niaa vana hɛlun kon-ndo, a ve lɛnin bobonɔ le, nɔm sìŋnunnin tɔɔmaseloo le vanaa nia, nda bɛɛ sinanin o kon maa ya co Mɛlɛka ni.

Esekiɛl 24:24

Dɛnɛ Esekiɛl tosa-o vanin tɔɔmaseloo le niaa ni, la tosanin mɛɛ o tosa yɛ kpafii. Lɔ́ɔ́ kon keinin niaa coo-o, la sinanin maa ya co Maalii ni, Mɛlɛka pɛɛn.

Esekiɛl 6:7

Vannda taw o niaa tɛɛn a cɛɛlunnin má vi, o kon la sinanin maa ya co Mɛlɛka ni.

Fulaa 14:4

I co ndu nilan kindi háá mò cɛn le niaa kuello. Kɛ i co kei a ndu pila a á vanaa ndɔa cɔwva mì cɔm biilu nuu, mì Esiptea kpow a sina maa ya co Mɛlɛka ni.» Mí Israɛlla tosa mɛɛ Mɛlɛka dimul nda yɛ.

Fulaa 6:3

I cɔmnun Abraham, Isaak a Yakɔb. Mí dimul nda maa diola nilan aa Hala Vana-Kpaayaa-Kpow, kɛ ndáà sina vɔ maa diola nilan te la co Mɛlɛka le.