Yeremi 16:19 - BII BILA

¹⁹ Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Yeremi 16:19 Referans Kwoze

Esai 25:4

Kani nɔm yɔŋnun nɛɛ viannannda le vanaa nɔ mayoomu le-a ni. Nɔm yɔŋnun nɛɛ viannannda le vanaa bala fondoa va o mɔnɛi nin-nda ni. Nɔm yɔŋnun nɛɛ viannannda le hoeyii fùkù-fùkùi va hɔŋndo-e ni, nɔm yɔŋnun vunduan le hangul lepalaa vionnɔnndo ni. Bau hoeyii kɔltuvii fula vanaa kɔlvesɛiya o milin-nde, maa hoeyii fùkù-fùkùi co kundɔnndo o kpakio-e i co ni,

Nahum 1:7

Mɛlɛka naŋ bɔɔ! Ndu co nɛɛ viannanda o palɛi dɛnɛ palai nin ni. O nɔ hɔlten vanaa viannun ndu o ba bɛngu-a kpede coo,

Yeremi 17:17

Tosa mì siòònde bii ya mì ɲiiya le, nɔm co nɛɛ nia viannannda o paale dɛnɛ palaalen coo ni.

1Piɛr 1:18

Kani la sínà maa o co a volion, te kon te a sianion, ɲɛm támbù mun-ndon te niaa sɔla baŋaa dɛnnda niaala fondolan ba le, dɛnnda fuɲaa niaa mel niaa kɛ́ɔ lan pɛɛn.

Yeremi 10:5

Maa ɲɛla nda lɛɛnduu o ciɛi nin le yowva tovɔɔ lan halaa ndaa co ni, a suu le. Fɔ ma cua nda, kani a nɔ pelun kɔaa le. La vo nda le, kani a nɔla vana ɲɛ yɔŋ te, a nɔla vɛlɛ vana mala le.»

Yeremi 2:11

Vɛ̀ɛ̀ vanaa-mangalaa-isɔɔa pum co lon, a singa halaa ndaa-a, hali o va bɛɛ maa a co halaa kpeekpei le? Nduyɛ, vanaa nia nda cii biilu ndaa, o co Hala ndaa-o singa a halaa nɔla vana baŋa le-a.

Esai 44:10

Nɛ̀ɛ́-nɛ̀ cɔaw yɛ halaa, te kon te piɔmndo, o nɛŋi ndu kpeku oo kpeku le?

Condii lisai 86:9

Vanaa-mangalaa-isɔɔa n cɔw-va kpow a hunnin mà baŋ vulan nɔm o labɛngunin Maalii, a sangalanin diola nɔmndan.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Habakuk 3:19

Mɛlɛka, o co Maalii nuu-o co yoomuma nian ni. O siinguu pelun maa pelun kial, mò tosa mí va kelaa o pembon coo. Condei he fula o sɛbɛ simlacinɔ vanaa n'condua nin. A ɲɛ-caa iyoo nda soli ndi ni.

Esekiɛl 11:16

Lelan dimul nda aa nuaa Maalii Hala dimi i aa: i sɛŋi nda nɛɛ levil o vanaa-mangalaa-isɔɔa tɛɛn, i sɛŋi nda o lɛŋii bɔɔ-bɔɔ nin, kɛ i siŋnunnin telen pum Cɛi-Diandaa le nda o lɛŋii nda kɔɛ nin-nde nin.›

Esai 49:6

O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»

Condii lisai 62:2

Hala ikɛi damaa ya calnùn nila ɲulu ni, ndu Hala o ba cinda nuu cɛn tum ni.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Yeremi 3:23

A toɲa, fondo fúú koni naa n del sooluula fondolan kɔɔli o pembon coo ni. Kɛ Mɛlɛka Hala naa o ba cinda Israɛlla co ni.

Esai 62:2

O kon, vanaa-mangalaa-isɔɔa a canin dɛnɛ nɔm sandaa, masaa kpow a canin biilu nɔmndo. A veelunin nɔm a diola sɛnɛila Mɛlɛka solinnin o sondo mò yɔngu nɔmndan.

Esai 32:2

O nda tɛɛn, vana-vana vanin maa nɛɛ yifannda le hoeyii hɔŋɛi a nɛɛ viannannda le hoeyii fùkù-fùkùei, a vanin maa pee mɛmma volo-voloo o fonda vesɛiyo coo, maa vunduma pow kpovaa bɛndoo o lɛŋnde veselɛilen nin.

Talelan 18:10

Kpakio diola Mɛlɛka lan la co ni, lenin vana sandaa viannun ni mò sɔla kandaa.

Condii lisai 68:31

Tuisi visi co o kpɛ̀ndɛ̀an nin-ndo dɛnɛ palaa coo, tuisi vanaa connun maa navaa tovaa kunda-a a vanaa nda veelu aa navaa téndéa-a dɛnɛ palaa coo. A va vulan baŋɔɔ nɔm o labɛngunin má va nɔm volion yɔngoo taw-va pɛɛn. Tow vanaa yeema kan cɔwlan-nda, mà sɛŋin.

Condii lisai 62:7

Ndu kínɛí co pow kpova nuu ni, cinda nuu a kpaki nuu, Lelan i boŋnin te.

Condii lisai 46:11

Mɛlɛka co yondaa aa: «La sim mì la sina maa ya co Hala ni, ya co masalen tosaa vanaa-mangalaa-isɔɔa coo ni, ya o labɛngunin lɛŋnden le co ni.»

Condii lisai 46:7

Vanaa-mangalaa-isɔɔa co vɔngaa, masɛi co hiilɔnndo, kɛ Mɛlɛka co diomndo solio, mì lɛŋnden le va puusianndo.

Condii lisai 46:1

Condii poaa Kore-a, í fula o condun simlacinɔ vanaa n'condua nin-nde. A ɲɛ-caa vana soli ndi ni.

Condii lisai 27:5

Kani o palɛi dɛnɛ palɛi nin, o mandanin ya o ndu lo cɛinin, mò ven ya o cɛi-kola-toandaa ndɔɔ nin. O heelunin ya o pow kpovaa coo, ɲɛ-ɲɛ komalnin ya lon te.

Condii lisai 19:14

Kanda ya a vanaa yongaa. Cɛ̀l mà tiw ya ba le. O kon, ì sandu, yɔŋii ya tosa haki vɔɔn-vɔɔndo.

Rɔmnda 1:25

A cii còòlan mingi o fonda toɲa Hala-o, má va ɲɛm Hala cɔw-von biiloo a mun baalaa tosallo yɔŋii nda biilu Hala cɔw ɲɔɔn kpow-vo, o biiloo co le ndu le fɛɛn a fɛɛn-ndo pɛɛn. Amiina!

1Masaa 20:23

Mí vanaa baalaa masaa Aram dimul ndu aa: «Hala n'pemboo Hala Israɛlla co ni, lelan ndáà hiow naa yoomuan nuaa ni. Kɛ n cɔlɔba nda pɛ o dɛngbɛlan nin, n co nda nɔla.

Esai 44:20

Pultan vanaciee kon kɛsi kɔllo coo ni, kani kɔl ndɔ ba hivaa laasiaa ndu. Nduyɛ o ciindiaanin yoomu ndɔɔ le, o diminin vɛlɛ aa: «Còòlan lekɛ́ndɛi ya nɔ o ba nuaa ni le!»

Esai 45:14

Mɛlɛka dimi aa: «Ɲɛ-sɔlaa Esipte, tɔnɔɔ Etiopii a bolofaa vannda Saba, a bandu kan taw-va o hiawnin nɔm o ba, mò siŋnun ɲɛ nɔm kɛsɛ-kɛsɛ. Vanaa kan kɔanin nɔm kɔɔli, a kɔanin a yiyaa o yɔlɔn, a baŋnin vulan nɔm o labɛngunin ma dimul nɔm a tɛɛlɔnndo aa: «Nɔm ikɛi kínɛí vana saalun Hala ni, nduyɛ, Hala celen co o ndu kɔɔli le.»

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Yeremi 12:16

Nda pɛɛku vanaa nia mɛnanndo o diola Baal tan ni. Kɛ taa kela pɛ kela kɛndɔɔ maa vanaa nia, mà mɛnan o diola nilan, mà dimi aa: ‹Le Mɛlɛka yoomaa›, mɛɛ a sɔlanin calta kɛndɛlan vanaa nia tɛɛn.

Yeremi 33:9

O kon ɲɔɔ hɛnannin ya le diola Yerusalɛm-ndan veeloo, biiloo a bɛɛlen le vanin le ya vanaa-mangalaa-isɔaa co o lɛŋnden coo kpow-va tɛɛn. Telen nda tuɛinin dɛnɛ kɛndɛ ya tosalnin nda-o-o, siòònde a misimisio biinin nda le naŋɔɔ a le dɛnɛ kɛndɛ ya tosalnin nda kon kpow-vo.»

Amɔs 2:4

Nuaa Mɛlɛka soo ni aa: «Le yɔŋnda vɔɔnnda yàála vannda Yuda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a pɛɛsa tɔŋ Mɛlɛka-o, má kɛɛ le silala ndɔlan biyɔɔ. À laasian o piɔmaa lacòòvaa sooloo nin, piɔmaa fuɲaa ndaa bɛɛ a sooluu sindɛ-a pɛɛn.

Condii lisai 18:3

Mɛlɛka co pow kpova nuu ni, kpaki nuu a vana baŋaa nuu. Hala co pow kpova nuu ni, nɛɛ ya viannun-nda! Ndu co kɔ̀ɔ̀ cɔw nuu a kpaaya co ya ciindiaa-o ni, ndu co fonda mayoomu ya viannun nin-ndo ni.

Condii lisai 65:3

kani a cii piɛile naalen muli. Vannda kpow a co hunɔ̀ɔ́ o nɔm ndo.

Yeremi 10:3

Kani ɲɛ fondoo fúú naamula vanndacieea la co ni. A kelu pɛ yɔmndo o bundɔɔ nin, vana caa baala labaa-o tosa ndu baala a cuei,

Yeremi 14:8

Nɔm Israɛl tiindan-ndo, nɔm ciindiaa ndu o telen dɛnɛ palaa-o, le yɛɛ nɛ n tosa yɛ maa mial o lɛŋnde ndɔlen nin, maa vana hiawnan kei cɛi-kola-toandaa ndɔɔ simi le lɔan-ndo?