Yeremi 16:18 - BII BILA

¹⁸ I co nda sala dɛnnda ndala vɔɔnndan yɔngu bɛmbɛ lediin, kani a cii lɛŋnde nilen tɛɛmbuu, a cii kɛ́ nuu pei cá a piɔmaa ndaa lamàá-a.»

Yeremi 16:18 Referans Kwoze

Esai 40:2

La soo Yerusalɛmnda o kɔl, mì la yonda nda o lani, mì la dimul nda aa cɛle ndalen le cuu, a sɔla baŋaa a haki ndaa, o sɔla sala hakila ndɔlan kpede Mɛlɛka o ba!

Dɛnnda cɔɔmuanndan 18:6

La tosal ndu mɛɛ ndu tosal caanda yɛ, la mingul ndu dɛnnda o tosa lan vangalaa lediin. La bingulan mɔima nɛyaa-nɛyan súúlan tan tiɔn o taala ndu va caanda talallo-o nin.

Esekiɛl 11:21

Kɛ le vanaa kɔlta ndalan la hɛnan dɛnnda nɔɔlɛilan a sɔɔn laasianndon tosaa-a, i tuisinin nda kɔmnde dɛnnda ndalan o lebol. Ya Maalii, ya co Mɛlɛka-o soo nuaa ni.»

Yeremi 17:18

Vanaa co ya yɛlen tollo-a siɛmbulan láà bɛnda le biyɔɔ ni, kɛ o co ya le. Ndáà bɛnda le ɲiiyaa a siòònde ni, kɛ o co ya le. Tuisi paale dɛnɛ palaalen nda coo, mà tɛɛmbuu nda kpede.

Yeremi 2:7

Nduyɛ, mí hun a niaa o lɛŋnde naŋ tɔlɔɔlan-nden nin, haliko mi niáà de kɔmnde ndɔle kɛndɛlen. Kɛ mɛɛ niaa hin, mí la nɔɔliaa lɛŋnde nilen, mí la siinguu kɛ́ nuu mààlan.›

Esekiɛl 11:18

Lon niaa hunnin ni, mì la faaŋiaa ɲɛm nɔɔlɛiyon kpow a dɛnnda laasiɛilan kpede.

Yeremi 3:9

A kela ndɔ vɔɔndo, mí Israɛl nɔɔliaa lɛŋnden o piɔmnda sooloo nin, piɔmaa lapowva a piɔmaa iyɔmnda.

Esai 61:7

O fonda siɛmbulan láà tol niaa-o, la sɔlanin salaa bɛmbɛ lediin. O fonda niáà tambu bɛ̀ɛ̀lan-ndo, la dɔawnunnin ɲaale taw-taw. Lende nda sɔlanin salaa bɛmbɛ lediin o lɛŋnde ndalen nin ni. Kɔlkɛndɛ niaa vanin le fɛɛn a fɛɛn.

Misee 2:10

La cɔn mì la kɔɛ! Kani lɛŋnden nden le co fonda pɛngia le, le cuu nɔɔliaa a hakila niaalan. Le hee, la sanganin taw-taw.›

Esai 24:5

Vanaa va o lɛŋnden coo-a ndáà cii len nɔɔliaa, kani a va tɔŋndan tɛɛmbuuo a silalan laasiaa, a va kpema yiinun le fɛɛn a fɛɛn-ndo tɛɛmbuuo.

Condii lisai 106:38

Má soli kooma vanaa tɛɛmbuu isɔɔ le-a sálà, koma poaa ndaa a ma cuavaa ndaa laandua pɛɛn, a nda solul piɔmaa va o lɛŋnde Kanaan-nden nin-nda sálàlan-nda. Mí lɛŋnde len le luɛi o màálan bɛngu a kooma ndan.

Tɔŋ lasálàá 26:30

La nɛinunnin ya háá mì tɛɛmbuu sooluula niaalan, mì pesi máánnda niaala niaa loam ansan coo lan, mì handu niaa a vílɛ́iya o piɔmaa niaa piɔsiɛiya coo.

Esai 65:6

Tofa vɔ ɲɛ co o sɛvaa ya o hɔl-lo: I lo lɛnin o meiyo nin te, I co tofa lenin, lekɛ́ndɛi i co nda maa kon mingul,

Yeremi 7:30

Le tùú vannda Yuda tosa ɲɛ bɛnda ya Mɛlɛka o hɔl too, sɔɛi fula Mɛlɛka o sondo-e co hee ni aa: A luei dɛnnda ndala nɔɔlɛilan o cɛi ni diola nilan la co veelɔnndo nin-ndo nin, le ndu nɔɔliaa.

Yeremi 44:4

Ya yɛ, i sanga niaa vanaa nia baalaa kpow vimndo a vanaa-tɛɛngaa-diom Hala-a le niaa dimullo maa la soli pelon o dɛnnda vɔɔnnda ya yeemiaa lan nin,

Esekiɛl 5:11

Lelan, ya Maalii, ya co Mɛlɛka-o co dimi nuaa ni: i co yoomu, le tùú niaa nɔɔliaa cɛi-kola-toandaa diandaa nuu a dɛnnda niaala nɔɔlɛilan a piɔmaa niaa nɔɔlɛiya-o, ya bɛɛ i keinin kùisiei nia tɛɛn. I tofanin niaa a iɲíí le, i tosalnin niaa dɛnndan a iɲíí le few.

Osee 9:7

Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

Esai 65:7

dɛnɛ biondɔnnda ndalan pɛɛn. Lende Mɛlɛka dimi ni. I tofanin vɛlɛ dɛnɛ biondɔnnda fuɲaa niaa lenin, fuɲa niaa lom lasikɔlɔ ansan o pembei coo-a, a tɛɛmbuu ya bɛ̀ɛ̀lan o pembun pɔmbɔn coo-a. I tuunin sala ndaa kpafii mɛɛ dɛnnda ndalan la yɔŋnun paandu yɛ.

Esekiɛl 36:18

O kon, mí tuisi kɔl ni tuwvo nda coo le vanndacieea ndáà diw o lɛŋnde len nin-nda a le piɔmaa nda va sooloo má nɔɔliaa lɛŋnde len a nda-a.