Yeremi 16:17 - BII BILA

¹⁷ Kani i nɔ hɔlten o kela ndaa kpow coo, kela ndaa co o viannan ya o hɔl te, hakila ndalan la co ya o hɔl kpendekele.

Yeremi 16:17 Referans Kwoze

Talelan 15:3

Hɔlta Mɛlɛka lan la co nɛɛ-nɛɛ ka, la co vanaa vɔɔnda a vanaa kɛndɛa mɛɛndanndo.

Yeremi 23:24

Vɛ̀ɛ̀ vanndo nɔla vionnɔnndo nɛɛ yililia pum mì bumba ndu cɔu?» Sɔɛi fula Mɛlɛka o sondo-e co hee ni. «I co nɛɛ-nɛɛ fee, o halataala a o lɛŋnden coo, vɛ̀ɛ̀ la sina ken te?» Mɛlɛka ɲuna lende ni.

Talelan 5:21

Siná maa Mɛlɛka co kelala vanacieo cɔu válán, o co dɛnnda ndɔlan kpede cɔu kpendekele.

Condii lisai 90:8

Tɛɛmbuula naalan la co nɔm o hɔl, ɲɛ-tengaa nɔmndo co hakila naa n co tosaa o vionnɔnndo nin-ndan teengiaa.

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Yeremi 32:19

A nɔ bɔɔ tuula bɛndulan, la n peelu a kpaaya bɛndoo lan pɛɛn! A nɔ hɔlten o kelala vanndacieea coo. Mɛɛ kela vana-vana co yɛ n bii vanndacieea ni, mɛɛ kɔmnde dɛnnda ndalan le co yɛ.

2Dɛnnda lemasalan 16:9

Kani Mɛlɛka co hɔlten keelaa o lɛŋnden kpow coo le vanaa kaola ndu a kɔlta ndalan kpow-va malaa. Maa diɔm n tosa dɛnndan o sɔɛi he nin ni. Lelan, kandɔɔ sisa háá le fɛɛn a fɛɛn nin, cɔwlan la cuunin nɔm coo le.»

Esekiɛl 9:9

Mó mulul-la aa: «Hakila vannda Israɛl a la vannda Yuda tosa lan la co bɔɔ sɛ́lɛ́. A co vanndacieea diwvo nɛɛ-nɛɛ ka o lɛŋnden nden nin. Kobio pɛ cá a delɔɔcoo, kani nuaa nda co dimio ni aa: ‹Mɛlɛka faŋal lɛŋnde naalen hɔlla, o co naa cɔ le.›

Esai 29:15

Dɛnɛ palaa co le vanaa co tulaa ndalan vionɔɔ-a, vanaa co lan Mɛlɛka vinndo-a pɛɛn. A co dɛnnda ndalan tosaa o ɲumndan nin, a co dimio aa: «Nɛ̀ɛ́-nɛ̀ co yɛ naa cɔu? Nɛ̀ɛ́-nɛ̀ sina yɛ naa nɛ?»

Condii lisai 139:3

A sinà telen ya fula-o, a sinà vɛlɛ telen ya hinio, a sinà nɛila ya co kelaa coo lan kpow.

Esekiɛl 8:12

Mó ɲuna ya aa: «Po vanacieo, a ce ɲɛ kaasoŋaa kɔlkalua Israɛlla co tosa o ɲumndan nin-ndo nɛ? Vana-vana nɔ piɔmndo o cɛi ndɔ máándo nin, kani a co dimio aa Mɛlɛka co naa cɔ le, o faŋal lɛŋnden hɔlla.»

Condii lisai 51:9

Ɲumi haki nuu a hisɔp, mì dendu. Pulu ya, mì hiow fengbɔɔ diondɔɔ.

Condii lisai 109:15

Màá Mɛlɛka va hakila ndalan cɔu lɔ́ɔ́-lɔ́ɔ̀, mò faŋa nda o lɛŋnden coo, mì vana pɔɛɛnun a nda o kɔɔ!

Yeremi 2:22

Hali pulun bɛɛ a sodaa mà vownun sɛnndan coo taw, haki nɔmndo faŋannin te. O vanin ya o hɔl kpendekele. Ya Maalii, ya co Mɛlɛka-o soo nuaa ni.

Yeremi 29:23

Mààla nda co tosaa o lɛŋnde Israɛl-ten nin-ndan la co lan ni: a co suundaa a laandaa caanda, mà va còòlan dimio a ya o sondo. Nduyɛ, i vim nda le. I sina ken kpow, i co lesei.» Sɔɛi fula Mɛlɛka o sondo-e co ken ni.

Sofoni 1:12

Paale len, i balunin Yerusalɛm mɛɛndianndo a tɛngɛla leyinndan. I co vanaa kɛɛ le kpeŋanndo ma vannun yili, mɛɛ kììyo cal o mɔiyan bɛngu nuaa yɛ-a soŋɔ̀ɔ̀ soŋɔ̀ɔ́ pila. Kani a co dimio aa: Mɛlɛka nɔla ɲɛ-ɲɛ tosa le, o va dɛnɛ kɛndɛ, o va o vɔɔn.

Sakari 4:10

Nɛ̀ɛ̀aa pɛɛsa yɛ vallo ho o kandɔn tasoo? À bɛnda ma dɔwnun ɲaale le yoole tuvaalen cɔu Sorobabɛl o ba, a le ndu cɔu pow lebollo handɔɔ. Hɔlta ŋɔmmɛwlan yɛ, hɔlta Mɛlɛka lan ni. Hɔlta lan la co balɔɔ o lɛŋnden kpow coo ni.›

SƐBƐ YƆB-O 10:14

Te i tosa pɛ dɔ́ɔ́ hakio, a bii ya o ken coo, te i bendun pɛ dɔ́ɔ́ a bii ya maa vana tɛɛmbua tɔŋ.

SƐBƐ YƆB-O 31:4

Vɛ̀ɛ̀ Hala co cɔ mɛɛ ya co kelaa yɛ le baa? Hali foofola ya co keiyo lan, o co lan cɔmndo tɛ́kpɛ́-tɛ́kpɛ́.

Condii lisai 33:15

Ndu cɔw kɔlkalula ndalan a yeemɛi ndɛi ni, o co dɛnnda ndalan kpow taasio dɔvɔɔ.

Esai 66:18

Kani ya, i sina dɛnnda ndalan a yiyannda ndalan. Telenndo tiiya le vanaa-mangalaa-isɔɔa a vannda súúlan kpede cuungiaa. A hunnin nanu mà ce biilu nuu.

Yeremi 7:11

Vɛ̀ɛ̀ buulula vanaa tosaa dɛnnda vɔɔnda cɛi nuu co ni, cɛi diola nilan la co hoo veelɔnndo nin-ndo? Nduyɛ lende ya co ndi cɔu vakpa ni. Diom Mɛlɛka dimi-o co kon ni.