Yeremi 16:16 - BII BILA

¹⁶ Sɔɛi fula Mɛlɛka o sondo-e co hee ni aa: «I co vanaa yɔɔyaa sɛ́lɛ́ bɛndoo yɔɔ, mà kɔ yɔɔya nda, o kon kɔɔli mì vem doosua sɛ́lɛ́ bɛndoo, mà kɔ vɔm nda o pembon coo, o buubuuon coo a o tɛɛndiaala powta kpovalan tɛɛn dí.

Yeremi 16:16 Referans Kwoze

Amɔs 4:2

Maalii Hala mɛnan o diondɔɔ ndɔɔ nin aa: ‹La tofa vɔ! Palɛi pum co hunɔɔ kei niaa coo, a sɛɛsuunin niaa a bawla n'cilinndan, mà cua vanaa hunnin niaa kɔɔli-a o dolinndon.

Misee 7:2

Mbɔ̀ vanaa lo o lediom coo-a cuu o lɛŋnden nden nin! Vana sandaa co lɛ lenin te few. Nda kpow a cal mɛngɛlianndo le koovan sooluanndo, vana-vana co puapilɛ ndɔɔ yaŋɔɔlen kɛsullo.

1Samiɛl 26:20

Kpòkóó! Màá kooma nian ma tala lɛŋ Mɛlɛka levil te fɔ́! Kani masa Israɛlla luɛi yondo le ya kpangbaɲaala fondoo ho nuwviaa a cɔwvo mɛɛ vana kɔa vɔlɔɔ tovɔɔ o pembon coo nuaa yɛ.»

O Kandɔɔ 10:9

Doosunɔ-málà bɛndoo pila o yɔŋnun Mɛlɛka o hɔl ni. Lelan vannda ndáà dimi taloo ni aa: «Doosule yelelal vana maa Nimrɔd siŋnun doosunɔ-málàá Mɛlɛka o hɔl-lo.»

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Amɔs 5:19

La vanin paale len mɛɛ vanndo ɲaanun yàlàá, mò kɔ bɔŋan vɛlɛ a kɔ́lɔ́vúloo nuaa yɛ, te kon te, o ɲaanun pɛ mò kɔ luɛi o ndu lo cɛinin, mò handu baa o cìì cɛiyo, kɛwvo lɔva ndu.

1Samiɛl 24:11

Nɔm pila tofa vɔ, Mɛlɛka ndóò cii nɔm hau malɔɔ ya o ba o buululan ndan nin. Vannda va ya dimullo le nɔm diyɔɔ, kɛ i cɛl te, mí dimi aa i cɛlnin mì hol vana ni bɛndoo baa le, kani masa Mɛlɛka pɔla-o o co ni.

Esai 2:21

Mì nda pila luɛi o tɛɛngun powta kpovalan nin a o tɛɛngun lapowvon nin, yɔŋii kɔltuw Mɛlɛka-o a ɲɛ-tengaa vanin fulaa o vanabɛnduyɛi ndɔɛi nin-ndo tol nda coo telen Mɛlɛka cannin le lɛŋnden vueinɔnndo-o!

Esai 7:19

a hunnin fili-fili mà hun cal o kpolonndan nin, o tɛɛngun powta kpovala tɛɛndiɛilan nin, o bɔɔla yɔmii pɔmbɔɛi kpow coo a o bil puiyaa kpede coo.

Yeremi 4:29

Vanaa va o kobila lan nin-nda tueyɔɔ diom vanaa ɲaanun o soa coo-a a vanaa vuaa lakpaasiaa-a, má ɲaanun, mí vannda kɔ luɛi o bɔɔlan bɛngu, a pum o powta kpovalan coo, mí kobilan kpow la lo fondo, vana-vana lo lɛ lenin te.

Yeremi 6:9

Mɛlɛka-Nɔ-Kpaayaa-Kpow-vo dimi aa: «Israɛlaa tɔ̀a cɔwviannin mɛɛ vana cɔwviaa rɛsɛnndon nuaa yɛ, mà cɔɔlu balan keela mɛɛ vana kiandaa n'rɛsɛnndo keela balan o lɛvon yɛ.»

Yeremi 49:5

Lelan, Maalii Mɛlɛka-Nɔ-Kpaayaa-Kpow-vo dimi aa: ‹I co kɔl yulan-yulanndo luei o niaa lo, mò cɛn ba-ba fee mò balu niaa. La sɔlanin tovɔɔ mì vana-vana ɲaanun ndu pila laci. Vana venin le vanaa vanin kan ɲaanɔnndo-a mɔɔsiaa le.

Cɛɛŋɔnnda Yeremi lan 4:18

Vannda va foofola pelun nan fɛfɛlaa, a ve naa cɛlɔɔ le kɔlan o fondala naalan te. Mɛɛlula naalan la sɔɔnguu, palɛi nɛi cuu. Daama ni!

Osee 10:10

I soaŋnin nda mɛɛ ya yeema yɛ. Vanaa súúla celennda cuungiannin mà del nda coo, mà yiw nda a yɔlɔn le hakila ndala tiɔnndan.

Sofoni 1:12

Paale len, i balunin Yerusalɛm mɛɛndianndo a tɛngɛla leyinndan. I co vanaa kɛɛ le kpeŋanndo ma vannun yili, mɛɛ kììyo cal o mɔiyan bɛngu nuaa yɛ-a soŋɔ̀ɔ̀ soŋɔ̀ɔ́ pila. Kani a co dimio aa: Mɛlɛka nɔla ɲɛ-ɲɛ tosa le, o va dɛnɛ kɛndɛ, o va o vɔɔn.

Cɛɛŋɔnnda Yeremi lan 4:19

Vanaa co naa tovɔɔ-a hiow keleŋaa a kovɛa kela coocoo-a. À co naa kiltan kɔɔli o pembon coo, à co naa cumullo o lɛŋnde veselɛilen nin.