15 Kɛ aa: ‹Le Mɛlɛka yoomaa, o soli Israɛlla o lɛŋnde co a ba luaŋ-ndo len nin a o lɛŋii tɔ̀ɛi ndóò tow nda nin-nde nin-ndo!› Kani i co nda mingi o lɛŋnde ndale yáà yɔngu fuɲaa ndaa mamaa len nin.»
I co nda mɔɔsiaa fulaa o lɛŋii yáà puusiaa nda mí toaw nda a kɔltuwvo, a yolɛi a o kɔl ni fulaa nin-nde nin, mì mingi nda o fondaa ho, mì hun kɛsi nda lon nila ɲulu.
O palɛi ken nin, cɛi Yuda-o mɔsɔŋannin a cɛi Israɛl-lo, mà fula latulu o lɛŋnde co a ba luaŋ-ndo len nin, mà hin o lɛŋnde ya yɔngu fuɲaa niaa mamaa kɛ́ɔ len nin.»
I minginin vanaa nia vanin o biyɔɔ nin-nda o nda lo, cuavaa Israɛlla pɛɛn. À minginin kobila piɔl tan tangul, mà cal lenin. À tɔalnin rɛsɛnndon, mà kol mɔima ndɔan. À tɔalnin nakɔlan, mà de kɔmnde nakɔla lan.
A sinanin maa ya co Mɛlɛka ni, Hala ndaa pɛɛn, o tow nda mí ndáà kɔa o biyɔɔ nin vanaa-mangalaa-isɔɔa tɛɛn-ndo, o co nda mɔɔsiaa o lɛŋnde ndalen coo-o, o pilɛ bɛɛ i mɛinin o lɛŋii ken nin te.
I co nda cua o lɛŋnde maluaŋnden mì mingi nda, mì cuungiaa nda fulaa o lɛŋii levil-ville nin. Vana-vana vanin ndon: vanaa sumɛiya a namtaa, komsaa a vanaa lafolia, sɛ́lɛ́ bɛndoo pila nda cuungiannin ndon ni.
Nɔm Israɛl vana ni baalaa yɛ, siòòŋii bii nɔm te, ya Mɛlɛka dimi lende ni, vu n'dial te, kani i co nɔm ciindiaa vanaa co levil-la o ba, mì baŋa cuavaa nɔmnda, mì soli nda o lɛŋnde nda co o biyɔɔ nin-nden nin. Yakɔb muungunin, o vanin o pɛngio nin nila ɲulu fɛɛ, vana-vana venin le ndu kpeeŋiaa le.»
Sɔɛi fula Mɛlɛka o sondo-e co hee ni maa paale vanin, mì mingi Israɛlla nda Yudaa lɛŋnde yáà yɔngu fuɲaa ndaa mamaa len o ba, yungu ni co o biyɔɔ nin-ndo pɛɛn. Mɛlɛka dimi lende ni.»
I minginin Israɛlla diólan nɛɛ paandua, mà kɔ komal ɲɛ nda diaa o pembei Karmɛl coo, o pembei Basan coo, o tàndá Efraim-ndo nin a o tàndá Kalaad-o nin, mò de mɛɛ o hɛnan ndu yɛ.
Kɛ a vanin mɛnanndo aa: «Le Mɛlɛka yoomaa, o soli Israɛlla o lɛŋnde maluaŋ-nden nin a o lɛŋii kɛ́-kɛ̀ ndóò tow nda nin, mó mingi nda o lɛŋnde ndalen nin-ndo!›»
O Mɛlɛka-Nɔ-Kpaayaa-Kpow-vo dimi-o co hoo ni aa: «I tosanin mì la saalun ya, mì mingi niaa o niaa lo. I co niaa nuwviaa o lɛŋii kɛ́-kɛ̀ a o fondala kɛ́-kɛ̀ yaa tow niaa, mì mingi niaa o niaa lo nanu, nɛɛ niaa va paandu mí yaa niaa o biyɔɔ nin-nda.» Sɔɛi fula Mɛlɛka o sondo-e co ken ni.
Tofa vɔ, ya pila co nɔm ikɛi. Fonda oo fonda n kɔɛ pɛ, i mandanin nɔm. I minginin nɔm vɛlɛ o lɛŋnden nden nin. I melnin nɔm te háá mì peelu kpema ya cuel nɔm-ndo.»