Yeremi 16:13 - BII BILA

¹³ Lelan, i co niaa tovɔɔ mì yɛɛ niaa o lɛŋnde niaa sina le len nin, le fuɲaa niaa mamaa sina bɛɛ paandu le len, lon niaa kɔ vanin halaa celennda sooloo paalen a ɲumndan ni, i tuinun ndɛnin niaa iɲíí le.›»

Yeremi 16:13 Referans Kwoze

Tɔŋ miingua 28:36

Mɛlɛka yaanin niaa a masa niaa pila suilinin mò va niaa coo-o latulu o vanaa-mangalaa-isɔaa niaa pila a fuɲaa niaa mamaa sina kabi le-a lo. Lon niaa kɔ sooluunin halaa celen ni, halaa iyɔmnda a halaa lapowva.

Yeremi 15:14

I co niaa yɔɔ o biyɔɔ nin yaamɔaa niaa o ba o lɛŋnde niaa sina le len nin. Kani yinnde kɔl ni fulaa le saa, le niaa kpeekpei le bii lende ni.»

Yeremi 17:4

La malnin kɛ́ yáà ke niaa-o, mì siinguu niaa cɛa yaamɔaa niaa o lɛŋnde niaa sina le len nin. Yinnde niaa mɛndul-la o kɔl-ten le vanin biyɔɔ le fɛɛn a fɛɛn.»

2Dɛnnda lemasalan 7:20

i faŋanin niaa o lɛŋnde ya ke niaa len nin, mì kɛɛ Cɛi ya dindi ho le diola nilan biiloo sɔlaa lenin-ndo, o kon mì vannda súúlan kpow a mam Israɛl, mà pɛɛsa ndu.

Yeremi 22:28

Vannda co dimio aa: «Mò va maa kpɛɛnɛi piɔlɛyii vana soli lɛ kpeku lei a ɲɛ nɛŋi lɛ mako loo Konia co ni? Le yɛɛ nɛ nda tow yɛ ndu a cuavaa ndɔa o lɛŋnde nda sina le len nin?»

Yeremi 15:4

Lende ya tosanin ni mì siòònde bii masɛi o lɛŋnden coo kpow. Le dɛnnda vɔɔnnda Manase po Esekia va masaa Yuda-o tosa Yerusalɛm-ndan ken kpow tosan ni.»

Yeremi 14:8

Nɔm Israɛl tiindan-ndo, nɔm ciindiaa ndu o telen dɛnɛ palaa-o, le yɛɛ nɛ n tosa yɛ maa mial o lɛŋnde ndɔlen nin, maa vana hiawnan kei cɛi-kola-toandaa ndɔɔ simi le lɔan-ndo?

Yeremi 6:15

Mí siɛmbulan la bii pá nda a kela nda nɔɔlɛi kon? Kɛì-kɛì bɛɛ! Siɛmbulen bɛɛ le bii nda a kon kpow le, a sina bɛɛ maa a tosa dɛnɛ vɔɔn te. Lelan mí Mɛlɛka dimi aa: A delnin latulu nda vanaa co delɔɔ-a, nda pila cannunnin lɛŋ o telen ya mululunnin nda-o.

Yeremi 5:19

O kon taa ɲuna pɛ aa: ‹Le yɛɛ Mɛlɛka Hala naa tosal lɛ naa nuaa?› nɔm Yeremi, a mulul nda aa: ‹Le kɛɛ niaa kɛɛ ndu mí la sooluu halaa celennda o lɛŋnde ndalen nin, mí la va mialla baalaa tosallo o lɛŋnde isumialten nin-ndo ni.›»

Condii lisai 81:12

Kɛ niaa yungu nuu, la tui ya diom te, Israɛlla yeema ya le.

Tɔŋ miingua 29:28

Le Mɛlɛka Hala naa kínɛí dɛnnda viannanndan la co ni. Le naa a cuavaa naa imamaa dɛnnda cɔmnun-ndan la co le fɛɛn a fɛɛn ni, haliko mi n kela o sɔɔn tɔŋndo ho coo.»

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

Yeremi 22:26

I toawnin nɔm niaa kala nɔm, o lɛŋnde niaa vilun nin te len nin. Lon niaa vunin ni.

2Masaa 25:21

Mí ndu kɔ diw nda o lɛŋnde len nin Ribla lon. Nuaa nda kɔɛ a vannda Yuda o biyɔɔ nin ni, má kɔa lɛŋnde ndalen levil polon.

Yeremi 10:18

Kani o Mɛlɛka dimi-o co hoo ni aa: «O laan, i co vanaa co o lɛŋnden nden nin-nda viovɔɔ polon, i co nda ŋɔvɔɔ haliko ma sɔla biyɔɔ.»

Yeremi 16:5

O Mɛlɛka dimul-la vɛlɛ-o co hoo ni aa: «Luɛi o cɛi biisio nin te, kɔa o biisi le, toolu vana-vana le biisi le, kani i cii canyɛi, kɛndɛi a kaola va naa tɛɛn naa vannda ha-o tɛɛmbuu.