Yeremi 16:11 - BII BILA

¹¹ O kon a mululnin nda aa: Sɔɛi fula Mɛlɛka o sondo-e co hee ni aa: ‹Kani fuɲaa niaa mamaa kɛɛ ya, má yiinun a halaa celen, má baŋ nda vulan o labɛngunin, má sooluu nda. Ya niko, má mal-la, a bii pɛɛkuula nilan te.

Yeremi 16:11 Referans Kwoze

1Piɛr 4:3

Kani dɛnnda kɛ́-kɛ̀ niaa tosa o paandoo nin, o hɛnan vanaa sina Hala le-a nin niaa yɔŋ kon ni, kela laasi-laasio, yeemɛi n'faluei, bahiuvaa le mɔiyan kolɔɔ a dɛnndan nin, bɔŋiannda kolaa mamɔilan, a mààla biilaa n'piɔmndan.

Esekiɛl 11:21

Kɛ le vanaa kɔlta ndalan la hɛnan dɛnnda nɔɔlɛilan a sɔɔn laasianndon tosaa-a, i tuisinin nda kɔmnde dɛnnda ndalan o lebol. Ya Maalii, ya co Mɛlɛka-o soo nuaa ni.»

Yeremi 22:9

O kon má mulul nda aa: ‹Le baŋɔɔ vanaa va lenin-nda a baŋ vulan halaa celennda o labɛngunin, má sooluu nda, má tɛɛmbuu kpema va nda tɛɛn nda Mɛlɛka Hala ndaa-o ni.›»

Yeremi 8:2

Mà tɛ̀i lan o paalen, o paangei, mì loeon bɛɛ n lɔɔ lan. Kani ɲɛm mun ndáà yeema ni, má del mun kɔɔli, má yiinun a mun, má baŋ mun vulan o labɛngunin. Lelan, vana kondunin paala kalalan te, vana minginin ndan kumbɔɔ le, lon la co lo ni háá mì la siŋnun kɔmbɔɔsio o foofo kon coo.

1Masaa 9:9

Mà mulul nda aa: ‹Le tùú nda mulul Mɛlɛka Hala ndaa, o soli fuɲaa ndaa mamaa Esipte-o kɔɔ, má yiinun a halaa celennda, má baŋ vulan nda o labɛngunin le nda sooloo-o ndu Mɛlɛka tuisi nda dɛnɛ palaa bɛndoo ho coo ni.›»

Yeremi 9:14

diom ya Mɛlɛka-Nɔ-Kpaayaa-Kpow-vo, ya Hala Israɛlla dimi-o co hoo ni aa: «I co vannda ha bil loloo ke mà de, mì koesi nda bɔ̀tàá.

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

2Dɛnnda lemasalan 7:22

O kon vannda mululnin nda aa: ‹Le tùú nda mulul Mɛlɛka, Hala fuɲaa ndaa mamaa kɔɔ-o hee yɔŋnun nda ni, o soli nda o lɛŋnde Esipte len nin-ndo pɛɛn. A mulul ndu kɔɔ, má yiinun a halaa celennda, má baŋ vulan nda o labɛngunin, má sooluu nda. Lelan Mɛlɛka tuisi nda sangalan ndan kpow coo ni.›»

Amɔs 2:4

Nuaa Mɛlɛka soo ni aa: «Le yɔŋnda vɔɔnnda yàála vannda Yuda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a pɛɛsa tɔŋ Mɛlɛka-o, má kɛɛ le silala ndɔlan biyɔɔ. À laasian o piɔmaa lacòòvaa sooloo nin, piɔmaa fuɲaa ndaa bɛɛ a sooluu sindɛ-a pɛɛn.

Malasi 3:7

Kaandɔɔ o paale fuɲaa niaa mamaa, la mal silala nilan. La cɛl le lan biyɔɔ le few. La muungu ya o ibuŋ mì ya bɛɛ mulul niaa hɔlla. Ya Mɛlɛka-Nɔ-Kpaayaa-Kpow-vo dimi lende ni. Kɛ la co dimio aa: ‹Vɛɛ nɛ naa n muungu yɛ nɔm o ibuŋ.›

Masaa kialaa n'yamaa 2:11

Mí cuavaa Israɛlla tosa ɲɛ hɛnan Mɛlɛka loo, má sooluu Baalla.

Yeremi 13:22

O kon a ɲunannin aa: ‹Ko le yɛɛ nɛ kpeekpei dɛnɔɔ ho tosan yɛ ya?› Taa ce pɛ mì vannda kpeeŋa doma nɔm bɛndoo, taa ce pɛ mà kpuva nɔm, mɛɛ le hakila n tosa sɛ́lɛ́ bɛndoo taw lan ni.

Yeremi 44:3

Kon tosan le vanavɔɔnyɛi nda tosa ma tɛɛmbuu ya kɔllo-e. Bau a solul halaa celennda sálàlan, nduyɛ o co halaa nda sina le, fuɲaa ndaa mamaa bɛɛ a sina nda le.

Cɛɛŋɔnnda Yeremi lan 5:7

Fuɲaa naa tosa dɛnɛ vɔɔndo má cuu, mì sanga kon va naa poaa ndaa coo.