Yeremi 16:10 - BII BILA

¹⁰ «Lɔ́ɔ́ n dimulnin vannda ha sɔɔn mun kpow-vo, bɔɔle a ɲunanin nɔm aa: ‹Le yɛɛ nɛ Mɛlɛka co yɛ naa dɛnnda palaala bɛndula vaa lende kpow tuisi coo? Dɛnɛ vɔɔn yɛɛ naa n tosa yɛ? Haki yɛɛ nɛ naa n tosa yɛ a Mɛlɛka Hala naa?›

Yeremi 16:10 Referans Kwoze

Yeremi 5:19

O kon taa ɲuna pɛ aa: ‹Le yɛɛ Mɛlɛka Hala naa tosal lɛ naa nuaa?› nɔm Yeremi, a mulul nda aa: ‹Le kɛɛ niaa kɛɛ ndu mí la sooluu halaa celennda o lɛŋnde ndalen nin, mí la va mialla baalaa tosallo o lɛŋnde isumialten nin-ndo ni.›»

Yeremi 13:22

O kon a ɲunannin aa: ‹Ko le yɛɛ nɛ kpeekpei dɛnɔɔ ho tosan yɛ ya?› Taa ce pɛ mì vannda kpeeŋa doma nɔm bɛndoo, taa ce pɛ mà kpuva nɔm, mɛɛ le hakila n tosa sɛ́lɛ́ bɛndoo taw lan ni.

Osee 12:8

Ya Mɛlɛka dimi aa: ‹Cuavaa-imamaa Efraim-nda nɔ ɲɛla tuvaala lakafalan o laba maa yulaa Kanaan, a yeema bɔɔ kafalan.›

Yeremi 2:35

A kon kpow, la co mulio aa: ‹N tɛɛmbuu isɔɔ oo isɔɔ le, kɔltuw Mɛlɛka-o tulnin naa coo le.› Le mɛɛ niaa co dimio aa la tɛɛmbuu isɔɔ le yɛ, i co niaa iyama kiolɔɔ.

Yeremi 11:17

Mɛlɛka-Nɔ-Kpaayaa-Kpow-vo ndóò tɔl ndu ni. Ndu kon co tosaa ni mì dɛnɛ palaa va nɔm tolɔɔ coo, le dɛnɛ vɔɔn Israɛlla a Yudaa tosa-o, a cii ya tiŋɔɔ o Baal sálàlan solullo.»

Yeremi 2:23

Vɛ má dimi aa: ‹I nɔɔlian te, i del Baal kɔɔli le ndu sooluu le?› Tofa vɔ foofola bɛngula nɔmndan o bóllo nin! O bɛnda ma sina dɛnɛ n tosa-o, nɔm ɲɔɔmɛɛ téndé co kelanndo ba-ba ka-o.

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Yeremi 44:3

Kon tosan le vanavɔɔnyɛi nda tosa ma tɛɛmbuu ya kɔllo-e. Bau a solul halaa celennda sálàlan, nduyɛ o co halaa nda sina le, fuɲaa ndaa mamaa bɛɛ a sina nda le.