Yeremi 15:8 - BII BILA

⁸ Mí kui vanlaandua piaandaa ndaa vi-a hiovɔɔ mɛɛ sióónndon co o mɛmma ihɛllan kɔngɔ yɛ. Mí cuu vana tɛɛmbua, mó del kalaa kuubanɔ cɔw felengoo coo. O ve kɔl te, mí tuisi ndu dɛnɛ palaa coo, mí luei ndu o kɔndɔfillo nin.

Yeremi 15:8 Referans Kwoze

Esai 3:25

«Vanpiaandua niaa cuunin cɛɛlɔn o mɔɛi cɔwve bɛngu, mì kuubaa niaa vi o cɔwvo.

Luke 21:35

Kani paalen le toalnin vanaa co o ceendo kpow coo-a coo mɛɛ visio haw o yaŋɔɔlen nuaa yɛ.

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Yeremi 4:16

La yiyalan vanaa-mangalaa-isɔɔa sɔɛi ken, mì la cɔm Yerusalɛm ndi aa: ‹Vanaa del vannda coo-a co hunɔɔ fulaa nɛɛ levil, a co yondaa a sɔɔn vɔɔnndon dimio a kobilan Yuda.

Esai 3:26

Diola luɛyaala kpakio Siɔn la dɔawnunnin ɲinkon yɛɛvɛ, mì dɛnɛ palaa tol tan coo. Kobi kon tambunin mì vanaa co lenin-nda cal lɛŋ vɔyɔn!»

Esai 4:1

Paale len, vanlaandua nda ŋɔmmɛw a biinin vanapɔnɔɔ ndu pilɛ, mà dimul ndu aa: «Ɲɛdiaa naa a ɲɛ naa cuɛinanndo vanin naa pila o congú, kɛ cɛl naa kínɛí mì n va o diola nɔmndan bɛngu! A yandi, faŋa naa siɛmbulan ndan coo!»

Yeremi 16:3

Kani o ya Mɛlɛka dimi le poaa a cuavaa laandua co violɔn o lɛŋnden nden nin-nda, handɔɔ fuɲaa ndaa a kalaa ndaa o kɔɔ-o co hoo ni:

Yeremi 18:21

Lelan tuisi poaa ndaa yima fofolan coo, mà cii nda pila o mɔɛi cɔwve bɛngu. Màá hɔ́aa ndaa laandua hiɔlun nda, mì piaandaa ndaa cuu vu! Màá nàà n'kɔnyaa cii piandaa ndaa, mì poaa ndaa piaandua cuu o cɔwvo!

Yeremi 22:7

I co vanaa tɛɛmbua nɔ ɲɛm tɛɛmbuan o ba-a dimul, mà hun koombiaa sungbuma nɔmma yɔmii sɛɛdran, mà mal man o yin.

Cɛɛŋɔnnda Yeremi lan 5:3

N siŋnun vííya, fuɲaa naa co lɛ icali le, kalaa naa vii piaandua.

Esekiɛl 22:25

Vanaa-tɛɛngaa-diom Hala-a ndɔa co dúmbóó yiiyo o ndu nin maa yàlá co pɛɛliaa o ɲɛ o bii-o sɛɛsiaa-o, a o yoomula (vanndacieea) tɛɛmbuuo, o co ɲɛm sɔlan pilan a ɲɛm sɔvɛɔn poondiaa. O co vanlaandua taw-taw mɛiyo o vii piaandua nin o kobi kon nin.

Osee 4:5

Lelan, ipala déŋ niaa boŋnin ni mì vanaa-tɛɛngaa-diom Hala-a va boŋio icɔl. I co kala nia sondoo kinda le fɛɛn a fɛɛn, mò mei kpili.

Yeremi 6:26

«Cua laandu nuu, yiinun yala yuuloo o caŋ, mà pimbul o loolio nin, mà tosa biisio maa biisi pole pilɛ, mà tuisi mɛmɛan a mɔnɛi bɛnduei! Kani vana tɛɛmbua hunnin o telen n venin ndu kɔl too.