Yeremi 15:7 - BII BILA

⁷ O kobila co o lɛŋnden nin-ndan kpow, mí hul nda a fɛlɛ ni hɛyaa, mí hoeiye sɛŋi vanaa nia nɛɛ-nɛɛ ka, mí luei vanaa nia mulé le tuŋɔɔ ya tuŋ nda cuawva-o, kɛ a mangala kela ndaa le.

Yeremi 15:7 Referans Kwoze

Matie 3:12

Fɛlɛ ndɔ hɛyaa co ndu o ba, o bɛɛsuunin kpele lɔaa n'mal ndɔɔ, mò vow malun ndɔn o konda, mò lom tɛ́fɛ́lan o yinnde ɲum te len nin.»

Yeremi 51:2

I toolunin mialla mà kɔ piɔl vanaa co lon-nda mɛɛ hoeiye saŋ foeende nuaa yɛ. Mà tɛɛmbuu lɛŋnde ndalen. A hunin mà tiila nda o paale dɛnɛ palaa le len coo.

Yeremi 5:3

Mɛlɛka, vɛ̀ɛ̀ o co dɛnɛ sandaa le n yeema le? A cii nda lɔɔ, kɛ a co sinan te. Má tuu le nda ciiyo kpede, a tui silala nɔmndan te. Má kindi bolle a nɔm hiovɔɔ bandíláà coo, má kɛɛ le mangalanndo pɛ!

Esai 41:16

La hɛinin mun mì hoeiye kɔndu mun, mì hoeyii felenfelennde saŋ mun fásàn. Kɛ niaa, la dɔawnunnin ɲaale o Mɛlɛka nin, la biilu O-Diandaa Israɛlla.

Esai 9:13

Lelan, Mɛlɛka faŋanin bollen a puilen, siɔ̀ɔ́la vawlan a kpɛ̀ndɛ̀len o lɛŋnde Israɛl-ten nin o paalen ten pilɛ nin.

Yeremi 18:21

Lelan tuisi poaa ndaa yima fofolan coo, mà cii nda pila o mɔɛi cɔwve bɛngu. Màá hɔ́aa ndaa laandua hiɔlun nda, mì piaandaa ndaa cuu vu! Màá nàà n'kɔnyaa cii piandaa ndaa, mì poaa ndaa piaandua cuu o cɔwvo!

Condii lisai 1:4

Kɛ ɲɔɔ co lende le vanaa kɔlvesɛiya le. Nda nda, maa foeeŋii hoeiye saŋ fásàn-nde nda co ni.

Sakari 1:4

La vial fuɲaa niaa mamaa a káà, mì la tosa maa nda le. Kani nda nda, vanaa-tɛɛngaa-diom Hala-a va sindɛ yondaa nda o lani, má va nda dimullo aa Mɛlɛka-Nɔ-Kpaayaa-Kpow-vo dimi aa: La mal kelala niaala vɔɔnndan a dɛnnda niaala vɔɔnndan. Kɛ a yeŋ nilan te, a bii sɔɛi ken te. Sɔɛi fula Mɛlɛka o sondo-e co hee ni.

Esekiɛl 24:25

Nɔm vanacieo yɛ, yaŋ-ndɔ nilan: paale vanin mì hɛlu Cɛ̀i biilaa yɔngu kon nda yoomuan-ndo nda o ba, Cɛ̀i kɔlkɛndɛ nda kon, Cɛ̀i nda dovian kon, o hɔlta ndalan la co kon mɛɛndanndo a ɲaaloo-o, ɲɛ yoomula ndalan la yeema kon taw-vo, mì hɛlu vɛlɛ poaa ndaa a cuavaa ndaa laandua.

Tɔŋ miingua 28:41

La vialunin poaa a cuavaa laandua, kɛ a venin sumialii niaa mì la de nda tɔnɔ le. Kani vannda biinin nda ma kɔɛ a nda o cɛlen nin.

Esekiɛl 24:21

Dimul cuavaa Israɛlla aa nuaa Maalii Hala dimi ni aa: ‹Tofa vɔ, i co fonda diandaa nɔɔliaa, o co kon tosaa, mì la va lisanndo a yoomuan-ndo, o hɔlta niaalan la co kon mɛɛndanndo a kɔlkɛndɔɔ-o, cɛi ni yoomula niaalan la tiindan kon-ndo pɛɛn. Poaa niaa a cuavaa niaa laandua niaa mɛinin-nda a sɔlanin piɔ́mndan o mɔɔn cɔwvon bɛngu.

Yeremi 9:21

Dimul nda maa sɔɛi fula Mɛlɛka o sondo-e co hee ni aa: «Vanvílɛ́iya delinin mɛɛ kɔmbɔɔsio co o tiuvaa lɛŋ yondoo nin nuaa yɛ, mɛɛ yasalan la deli vanaa koavaa kɔɔli yɛ, la vana-vana co cɔwviaa le lan.»

Tɔŋ miingua 28:32

Vanaa-mangalaa-isɔaa pum biinin poaa niaa a cuavaa niaa laandua o cɛlen nin, la lonin tofaa o nɛi le hɔ́aa kan muungoo niaa o ibuŋ háá mi la sanga, la nɔlanin ɲɛ-ɲɛ tosa le muungu ndaa le.

Tɔŋ miingua 28:18

O dɔawnin hɔ́aa niaa, tɔlɔɔla niaalan, kɔmnde navaa niaa a kɔmnde saa niaa danga.

Esekiɛl 36:12

I tosanin mì vanndacieaa yoomaa va kelaa niaa coo, vanaa nia, Israɛlla pɛɛn. Nda nɔnin nɔm ni, nɔm lɛŋnde Israɛl-ten pɛɛn. Nɔm vanin kɛ́ ndaa ni. A helu lɛnin nda cuavaa ndaa o ba mà lo kɔɔ fondo le.

Esai 9:12

Kɛ vannda ha muungu Mɛlɛka va nda sanga kon tuisio coo-o o ibuŋ te, a muli hɔlla o Mɛlɛka-Nɔ-Kpaayaa-Kpow-vo lo le.