Yeremi 15:3 - BII BILA

³ O nɛila hiɔɔlula lan coo ya co nda simul ni, ya Mɛlɛka dimi lende ni, a vunin o mɔɛi cɔwve bɛngu, mì tunnda sasu nda, mà yɛɛ nda lándán. O mɛɛlulan, mì duàá a tivolla de nda kpede.

Yeremi 15:3 Referans Kwoze

Tɔŋ miingua 28:26

Vanaa vunin o niaa tɛɛn-nda siŋnunnin balo yowva coocoo kpow a balo visia o lɛŋnden coo kpow. Kani vana venin le nda tovɔɔ lecoo le.

Tɔŋ lasálàá 26:22

I cuunin visia biyaa o lɛŋnde niaalen nin, mì visia kan diw cuavaa niaa, mà diw cɔlua niaa, mà cii niaa háá mì nɛila niaalan la yimbu.

Tɔŋ lasálàá 26:16

la tuei-yɔ mɛɛ ya tosalnin niaa yɛ: I tuisinin kɔl yulan-yulanndo, ɲawvo a nààla dialun tuwlan niaa coo. Nààla lan la tɛɛmbuunin niaa hɔltan mì la dɔw niaa pila yɛɛvɛ. La vanin ciɛɔn niaa fondo fúú, kani yaamɔaa niaa dɔawnunnin balo a mun ni.

Dɛnnda cɔɔmuanndan 6:8

Mí mɛɛndan, mí ca so pupulaao. Vana va lecoo-o diolan aa Piɔ́mndo, ciee-piɔ́m va ndu kɔlan kɔɔli. Mí dio kennun nda le masalen tosaa o bungɛi pilɛ, o bungan hiɔɔlun lelɛŋndon coo le vannda diwvo a mɔɛi cɔwve, a yima fofolan, a nàà halimaa a á visia biyaa co o lɛŋnden coo-a.

Esekiɛl 14:21

A toɲa, nuaa Maalii o co Mɛlɛka-o dimi ni aa: «Maa lekɛ́ndɛi, i tuisinin sangala hiɔɔlula kálà-kálàlan ndan Yerusalɛm coo: cɔwvo, yima fofolan, visia biyaa a nàà n'kɔnyaa le vanndacieea a cɔlua ciiyo diwvo.

Tɔŋ lasálàá 26:25

I tuisinin cɔwvo niaa coo, le niaa màá mingullo le kpema ni niaa tɛɛmbuu-o. Tuma niaa kɔ viannunnin o kobila niaalan nin-ndo, i saŋnin nàà n'kɔnyaa niaa tɛɛn, o kon la delnin yaamɔaa niaa o ba.

Yeremi 7:33

Dialun vílɛ́in vannda ha vanin ɲɛdiaa yowva coocoo a visia yondoa ni, vana-vana venin ndon le nda kpeeŋiaa le.

Esai 18:6

Kon kpede malnunnin le yovaa biyaa co o pembon coo-a, a le visia yondoa co o lɛŋnden coo-a. Yovaa biyaa tosanin vɔɔlen lecoo, mì visia yondoa tosa sialten lecoo.

Condii lisai 68:23

Maalii dimi aa: «I cuunin niaa yaamɔɔa fulaa Basan, i cuunin nda fulaa o mɛmma ihɛllan bɛngu.

Yeremi 12:9

Vɛ̀ɛ̀ vanaa va le ya-a siŋnun yow kɛndɛ-kɛndɛ yovaa biyaa co hoo hinullo-o ni? ‹La kɔ mɔɔsiaa visia yondoa kpow, mì la hin a nda le ɲɛdiaa!›

Yeremi 14:16

Vanaa nda co siɔdii laci kon dimullo-a yɛ, a delinin o nɛilan Yerusalɛm coo a cɔwvo a á yima fofolan. Vana-vana venin le laandaa ndaa, poaa ndaa, te kon te cuavaa ndaa laandua kumbɔɔ le. Lende ya cuiŋinin dɛnɛ nda vɔɔndo nda pila coo ni.

Yeremi 16:4

Nàà piɔ́mndo biinin nda mà vi, vana venin le nda caŋ te, a sɔlanin kumbɔɔ le. Lende nda lonin ni mà siŋnun kɔmbɔɔsio lɛŋ. Cɔwvo a yima fofolan ma diwnin nda ni, mì duàá a tivolla de dialun ndan.»

Cɛɛŋɔnnda Yeremi lan 3:11

O tosa mí pɔw nɛi nuu, mó sɛɛsiaa ya, mó dɔaw ya yɛɛvɛ.

Esekiɛl 33:27

Lelan dimul nda maa nuaa Maalii Hala dimi ni aa: «Le yoomu nuu, vanaa tɔ̀a lo icali o cieon piɔlɛi mun nin-nda a delinin mà vi o mɔɔn cɔwvon bɛngu, visia biyaa sɔamnin vanaa co yondoo nin-nda, mì nàà n'kɔnyaa diw vanaa vanin o powta kpovalan bɛngu-a a vanaa viannunnin o buululan nin-nda.

Amɔs 5:19

La vanin paale len mɛɛ vanndo ɲaanun yàlàá, mò kɔ bɔŋan vɛlɛ a kɔ́lɔ́vúloo nuaa yɛ, te kon te, o ɲaanun pɛ mò kɔ luɛi o ndu lo cɛinin, mò handu baa o cìì cɛiyo, kɛwvo lɔva ndu.

Tɔŋ miingua 32:24

Yima fofolan ma co nda cii diw, dialun tuwvon a nàà halimaa vɔɔndo ciinin nda kpow. I tosanin mì visia biyaa a kɛvaa lólòla nɛyaa dɔw nda yɛɛvɛ.

Yeremi 14:12

A biinin bɛɛ sumndo, i yeŋnin nda lani o ya ɲɔɔloo le. Hali a soli sálàla loamaalan a ɲɛm-kéan, i cɛlnin ndan te. Kɛ mɛɛ mì cii nda kpede a cɔwvo, a yima fofolan a á nàà n'kɔnyaa.»