Yeremi 15:15 - BII BILA

¹⁵ Kɛ nɔm Mɛlɛka, a sina dɛnndan kpow. Yiyan ya coo, mà tosal-la kɛndɛi. Mingul vanaa co ya saangiaa-a maa, lo biuvɔnndo a nda mì dɛnɛ pala ya le. Sina pɛngu maa le nɔm ya co yeowlan biuvɔnndo ni.

Yeremi 15:15 Referans Kwoze

Yeremi 12:3

Ya yɛ, a sina ya, nɔm Mɛlɛka, a co ya cɔu, a co kɔl nuu mɛɛndianndo. Manda vanaa vɔɔnda mɛɛ vana manda saa le nda hunɔɔ diyɔɔ nuaa yɛ, manda nda le paale diyaalen.

Luke 21:17

Vannda kpow a kɛɛnin niaa le diola nilan.

Yeremi 20:12

Nɔm Mɛlɛka-Nɔ-Kpaayaa-Kpow-vo, a sinà vana sandu a nɔm-ndo. A sinà yeemɛi nɛi a yiyannda naalan. Nɔm ya dimul le ya kandaa ni, i canin mɛɛ n solinin ya mɔnɛi yɛ.

Yeremi 17:16

Ya, i beŋ nɔm le dɛnɛ palaa tuisi kangalan te, o co yeemɛi ni mì paale dɛnɛ palaalen le tiiya le. Nɔm Mɛlɛka, a sina ken válán. Diom ya soo-o, nɔm o hɔl ya dimi ndu ni.

Nehemi 13:22

O kon kɔɔli, mí dimul leviia le dindinndo, le kɔlan cumullo o diola kobio, haliko mi vannda ke paale pɛngiaalen bɛɛlen. ‹Éé Hala nuu, loonun vɛlɛ a ya le ken. Tuinun ya iɲíí, mɛɛ dɛnɛ nɔm kɛndɔɔ co o bɔɔ yɛ!›

Matie 10:22

Vannda kpow nɔnin nɛyɔn niaa le diola nilan. Kɛ vana lonin lecoo háá o mɛɛlulan-ndo, ndu sɔlanin cindaa.

Yeremi 20:8

Kani lɔ́ɔ́-lɔ́ɔ̀ ya va pɛ sɔɛi, mɛɛ mì yonda aa: ‹Delɔɔ coo! Kɔlvesɛiyo!› A toɲa, vannda co mamɔɔ, mà va ya yeolan lepalaa-lepala le sɔɛi nɔmnde, nɔm Mɛlɛka-e pɛɛn.

Condii lisai 119:84

Háá telen kuɛɛ vana baala nɔmndo lo yɛnin yoomu? Lɔ́ɔ́ kuɛɛ nɛ n kialu yɛnin vanaa co ya saangiaa-a iyama?

Condii lisai 106:4

Éé Mɛlɛka! Yiyan naa coo telen n co vanaa nɔmnda kɛndɛi tosallo-o, mala naa telen n co nda ciindiaa-o!

Nehemi 5:19

Éé Hala nuu, yiyan ya coo mà tuinun ya iɲíí le dɛnnda ya tosa le vannda ha kpow lan!»

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Dɛnnda cɔɔmuanndan 6:10

A va yoondiaa coocoo kpélén aa: «Vana naa bɛndu diandaa toɲaa sei, vɛ́ cumndo ho, lɔ́ɔ́ kuɛɛ n co yɛ yamɛi kiolɔɔ, mà mingi màá nda dii naa-o o vanndacieea co o lɛŋnden coo-a lo?»

2Timote 4:14

Alɛksandre siɛɛkinɔɔ tosal-la dɛnnda vɔɔnndan taw. Mɛlɛka mingulnin ndu mɛɛ dɛnnda ndɔlan la co yɛ.

2Korɛntea 5:11

Lelan, n sínà ɲɛ co siòòŋii Mɛlɛka-e nɔu-vo, n co kindinndo le vannda kɔltan mangalaa. Hala sínà naa ɲɛkɛndɛi. Nduyɛ, i laalan maa niaa bɛɛ, kɔlta niaalan bɛɛ la sínà kon.

Rɔmnda 12:19

Niaa vanaa hɛnan ya-a, niaa pila mingi màá dɛnɛ vɔɔndo le, kɛ la mel kɔltuw Hala-o fondaa, kani o co o sɛvaa aa: «Ya co vana mingia maa ni, ya salanin vana-vana ni.» Mɛlɛka dimi lende ni.

Matie 19:29

Nduyɛ vana-vana mɛi pɛ cɛila ndɔlan, puapilɛa ndɔa, yemaa ndɔa, fuɲa ndɔ, kala ndɔ, laa ndɔ, cuavaa ndɔa, te kon te yondola ndɔlan le diola nilan, ndu sɔlanin o hiow kon polon-ndo. O kon kɔɔli, o sɔlanin yoomu fɛɛn-fɛɛndo.

Yeremi 15:10

Kala nuu, i kɔndu dɛnɛ fɔ, le violɔɔ n velu ya o ceendo coo-o. O lɛŋnden nin kpow, vana pilɛ bɛɛ nɔ sɔɛi nii kɛndɛ o kɔl te. Nduyɛ, kuee vana co ya le, vana nɔ kuee ni le, kɛ vannda kpow a co ya keiyo mɛɛniaalan.

Esai 38:3

«Éé Mɛlɛka! Loonun maa i kela nɔm o hɔl sakpo a kɔl nuu kpow, mí tosa ɲɛ co o kɛndɛ nɔm o hɔl-lo!» Esekia lo piɛilen lende, mó caŋ fúkpàà-fùkpàà, mí mɛmɛan ma toal ndu taw-taw.

Condii lisai 102:24

I va tɛɛn kpafii o ceen nuu nin, mó soli ya yoomuan, mó bingi yoomu nuu.

Condii lisai 39:13

Mɛlɛka, tuei piɛile nilen, ma yaŋ nilan o cɛɛŋɔnnda nilan. Meilul-la o koŋul nuu nin te. Kani miallo ya co o nɔm ndo ni, vana hiawnanndo ya co nin mɛɛ fuɲaa nia mamaa yɔŋnun vanaa hiawnannda yɛ.

Condii lisai 17:3

Yaasiaa bɛɛ kɔl nuu icɔl, mà soli ndu kɔlɔ, tosa bɛɛ fulakɔɔlio le ya kɔlɔɔ sinaa, a seelunnin ɲɛ-ɲɛ vɔɔn te. Kani ɲɛ ya yiyanndo híw sondo nuu coo le.

SƐBƐ YƆB-O 10:7

Nɔm yɛ a sinà maa i tɛɛmbuu isɔɔ oo isɔɔ le, ya yɛ vana-vana nɔla vɛlɛ mò soli ya nɔm o ba le!

Nehemi 13:31

Mí bɛɛndiaa vɛlɛ dɛnɛ ɲɛm-kéan iyɔmun ndáà bɛnda le yɔngoo o telen kelunndo-on, a dɛnɛ ɲɛm-kéan ndáà cua o ɲɛm vaan tason nin-ndon. ‹Éé Hala nuu, loonun a ya mà tuinun ya iɲíí!›»

Nehemi 6:14

Éé Hala! Loonun a Tobiya nda Sanballa, le dɛnnda nda tosa lan. Loonun vɛlɛ a Noadia vanalanɔ-tɛɛngaa-diom Hala-o, a vanaa-tɛɛngaa-diom Hala-a celen, áà yeema le ya siòònde lueiyo-a.

Rɔmnda 8:35

Nɛ̀ɛ́ sɛi yɛnin naa a canyɛi Krista-e? Mo va maa dɛnɛ palaa ni? Buulan bɛndoo bàà? Yaamɔɔlen bàà? Yiaan bàà? Bala fondolan bàà? Kpundɛlan bàà? Mɔɛi cɔwve bàà?

Masaa kialaa n'yamaa 16:28

O kon, mí Samsɔn piɛi Mɛlɛka aa: «Éé Maalii, Mɛlɛka! Yiyan ya coo yandi, mà mingi ya yoomuan o n'dial o laan daama, haliko mi mingul Filistia ha màá nda pesi ya hɔlta nila tiɔnndan-ndo o lepilɔɔ.»

Condii lisai 44:22

Nɔm Hala, vɛ̀ɛ̀ a va sɔɛi ken sina le? Kani a sina sɔɔn n'viannanndon o kɔltan nin.

Yeremi 15:20

I siinguunin nɔm maa sungbule n'daɲale kálà-kálà vannda ha o hɔl. A cɔlɔbanin nɔm, kɛ a nɔlanin nɔm te, kani i co nɔm ikɛi le nɔm baŋaa a le nɔm ciindiaa. Sɔɛi fula ya Mɛlɛka o sondo-e co ken ni.

Yeremi 20:11

Kɛ nɔm Mɛlɛka co ya ikɛi, a co cɔlɔbaa le ya a kpaayaa. Lelan vanaa co ya yɛlen tollo-a boŋnin, a nɔlanin tosaa mɛɛ nda yiyan a ya yɛ le. Siɛmbulan la biinin nda le bumba nda bumbanin ya-o. Siɛmbula lan la vanin nda lɔ́ɔ́-lɔ́ɔ̀, vana-vana pɔɛnunnin a lan o kɔɔ le.

Yeremi 18:23

Nɔm Mɛlɛka, a pɔw ɲɛ-ɲɛ o tuula nda co le ya diyɔɔ lan nin te. Mal nda haki le dɛnɛ vɔɔn nda co tosaa-o le, faŋa hɔlla o hakila ndalan te. Màá a siɛɛlia mà deli nɔm o hɔl telen n co kɔl fula a nda-o!

Cɛɛŋɔnnda Yeremi lan 3:64

Éé Mɛlɛka! Mingul nda mɛɛ dɛnnda nda tosa lan la co yɛ.

Cɛɛŋɔnnda Yeremi lan 3:66

Tol nda kɔɔli a kɔltuwvo, mà cii nda o lɛŋnden coo kpow.»