Yeremi 15:10 - BII BILA

¹⁰ Kala nuu, i kɔndu dɛnɛ fɔ, le violɔɔ n velu ya o ceendo coo-o. O lɛŋnden nin kpow, vana pilɛ bɛɛ nɔ sɔɛi nii kɛndɛ o kɔl te. Nduyɛ, kuee vana co ya le, vana nɔ kuee ni le, kɛ vannda kpow a co ya keiyo mɛɛniaalan.

Yeremi 15:10 Referans Kwoze

Luke 6:22

Dɛnɛ kɛndɔɔ co le niaa, telen vannda nɔnin nɛyɔn niaa, mà kɛɛ niaa, mà va niaa yeowlan, mà kela a niaa o lasonndo le tùú niaa laalan Po vanacieo-vo.

Fulaa 22:25

Te la bii pɛ vanndo doma ndɔ bɛndoo o ba o landei nin, la bɛnda mì la mingul ndu doma ndɔ kon telen pá mì paalen le del.

Luke 2:34

Mí Simeɔn dɔaw nda duaa, mó dimul kala ndɔ Mari aa: «Poo ho tosanin mì vanaa bɔɔ-bɔɔ del, te kon te mì a bɔɔ-bɔɔ cɛn o lɛŋnde Israɛl-ten nin. Kɛ vannda kɛɛnin ndu,

Matie 24:9

A tuisinin dɛnɛ palaa súú-súù ka niaa coo, mà diw niaa, mì vanaa-mangalaa-isɔɔa kpow a pɛɛsa niaa le diola nilan.

Matie 5:44

Kɛ ya, i co niaa dimul: la kaola yaamɔaa niaa, la piɛi Hala le vanaa co niaa saangiaa a niaa yɛlen tollo-a.

Yeremi 15:20

I siinguunin nɔm maa sungbule n'daɲale kálà-kálà vannda ha o hɔl. A cɔlɔbanin nɔm, kɛ a nɔlanin nɔm te, kani i co nɔm ikɛi le nɔm baŋaa a le nɔm ciindiaa. Sɔɛi fula ya Mɛlɛka o sondo-e co ken ni.

Talelan 26:2

Mɛɛ nɛ́ɛ̀nɛ́ɛ̀a, te kon te lɛɛfɛnnda balu coocoo nuaa a cel te yɛ, lende danga dɔwnun o fondo fúúo coo-o co ni, o bii vana-vana le.

Condii lisai 109:28

Nda tiw ba mà dɔw dangalan, kɛ nɔm a dɔawnin duaa. Taa cɛn pɛ le cɔwvo, siɛmbulan la biinin nda. Kɛ ya vana baala nɔmndo yɛ, i dɔawnunnin ɲaale.

Condii lisai 15:5

O yɔngu vana kuee le tɔnɔ sɔla lecoo le, o cɛl luɛyɔɔninndo le vana tɛɛmbuu isɔɔ loo palaa le. Vana kela pɛ o nɛilan ndan coo, vana kon del lɔ́ɔ́-lɔ́ɔ̀ le.

1Masaa 22:8

Mí masa Israɛlla mulul ndu aa: «Vana-tɛɛngaa-diom Hala-o pum co nanu le Mɛlɛka ɲunaa, kɛ i yeema ndu le, kani o dimul-la sɔɔn kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon kínɛí, Misee po Yimla-o pɛɛn.» Kɛ mí Yosafat deŋul ndu aa: «Masa suu nuaa le!»

1Masaa 21:20

O kon mí Akab mulul Elii aa: «Yaamɔɔ nuu komal-la fɔ́!» Mí Elii mulul ndu aa: «Lekɛ́ndɛi, i komal nɔm. Kani nɔm pila vɔngulun o dɛnnda hɛnan Mɛlɛka le lan tosaa nin ni.

Tɔŋ lasálàá 25:36

La bɛnda mi la ɲuna ndu le niaa ɲɛ-ɲɛ mingul a tɔnɔ súú-súú lecoo le. La nɔ́ siòòŋii Hala niaa, o kon mì puapilɛ niaa va yoomu niaa ikɛi.

Dɛnnda kiilaa 28:22

Kɛ n yeema mì n sínà yiyan nɔmndo. Kani n sínà maa vannda co nɔm cenelanndo nɛɛ-nɛɛ ka.»

Tɔŋ lasálàá 25:37

Te la ke ndu pɛ volion kueo, la ɲúnà ndu le niaa mulul salal a tɔnɔ lecoo le. Te la dɔnda ndu pɛ ɲɛdiaa, la ɲuna ndu le niaa ndu mingul a tɔnɔ lecoo le.

Condii lisai 69:4

I co sangaa yondaa le malaa sɔlaa, diomndo kandan ya kpiŋ, i co sangaa hɔlla keeliaa le Hala nuu nuwviaa.

Habakuk 1:3

Le yɛɛ n co yɛ ya dɛnɛ vɔɔndo cɔmndo? Vɛ́ ma va delɔɔcoo ho tofaa? Delɔɔcoo a dɛnɛ vɔɔndo kínɛí ya co cɔu vanaa balu ya-a tɛɛn ni. Sɛɛngianndan a sɔngɔlan la co bɔɔ tosanndo!