Yeremi 15:1 - BII BILA

¹ Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

Yeremi 15:1 Referans Kwoze

Esekiɛl 14:14

te vanaa yáá-a ha: Noe, Daniɛl a Yɔb a va pɛ nda tɛɛn, nda pila kínɛí baŋanin yoomula ndalan le dɛnɛ nda sandaa ni. Ya Maalii, ya co Mɛlɛka-o soo nuaa ni.

Yeremi 14:11

Mí Mɛlɛka dimul-la aa: «Tɛɛlun ya o lepiɛi nin le vannda le.

Yeremi 11:14

Lelan nɔm Yeremi, piɛi le vannda ha le, hali mà solul-la diom le ya tɛɛlɔn, te kon te le ya ɲɔɔlu le nda le. Kani telen nda vanin o dɛnɛ palaa nin-ndo, a veelunin ya le nda malaa, kɛ i yeŋnunnin nda le.»

Condii lisai 106:23

Mí Mɛlɛka tuu vɛlɛ le nda tɛɛmbuuo, kɛ mí Moise, vana o hɛli-o sim ndu Mɛlɛka o hɔl, mó ɲuna ndu le yiyan ndɔɔ mangalaa.

Condii lisai 99:6

Moise nda Aarɔn va vanaa-solia-lasálàá tɛɛn, mí Samiɛl va vanaa lepiɛiya tɛɛn, má piɛi Mɛlɛka, mó mulul nda.

1Samiɛl 12:23

Le ya yɛ, sɔɛi vɔɔŋii bɛnduei o co le hakio cuaa a Mɛlɛka ni, te i pɛngi pɛ piɛilen le niaa. I vanin vɛlɛ niaa nɛi kɛndɔɔ a nɛi sandaa cɔmndo.

2Masaa 17:20

Mí Mɛlɛka kɛɛ cuavaa Israɛlla kpow, mó tuisi nda siɛmbulan, mó mal nda vanaa del vannda coo-a o ba. O mɛɛlulan mó toaw nda, má faŋan ndu o hɔl few-few.

1Samiɛl 7:9

Mí Samiɛl bii saa téndé va vɔ vɔɛiyo-o, mó solul Mɛlɛka ndu sálà loamaa. Mó piɛi Mɛlɛka le Israɛlla, mí Mɛlɛka mulul ndu.

Yeremi 52:3

Mí dɛnnda va tosanndo Yerusalɛm a o masale Yuda len nin-ndan la tɛɛmbuu Mɛlɛka kɔllo. O mɛɛlulan, mó toaw vanaa ndɔa polon. Mí Sedekia simul Nebukanɛsar masaa Babilɔn.

Yeremi 23:39

«I co niaa siilɔn o congú maa lavolɔɔ, mò kɔ viow niaa polon, niaa a kobi ya yɔngu niaa a fuɲaa niaa-o.

Yeremi 18:20

Vɛ̀ɛ̀ vana mingi dɛnɛ vɔɔndo le dɛnɛ kɛndɔɔ? Kani a co ya soondo tuwvo. Loonun maa i sim nɔm o hɔl, mí soaa le nda, haliko mi nɔm óò mal kɔngɔlan nɔm óò kɔngɔlan nda-o.

Yeremi 15:19

Lelan diom Mɛlɛka dimi-o co hoo ni aa: «Taa muungu pɛ ya o ibuŋ, i minginin nɔm o baala nuu nin. Taa dimi sɔɔn laasi-laasi le, kɛ mà dimi sɔɔn kɔlkalon, mɛɛ nɔm vanin sondo nuu ni. Yudaa muungunin nɔm o ibuŋ, kɛ o co nɔm te muungunin nda o ibuŋ te.

Talelan 14:35

Masaa ca vana baala kɛndɔɔ ɲia, kɛ kɔltuw ndɔɔ toal vana baala soli vana lasiɛmbu loo coo.

Hebreea 9:24

Kani Krista luei o fonda diandaa toosian a bala vanacieo vo nin te, velan fonda diandaa co o halataala-o daama co kon ni. Kɛ o halataala kpeekpei o luɛi ni, lon o co sunsun Hala o hɔl le naa ni.

Yeremi 35:19

Yonadab po Rekab-o folanin vana vanin simndan ya o hɔl-lo lɔ́ɔ́-lɔ́ɔ̀ le.» Diom Mɛlɛka-Nɔ-Kpaayaa-Kpow-vo, Hala Israɛlla dimi-o co kon ni.

Masaa kialaa n'yamaa 5:9

Kɔllo co ya simlacia Israɛlla a vanaa yɔngun nda pila le cɔwvo-a coo. La mel Mɛlɛka balika.

O Kandɔɔ 19:27

Idiiyo púŋ, mí Abraham muungu nɛɛ ndóò va suukanndo nda Mɛlɛka-a.

Sakari 3:3

Nduyɛ, volɔɔla nɔɔlɛilan la va Yosue lekɔɔ, o va isisi mɛlɛkanɔɔ laci.

Tɔŋ miingua 9:26

Mí tɛɛlun Mɛlɛka, mí dimi aa: ‹A yandi, Maalii, Mɛlɛka, tɛɛmbuu vanaa nɔmnda le, kɛ́ nɔmndo pɛɛn, a n baŋa a masale nɔmnden má soli nda o lɛŋnde Esipte nin a ba nɔm kpaayaa-a.

1Samiɛl 12:19

Mí nda kpow a dimul Samiɛl aa: «Tɛɛlun Mɛlɛka Hala nɔmndo le naa, yɔŋii naa n vu. Kani n handu haki celen o hakila naala paandulan coo, le tùú naa pila n ɲuna le masa celen sɔlaa-o.»

Yeremi 9:19

Lelan niaa vanlaandua, la yaŋ nilan o diom Mɛlɛka-o, mì nila niaalan la tuei sɔɔn co ndu fulaa o sondo-on. La pɛɛku cuavaa niaa laandua caŋ biisio, la pɛɛkuan caŋ kalaa vellaa-velle aa:

Yeremi 10:18

Kani o Mɛlɛka dimi-o co hoo ni aa: «O laan, i co vanaa co o lɛŋnden nden nin-nda viovɔɔ polon, i co nda ŋɔvɔɔ haliko ma sɔla biyɔɔ.»

Yeremi 16:5

O Mɛlɛka dimul-la vɛlɛ-o co hoo ni aa: «Luɛi o cɛi biisio nin te, kɔa o biisi le, toolu vana-vana le biisi le, kani i cii canyɛi, kɛndɛi a kaola va naa tɛɛn naa vannda ha-o tɛɛmbuu.

Yeremi 16:13

Lelan, i co niaa tovɔɔ mì yɛɛ niaa o lɛŋnde niaa sina le len nin, le fuɲaa niaa mamaa sina bɛɛ paandu le len, lon niaa kɔ vanin halaa celennda sooloo paalen a ɲumndan ni, i tuinun ndɛnin niaa iɲíí le.›»

Yeremi 22:28

Vannda co dimio aa: «Mò va maa kpɛɛnɛi piɔlɛyii vana soli lɛ kpeku lei a ɲɛ nɛŋi lɛ mako loo Konia co ni? Le yɛɛ nɛ nda tow yɛ ndu a cuavaa ndɔa o lɛŋnde nda sina le len nin?»

Esekiɛl 22:30

I co vanndo nuwviaa o nda tɛɛn, le o nɔla mò cɔw kpakio, mò sim o tɛɛngei nin coocoo ya o hɔl le sɔɛi le lɛŋnden-ndo, yɔŋii lɛŋnden le tambu, mì le piɔl, kɛ i seelun-ndɔ vana vaa lende le.

Yeremi 14:12

A biinin bɛɛ sumndo, i yeŋnin nda lani o ya ɲɔɔloo le. Hali a soli sálàla loamaalan a ɲɛm-kéan, i cɛlnin ndan te. Kɛ mɛɛ mì cii nda kpede a cɔwvo, a yima fofolan a á nàà n'kɔnyaa.»

Osee 9:15

«Laasian ndaa kpow co cɔmnɔnndo Kilkal, lon dɛnɛ ndaa kuisin ya o kɔl ni. I solinin nda o ya lo cɛinin le dɛnnda ndala kɔlvesɛilan. I kaola lɛnin nda le, kani simlacia ndaa kpow vanaa nila kalua nda co ni.