Yeremi 14:8 - BII BILA

⁸ Nɔm Israɛl tiindan-ndo, nɔm ciindiaa ndu o telen dɛnɛ palaa-o, le yɛɛ nɛ n tosa yɛ maa mial o lɛŋnde ndɔlen nin, maa vana hiawnan kei cɛi-kola-toandaa ndɔɔ simi le lɔan-ndo?

Yeremi 14:8 Referans Kwoze

Yeremi 17:13

Mɛlɛka, nɔm co kɔlkɛsiaa Israɛlla ni! Màá siɛmbulan la bii vanaa kɛɛ nɔm-nda kpow! Diola vanaa co nɔm kɔɔ mulullo-a kpow la co lasɛvaalan o cundoo nin, kani a kɛɛ nɔm Mɛlɛka co soon mɛmma cindaa-o.

Yeremi 50:7

Vanaa kɛ́-kɛ̀ komal pɛ nda, a del nda coo a diw nda kpow, a dimi aa: «N tosa sɔɛi vɔɔn te, kani hakio vannda ha tosa a Mɛlɛka ni, nɛɛ cindaa co-a pɛɛn, o fuɲaa ndaa mamaa ndaa tiindan-ndo.

Esai 43:3

Kani ya co Mɛlɛka ni, Hala niaa pɛɛn, O-Diandaa-Israɛlla, vana ciindiaa niaa. I vɔngul lɛŋnde Esipte len haliko mi baŋa niaa. I yɔngu lɛŋnde Etiopii len a Seba o fonda niaa.

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

Esai 45:21

La cɔm le sabu niaa co ken tosaa-o, la kɔɔsa mì la cɔm le kɔlɔ kon. La kɔ tundu mì la yɔngan kɔlkalulan vella-velle! Nɛ̀ɛ́-nɛ̀ dimi yɛ kabi o kandɔɔ maa sɔɔn mun co hunɔɔ tosan? Nɛ̀ɛ́-nɛ̀ yonda yɛ a mun o kɔɔ kabi lɔ́ɔ́ levil? O co ya Mɛlɛka le? Hala celen co le, mɛɛ ya, ya pilɛ kpé co Hala sandaa a Hala ciindiaa vana-o ni.

Esai 43:11

Ya ni, ya co Mɛlɛka ni, o ya kɔɔli, vana ciindiaa celen co le.

1Timote 1:1

Ya Pol kiilanɔ Yeesu Krista-o, o Hala Vana naa Ciindiaa nda Yeesu Krista Vana naa n tiindan-ndo vem-ndo, ya co sɛbɔɔ ho sɛvaa ni.

Dɛnnda kiilaa 28:20

Lelan ya ɲuna ni mì hun soo o niaa lo. Kani le tiindan Israɛlla nɔ-o ya co o yɔlɔn nuaa ni.»

Esai 45:15

Éé Hala, lekɛ́ndɛi Hala vianunnun-ndo n co ni. Hala Israɛlla a vana ciindiaa n co ni!

Condii lisai 138:7

Te i va pɛ kelaa o mɔnɛi nin, nɔm Mɛlɛka co ya yoomoo yɔngoo. Yaamɔaa nia va bɛɛ ya simullo a kɔlta fulaa lan nuaa, nɔm Mɛlɛka kandanin yoomu nuu. A solinin ba kpaaya nɔmndo, mà ciindiaa ya.

Condii lisai 91:15

Taa piɛi pɛ ya, i mululnin nɔm. O sangaa nin bɛɛ, i vanin nɔm ikɛi. I baŋanin nɔm mì ke nɔm bɛɛlen.

Condii lisai 46:1

Condii poaa Kore-a, í fula o condun simlacinɔ vanaa n'condua nin-nde. A ɲɛ-caa vana soli ndi ni.

Condii lisai 9:9

Ndu kialunin yaman a sandei o ceendo coo ni, ndu kialunin yaman sandan le vanaa-mangalaa-isɔɔ kpow ni.

Condii lisai 10:1

Éé Mɛlɛka! Le kɔlɔ yɛɛ nɛ n co yɛ naa simndan levil pɔ́? Le yɛɛ nɛ n co yɛ naa vionnɔnndo o telen dɛnɛ palaa nin?

Masaa kialaa n'yamaa 19:17

Mó tofa, mó ca langbanɔ va kon o kela kon nin-ndo o falii kobi kon, mó ɲuna ndu aa: «Kuɛɛ n cɛn yɛ? Kuɛɛ n co yɛ kɔlan?»

Condii lisai 71:5

Kani nɔm ya tiindan ni, nɔm Maalii Hala nuu, kabi o felengiyɛi nii nin, nɔm ya tiindan ni.

Esai 63:8

Mí ndóò dimi aa: «Vanaa niaa kpeekpei nda co ni, cuavaa fulanin ya kɔɔli le-a nda co ni!» Le hee, mó yɔŋnun vana ciindiaa le nda.

Yeremi 30:7

Àá má cè dɛnɛ palaa! Le sel naa fɔ́! N ci vɔ lepaa maa leen te, telen imɔnɔɔ co hoo le polale Yakɔb len ni. Kɛ nduyɛ ɲɛ-ɲɛ yɔŋnunnin nda le.»

Sakari 9:12

Lelan, niaa vanaa kaasoaa nɔ tiindanndo-a, la muungu o kobi niaa kungan a kpakio-o nin. Hau vɛlɛ i co ndi dimi, i vangalanin dɛnɛ kɛndɛ niaa bɛmbɛ lediin le sanga niaa sɔla-o.

Condii lisai 46:2

Hala co nɛɛ viannaŋaa naa a kpaki naa ni, vana co naa malaa lɔ́ɔ́-lɔ́ɔ̀ o buulanndan nin-ndo.

Esai 33:2

Éé Mɛlɛka! Tuinun naa iɲíí yandi, nɔm naa n tiindan ni. Va vana mala naa idii oo idii-o, va vana baŋa naa o palɛi sangɛi nin-ndo!

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.