Yeremi 14:7 - BII BILA

⁷ «A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.

Yeremi 14:7 Referans Kwoze

Osee 5:5

Yonga Israɛlla co nda pila seilen tɛndallo, Israɛlla a cuavaa-imamaa Efraim-nda boŋ le dɛnnda ndala vɔɔnndan. Vannda Yuda bɛɛ boŋ latulu nda ndaa.

Condii lisai 25:11

Mɛlɛka, yiyan le diola nɔmndan, mà mal-la haki le tɛɛmbuu nuu, kani o vɔw bɔɔ.

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Esai 59:12

Kani yɔŋnda naala vɔɔnndan la co bɔɔ sɛ́lɛ́ nɔm o hɔl, nduyɛ hakila naalan la co naa seilen tɛndallo. Yɔŋnda naala vɔɔnndan la co naa lakayakayanndan. N co vɛlɛ biondɔnnda naalan sinaa válán.

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Efɛsea 1:12

Lelan, naa vanaa tasea tiindan Krista-a, n biilun bɔɔbɔɔyɛi Hala-e.

Efɛsea 1:6

Lelan, n melnun Hala balika le kɛndɛi ndɔɛi bɛnduei, i o tosal naa a Po ndɔ o kaola taw-vo o kɔɔ-e.

Osee 7:10

Yonga Israɛlla co nda pila seilen tɛndallo, kɛ a co muungu Mɛlɛka Hala ndaa o ibuŋ te. A kon kpede, a co ya Mɛlɛka nuwviaa le.

Esekiɛl 20:22

Kɛ mí mingi ba nuu, kani mí yiyan le diola nilan, yɔŋii la tambu vanaa-mangalaa-isɔɔa ya va cɔu mí soli Israɛlla o lɛŋnde Esipte len nin-nda o hɔl.

Esekiɛl 20:14

Kɛ mí tosa ɲɛ pum le diola nilan, yɔŋii diola nilan láà tambu vanaa-mangalaa-isɔɔa va cɔu mí soli Israɛlla o lɛŋnde Esipte len nin-nda o hɔl.

Esekiɛl 20:9

Kɛ mí tosa ɲɛ pum le diola nilan, yɔŋii la tambu vanaa-mangalaa-isɔɔa nda va tɛɛn-nda o hɔl, kani vanaa-mangalaa-isɔaa kan o hɔl yáà cɔmnun Israɛlla le nda solio o lɛŋnde Esipte len nin ni.

Yeremi 3:6

O paale masaa Yosia len, mí Mɛlɛka dimul-la aa: «Vɛ̀ɛ̀ a ce pá ɲɛ Israɛl muuluanndo ho tosa-o? O hel o pembon kpow coo, mó kɔa o yɔmii puiyɛi bɛngu, le piɔmnda sooloo.»

Condii lisai 115:1

Éé Mɛlɛka! O co naa le, o co naa le biiloo bɛnda le, kɛ nɔm pilɛ kpé, le kaola nɔmndo a le kɛndɛi nɔmnde.

Ɛsdras 9:15

Mɛlɛka, Hala Israɛlla, vana sandaa n co ni. Lelan naa pumnda n co hau yoomu nuaa ni. Má cè naa nɔm o hɔl nanu a hakila naalan! Nduyɛ vana-vana bɛnda mò va nɔm o hɔl lende le.›»

Yosue 7:9

Kanannda a vanaa celeŋaa co o lɛŋnden nden nin-nda co sɔɛi he tueyɔ̀ɔ̀ mà mɔsɔŋian, mà hun tiila naa, mà cii naa o lepilɔɔ. Te i tosan yɛ pɛ lende, vɛ̀ɛ́ n yɔŋ yɛnin le diola nɔmnda bɛndulan?»

Tɔŋ miingua 32:27

Ɲɛ ya kiisan le ken tosaa-o koni co ni, yɔŋii yaamɔɔa sɔla talen ma yei ya, yɔŋii vanaa nɔ nɛyɔn ndaa-a pɔɛɛnun mà dimi aa: ‹A kpaayaa naa naa n nɔla nda nuaa ni. O co Mɛlɛka le tosa kon kpow le.›

Yeremi 8:14

«Le yɛɛ naa n co yɛ lou icali? N cuungian nɛɛ pilɛ, mì n kɔɛnnun o kobila kpakilan nin, mì n kɔ vunnun ndon! Kani le vuo Mɛlɛka Hala naa kɛsi naa ni, o co naa mɛmma bɔ̀tàán koesi, le tùú naa n cua hakio a ndu Mɛlɛka-o.

Condii lisai 79:9

Sɔɔnguu ma mala naa, Hala vana ciindiaa naa, haliko mì bɛɛlen le kennun nɔm. Báŋá naa ma mal naa haki le hakila naalan, haliko mì diola nɔmndan la kela tɔ́ɔ́.

Esai 48:11

Le kaola ni ya pila nɔ le ya pila-o, le canyɛi nii ya pila-e ya tosa lende ni, bau i yeema mi diola nilan la nɔɔla le. I yɔngunin vana celen biilu nuu le.

Yeremi 3:25

N hinin a siɛmbula co naa lan, mi bɛɛ tambɛiyo va naa coo maa kola kuumbuan. Kani n cua hakio a Mɛlɛka Hala naa, naa a vanaa velu naa-a, kandɔɔ o felengiyɛi nɛi nin háá hau, n yeŋ Mɛlɛka Hala naa lani le.

Yeremi 8:5

Ɔ́ɔ̀ niko le kɔlɔ vannda ha Yerusalɛm, a luɛi nila kalulan tosaa-o? A co baŋnɔnndo o kafala ndalan coo, mà va kɛɔ le mangalanndo.

Amɔs 7:2

Mɛɛ sóónɔa kan cii bil va o lɛŋnden coo-o dio, mí dimi aa: «Éé Maalii, Mɛlɛka, mal naa haki yandi! Te kon te, vɛ̀ɛ̀ cuavaa Yakɔb-a nɔla yɛnin mà lo yoomu, nda co haa sɛ́lɛ́ le-a?»

Yeremi 5:25

Dɛnnda niaala vɔɔnndan la hiŋ ɲɔɔ kpow ni, hakila niaalan la co niaa ɲɛm kɛndɛn mun tuŋɔɔ ni.

Yeremi 10:19

«Mbɔ̀ ya i kɔndu dɛnɛ fɔ́! Bolin nuu singu le. I va dimio aa: sanga co le ya-o, i bɛnda mì biwnun ndu.

Misee 7:9

Fɔ mì biwnun kɔltuw Mɛlɛka-o, kani hakio ya cua a ndu ni. Telen co tiiya, o soaanin le ya, mò ke ya dí nuu. O solinin ya o ɲɛ-tengaa, mò tosal-la dɛnɛ kɛndɔɔ.