Yeremi 14:3 - BII BILA

³ Vanaa bɛndua co buɛyaa ndaa vomɔɔ kela mɛnndan. A co kɔlan o soonnda mandaa mamɛnndan, ma va lan komallo la velɛilan, a co muungoo a ɲɛla ndala vovaa mamɛnndan fondo. Siɛmbula bɛndulan la bii nda ma kumbu hɔlla.

Yeremi 14:3 Referans Kwoze

2Samiɛl 15:30

David va Pembii oliviei helɔɔ pelun fondo a caŋndo, kolaa va o kumbuaa ndu o lebol. Vanaa va kɔlan ndu kɔɔli-a bɛɛ a va kɔlan a kolalan lakumbuan o lebol, a va kɔlan a caŋndo.

Condii lisai 40:14

Mɛlɛka, baŋa ya yandi. Hun cɔ́-cɔ́, ma mala ya.

2Masaa 18:31

La yaŋ ndu Esekia lani le dɛ! Kani ya masaa Asiri, i dimi aa la nuwviaa kɔlɲuloo ya o ba, la hun cal-la o labɛngunin, haliko mí vana-vana de rɛsɛŋun ndɔn a voosun ndɔn tɔnɔ, mò kol mɛmma soon ndɔ kólaa,

Amɔs 4:8

Le hee, mí vannda va cɔnɔnndo o kobilan tan tiɔn te kon te tan yáá nin le kɔlan mɛnndan kolɔɔ o kobio ndu pilɛ nin, kɛ kolɔɔ iyeemaa cuu nda le. A kon kpow, la mùùngú ya o ibuŋ te. Ya Mɛlɛka soo nuaa ni.

Yeremi 2:13

Kani sala tiɔn vanaa nia tosa dɛnɛ vɔɔndo ni: a kɛɛ ya vana co soon mɛmma cindaa-o, má tuwnun soonnda mandaa mamɛnndan, o co yɛ soonnda kɛndɛ le, mɛmma cel lenin te.›

Yɔɛl 1:20

Hali visia yondoa co mulinndo o nɔm ndo. Kani mɛnndan ma vela o peelan kpow, yinnden le cii bil puiyaa lomɔɔ o dɛɛlala vesɛilan nin.»

Yeremi 20:11

Kɛ nɔm Mɛlɛka co ya ikɛi, a co cɔlɔbaa le ya a kpaayaa. Lelan vanaa co ya yɛlen tollo-a boŋnin, a nɔlanin tosaa mɛɛ nda yiyan a ya yɛ le. Siɛmbulan la biinin nda le bumba nda bumbanin ya-o. Siɛmbula lan la vanin nda lɔ́ɔ́-lɔ́ɔ̀, vana-vana pɔɛnunnin a lan o kɔɔ le.

Yeremi 14:4

Lɛŋnden le piɔsi nɛɛ-nɛɛ ka fee, kani piɔɔ co sia lecoo le. Le hee, vanaa vàá co buulanndo, a co hɔlla vionɔɔ.

Condii lisai 109:29

Màá yaamɔaa nia tambu labɛɛ, mì siɛmbulan la tol nda maa doma bɛndu!

SƐBƐ YƆB-O 6:20

Kɛ tiindan ndaa siŋnun ɲɛ fondoo, kani mɛɛ nda tiiya lon, mí siɛmbulan la bii nda.

Ɛstɛr 6:12

O kon kɔɔli, mí Mardosee muungu o bɛ́ɛ̀ lemasaa. Mí Haman muungu a kiltan o ndu lo a mɔnɛi, a bollen le tundaa.

1Masaa 17:7

Kɛ le tùú piɔɔ ve sia o lɛŋnde len nin too, telen bingi hiovɔɔ, mí pee kalaa vela sɛ́ɛ́n.

2Samiɛl 19:4

Mí vannda muungu ɲinkon ciee o vionnɔnndo nin mɛɛ vanaa nda nɔla o cɔwvo-a ɲaanun a siɛmbulan nuaa yɛ.

Yeremi 2:37

Lon bɛɛ, a balan o lebol niaa fulanin ni, kani Mɛlɛka kɛɛ vanaa niaa tiindan-nda, la sɔlanin vɛlɛ mala nda o ba le.»

Yeremi 3:3

Le ken, mí tuŋ nɔm piɔɔ, tue bɛɛ piɔɔ del a sialten te, kɛ a kon kpede, a mel suundaa le, siɛmbula bii nɔm te few.

Yeremi 15:18

Le yɛɛ nɛ sanga nuu nɔ yɛ lamɛɛlu le? Le yɛɛ nɛ bolin nuu co yɛ danda dɔwnɔn mò sengu le? Vɛ̀ɛ̀ ma siŋnun le ya maa pee pɔmbɔ hui vana-o, ɲin pum a komal mɛnndan ma piaa cá, paale celen a komal ma velan, vana nɔla ndu tiindan te?

Cɛɛŋɔnnda Yeremi lan 4:4

Kolɔɔ biyɔɔ cɛlɛkpɛa tei, mí diɛɛmuei biilan nda o sondolan lenin. Cuaambɔa co ɲɛdiaa piɛiyo, kɛ vana co le nda ndu keo le.

Osee 2:3

Lelan, la veelu puapilɛa niaa aa Ammi (kon co dimio ni aa «Yungu nuu»), mì la veelu yemaa niaa aa Ruhama (kon co dimio ni aa «Kaolaa»).»

Sakari 14:17

O yungula co o lɛŋnden coo lan tɛɛn, yungu oo yungu kɛɛ pɛ le helɔɔ Yerusalɛm, le kɔlan vulan baŋɔɔ Masaa, o co Mɛlɛka-Nɔ-Kpaayaa-Kpow-vo-o o labɛngunin, piɔɔ senin o nda lo le.

Amɔs 4:7

Ndóò lo vɔ paangon mún yáá le telen koavaa tiiyaa, mí tuŋ niaa piɔɔ. Mí tuisi piɔɔ o kobio o pilɛ coo, mí kɛɛ le ndu tuisio o kobio pilɔɔ coo. Mó sia o ciɛi pilɛ coo, kɛ o se o ciɛi pílɛi coo le, mí ɲɛm ndáà váá o ciɛi ken nin-ndon vesan a valoo.