Yeremi 14:22 - BII BILA

²² O halaa co vanaa-mangalaa-isɔɔa o ba-a kpow tɛɛn, hala kuɛɛ nɛ nɔla yɛ piɔɔ tuisio? Vɛ̀ɛ̀ halataalaa pila tuisi piɔɔ ni, o co nɔm te co Mɛlɛka Hala naa le? Hala naa, nɔm naa n kɛsi kɔllo coo ni, kani nɔm tosa dɛnnda lan kpow ni.»

Yeremi 14:22 Referans Kwoze

Yɔɛl 2:23

Niaa cuawva Siɔn yɛ, la yo a kɔlkɛndɔɔ. La dɔwnun ɲaale o Mɛlɛka Hala niaa nin. Kani o yɔngunin niaa piɔɔ o telen ndɔɔ. O tuisulnin niaa piɔɔ a vɔɔle pɔmbɔlen, mò tuisul niaa vɛlɛ piɔɔ telen vaala taselan maa mɛɛ ndóò tosa paandu yɛ.

Yeremi 5:24

La co dimin o lakɔl te aa: N tosan siòònde a Mɛlɛka Hala naa, o tuisul naa piɔɔ o telen ndɔɔ-o, piɔɔ tasoo a piɔɔ vɔɔle pɔmbɔɔ, o yɔngu naa lɔ́ɔ́lan le kovɔɔlan-ndo.›

Condii lisai 135:7

O co piɔɔ helaa cuaa o lɛŋnden mɛɛlulan, o co taŋndan volio le piɔɔ tuisio. O co hoeyii o va mandaa-e solio.

Esai 30:23

O kon, Hala tuisinin piɔɔ o yɛyii niaa saŋnin lɛŋ-nde coo, lɛŋnden le solulnin niaa ɲɛdiaa kɛndɛ yeelɛiyo. O palɛi ken nin, cɔlua niaa vanin kɔlan diólan o hòóla bɛndu-bɛndulan nin.

Tɔŋ miingua 32:21

A tindi paŋala nuu ya nin a ɲɛ co hala loo, a tuulu ya kɔllo a piɔmaa ndaa fondoa. Lelan, ya bɛɛ, i co nda paŋalaa luei o kɔl a vanaa-mangalaa-isɔaa co vanaa sɔvɛ le-a, i co nda kɔllo tuulu a vanaa kindu lakɔl te-a.

Yeremi 51:16

O dimi pɛ, mɛnndan ma diinun o halataala, piɔɔ bɛndoo hel o lɛŋnden mɛɛlulan, halataalaa voli, o kon piɔɔ sia, hoeiye fula o soon ndɔɔ nin.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Yeremi 10:15

Ɲɛ fondoo fúú nda co ni, baala n'taaninndo. Telen Mɛlɛka cannin le mɔnɛ soli a nda-o, a co hunɔɔ itambu kpow.

Esai 41:29

Tofa vɔ, nda kpede ɲɛ fondoo fúú nda co ni. Dɛnnda ndalan kpow la co ɲɛ-ɲɛ le. Hoeiye a ɲɛ fondoo piɔmaa ndaa co ni.

Condii lisai 130:5

I co Mɛlɛka cumndo, i co ndu cumndo a kɔl nuu kpede, i laalan sɔɛi ndɔɛi.

Condii lisai 25:21

Màá sakpoyɛi nɔmnde a dɛnɛ sandaa nɔmndo kanda ya! Kani nɔm ya tiindan ni.

1Masaa 17:14

Kani Mɛlɛka Hala Israɛlla dimi aa: ‹Háá paale ndu Mɛlɛka tuisinin piɔɔ o lɛŋnden coo len, kpeyanndo cuunin o bonyii o co nin-nde nin te, cuɛiyan bɛɛ ma cuunin o kúŋndo nin te.›»

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

Tɔŋ miingua 28:12

Mɛlɛka kumbilnin niaa bolofaa ndɔ kɛndɔɔ o halataala, mò tuisi piɔɔ o telen ndɔɔ o lɛŋnde niaalen coo, le valta niaa vanin tosaa lan duaa dɔvɔɔ. La dɔndanin vanaa-mangalaa-isɔaa bɔɔ-bɔɔ ɲɔɔn, kɛ niaa cuenin dɔndɔ le.

Misee 7:7

«Kɛ ya, o Mɛlɛka lo kínɛí ya nɔ hɔlla ni, Hala nɔ cinda nuu o ba-o ya tiindan ni, ndu Hala nuu tuɛinin ya diom mò mulul-la.

Amɔs 4:7

Ndóò lo vɔ paangon mún yáá le telen koavaa tiiyaa, mí tuŋ niaa piɔɔ. Mí tuisi piɔɔ o kobio o pilɛ coo, mí kɛɛ le ndu tuisio o kobio pilɔɔ coo. Mó sia o ciɛi pilɛ coo, kɛ o se o ciɛi pílɛi coo le, mí ɲɛm ndáà váá o ciɛi ken nin-ndon vesan a valoo.

Yeremi 10:13

O cua dɔ́ɔ́ pɛ sondoo, mɛnndan ma cuungian o halataala, coocoo piimiaa kɔɔli-kɔɔli, ɲɔɔ kandu dɔ́ɔ́ volio le piɔɔ tuisio, hoeiye cɛn hɔŋndo.

Esai 30:18

O va bɛɛ lende, Mɛlɛka co telenndo cumndo le niaa kɛndɛi tosallo, o cannin mò tuinun niaa iɲíí, kani Mɛlɛka ndu, Hala sandaa o co ni. Dɛnɛ kɛndɔɔ co le vanaa nɔ kɔlkɛsiaa o ndu nin-nda kpede!

Condii lisai 147:8

Ndu kumbu piɔɔ-volia o halataalaa coo ni, mò toosiaa piɔɔ le lɛŋnden pɔɔliaa, mò tosa mì billo vil o pembon coo.

Condii lisai 27:14

Lelan, tiindan Mɛlɛka. Sim yili, ma luei yoomuan, tiindan Mɛlɛka.

Condii lisai 25:3

Vanaa tiindan nɔm-nda kpow, o kɛ́-kɛ̀ siɛmbula biinin te. Kɛ vanaa co nɔm dúmbóó yiiyo-a siɛmbulan la biinin ni, mà lo bala fondo.

SƐBƐ YƆB-O 5:10

Ndu tuisì piɔɔ o lɛŋnden coo ni, ndu koni tuisì vɛlɛ mɛnndan le ciɛɔn pɔɔliaa ni.

1Masaa 18:1

Telen vilɛi hiovɔɔ o kon kɔɔli, mí sɔɛi Mɛlɛka-e dimulun Elii o vɔsi yàándɔɔ nin aa: «Kɔ, mà kɔ cɔmnun masaa Akab, kani i co hunɔɔ piɔɔ tuisi o lɛŋnden coo.»

1Masaa 8:36

mulul nda nɛɛ n co o halataala-a, ma mal vanaa nɔmaa baalaa a yungu nɔmndo haki, Israɛlla pɛɛn, mà cɔm nda nɛi nda bɛnda le kelaa coo-o. O kon kɔɔli, a tuisi piɔɔ o lɛŋnde nɔmnden coo, lɛŋnde n ke len vanaa nɔmnda kɛ́ɔ len pɛɛn.

Matie 5:45

O kon, la vanin cuavaa fuɲa niaa co o halataala-o-a. Kani o soli paalen le vanaa vɔɔnda a le vanaa kɛndɛa, mó tuisi piɔɔ le vanaa sandaa a le vanaa sendu le-a.

Yeremi 5:12

A soo sɔɔn lacòòvan a Mɛlɛka o kɔɔ, a co dimio aa: «Mɛlɛka co le! Dɛnɛ palaa kɛ́-kɛ̀ komalnin naa le, cɔw hinulnin naa le, yima biinin naa le.

Yeremi 10:3

Kani ɲɛ fondoo fúú naamula vanndacieea la co ni. A kelu pɛ yɔmndo o bundɔɔ nin, vana caa baala labaa-o tosa ndu baala a cuei,

Osee 2:7

Kala nda luɛi suundaa. Kala solin nda o ipulu-o tuisin siɛmbulan. O dimi aa: ‹I co lakɔ sámáá nia kɔɔli, nda co ya ɲɛdiaa nuu, mɛmma nian, kola ni toosian a yiiŋii saa-o, kola keese nuu, cuɛima nian a ɲɛm ya kol-lon yɔngoo ni.›

SƐBƐ YƆB-O 28:26

telen o va piɔɔ pɛɛngulan hendullo-o, boondii o toosiaa nɛiyo le piɔɔ deŋia-e,

Yeremi 10:12

A kpaaya ndɔɔ Mɛlɛka cɔw lɛŋnden ni, a kɔlkalu ndɔɔ o kila ceendo ni, a dɛnɛ sinaa ndɔɔ o pɛngɛla lɛŋnden ni.

Misee 5:6

«Cuavaa tɔ̀a lonin yoomu o polale Yakɔb len coo-a, a vanin vanaa-mangalaa-isɔɔa kunda bɛndoo tɛɛn-nda, a vanin maa mɔ́m fula o Mɛlɛka lo-o, mɛɛ piɔɔ sia o billo coo yɛ, o cel vanaciee cum too, o tiindan vanaciee kɛ́-kɛ̀ loo.