Yeremi 14:21 - BII BILA

²¹ Le tɔ́ɔ́ nɔm kɛndɔɔ, soli kpɛŋɛ nɔm lemasa a biilu bɛndoo o baa nin te. Yiyan, kialu kpema nɔmndo a naa le!

Yeremi 14:21 Referans Kwoze

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.

Condii lisai 106:45

mó yiyan le kpema ndóò yiilu nda-o. Le tùú o kaola nda taw-vo, mó mangala tuu ndóò tuu kon-ndo,

Yeremi 3:17

O telen kon, vannda vanin Yerusalɛm veeloo aa: ‹Kpɛŋɛ lemasa Mɛlɛka-o›. Vanaa-mangalaa-isɔɔa kpow cuungiannin ndon o diola ya Mɛlɛka lan. O kon a tosa lɛnin yiyannda vɔɔn kɔlta ndalan te.

Yeremi 17:12

Kpɛŋɛ lemasaa nɔ biilu bɛndoo-o pum co kabi o tasendɔ, ndu hiow ɲɔɔn kpow ni. Lon cɛi-kola-toandaa diandaa naa co ni.

Dɛnnda cɔɔmuanndan 11:2

Kɛ tongo Cɛi-Hala-o ndu, mɛi ndu lende, tuu ndu le, kani ndu yɔngun vanaa-mangalaa-isɔɔa niɛwnin kobi diandaa o paangon belehiɔɔlu a n'miuun bɛngu-a ni.

Efɛsea 2:7

O kɛndɛi bɛndui o cɔm ken o Yeesu Krista nin-nde nin, ndóò yeema mì ndóò cɔm kɛndɛi ndɔɛi fɛɛn-fɛɛnnde.

Luke 21:24

A diwnin nda a mɔɛi cɔwve, a kɔanin a vanaa tɔ̀a, mà mal nda o kaasolan o lɛŋii vanaa-mangalaa-isɔɔa nin. Yerusalɛm delnin vanaa sina Hala le-a o ba, mà nɛw ndu, háá mì telen kelun le nda-o cuu.»

Luke 1:72

O tuinun fuɲaa naa mamaa iɲíí, mó yiyan le kpema diandaa o yii-yo.

Amɔs 6:8

«Maalii, o co Mɛlɛka-o mɛnan a ndu pila, ɲɛ Mɛlɛka, Hala-Nɔ-Kpaayaa-Kpow-vo dimi-o co hoo ni aa: ‹Yonga cuavaa Yakɔb-a tɛɛmbuu ya kɔllo, i yeema lɛ cɛila ndala lemasalan te. Lelan, i co hunɔɔ kobio Samari a ɲɛm co lenin-ndon malɔɔ yaamɔɔa o ba.

Daniɛl 9:7

Nɔm Maalii, a sandu. Naa vanaa fula Yuda, Yerusalɛm a Israɛl kpow-va, siɛmbulan la bii naa maa o paalen-nden nin. Siɛmbulan la co le naa vanaa co a sɛŋiannda o lɛŋnde nin macɛlu a levil-la. Kani le sandii naa lepɛŋnde, má toaw naa, mí n sɛŋin o lɛŋii ken nin.

Esekiɛl 43:7

Mó dimul-la aa: «Po vanacieo sei, fonda kpɛŋɛ ni lemasaa co nanu ni, fonda ya handunin bɛngula niŋnda nilan coo-o pɛɛn. I vanin icali lecoo cuavaa Israɛlla tɛɛn le fɛɛn a fɛɛn. Cuavaa Israɛlla a masaa ndaa a nɔɔliaa lɛnin diola nila diandaalan a suundiaala ndalan a á masaa ndaa vu-a kumbɔɔ nanu le.

Esekiɛl 39:25

Le hee, nuaa Maalii Hala dimi ni aa: «O laan nin, i minginin cuavaa-imamaa Yakɔk-a co o biyɔɔ nin-nda o nda lo. I tuinunnin cuavaa Israɛl-la kpow iɲíí, kani paŋalaa biinin ya le diola nila diandaalan.

Esekiɛl 24:21

Dimul cuavaa Israɛlla aa nuaa Maalii Hala dimi ni aa: ‹Tofa vɔ, i co fonda diandaa nɔɔliaa, o co kon tosaa, mì la va lisanndo a yoomuan-ndo, o hɔlta niaalan la co kon mɛɛndanndo a kɔlkɛndɔɔ-o, cɛi ni yoomula niaalan la tiindan kon-ndo pɛɛn. Poaa niaa a cuavaa niaa laandua niaa mɛinin-nda a sɔlanin piɔ́mndan o mɔɔn cɔwvon bɛngu.

Cɛɛŋɔnnda Yeremi lan 2:20

Mɛlɛka, tofa vɔ ma ce. Nɛ̀ɛ́-nɛ̀ n tosal-lɛ nin dɛnɛ vaa nuaa? Vɛ̀ɛ̀ ndóò bɛnda pá mì vanlaandua ndáà de cuavaa ndaa nda velu-a? Cuavaa nda kaola haa kaola bɛndoo-a. Vɛ̀ɛ̀ ndóò bɛnda pá mi ndáà diw vanaa-solia-lasálàá a vanaa-tɛɛngaa-diom Hala-a o cɛi-kola-toandaa diandaa Mɛlɛka-o nin?

Cɛɛŋɔnnda Yeremi lan 1:10

Yaamɔɔ handu baa o ɲɛm ndɔn sɔvɛn ndóò nɔ-on kpow coo. Hali vanaa-mangalaa-isɔɔa, à nɔm óò kuuna luɛyɔɔ vanaa nɔmnda tɛɛn-nda, mó ca nda luɛyɔɔ o Cɛi nɔm diandaa nin.

Yeremi 14:19

«Vɛ̀ɛ̀ kɛɔ few-few n kɛɛ Yuda nuaa ni? Vɛ̀ɛ̀ nɛinɔnndo Siɔn nɛinun nin nɔm ni? Le yɛɛ n yɔŋul-lɛ naa yɔŋul singunin too? N va yiyanndo maa n sɔlanin kɔlɲuloo, kɛ dɛnɛ kɛndɛ bɛɛ. N va siongɔɔ kɔl, kɛ yɛlɛma bɛɛ!

Condii lisai 106:40

Le hee, mí Mɛlɛka tambu kɔllo a vanaa ndɔa, mí kɛ́ ndɔɔ kuisin ndu.

Condii lisai 51:11

Faŋa hɔlla o hakila nilan. Vɔɔsuu yɔŋnda nila vɔɔnndan kpow.

Tɔŋ miingua 32:19

Mɛɛ Mɛlɛka ce lende, mó tuulu kɔl a poaa ndɔa a á cuavaa ndɔa laandua.

Tɔŋ lasálàá 26:11

I kɛsinin calta nilan niaa tɛɛn, i nɔnin nɛyɔn niaa le.

Fulaa 32:13

Loonun a vanaa nɔmaa baalaa: Abraham, Isaak a Yakɔb, a n yiilu kpemaa má mɛnalan nda o diola nɔmndan-nda. Kani má dimul nda sindɛ aa: ‹I co cuavaa niaa imamaa kui maa loeon o halataala, i yɔngunin niaa lɛŋnde ya dimi le niaa yɔngoo len mì la loo len kɛ́ɔ le fɛɛn a fɛɛn.›»

1Samiɛl 12:22

Mɛlɛka melnin niaa le few, kani ndu pila siinguu niaa vanaa ndɔa ni. Nduyɛ, o tosa ken le diolan ndɔla bɛndulan.

Condii lisai 25:11

Mɛlɛka, yiyan le diola nɔmndan, mà mal-la haki le tɛɛmbuu nuu, kani o vɔw bɔɔ.

Condii lisai 145:11

Màá a soo a biilu masale nɔmnden o kɔɔ, mà cɔm dɛnnda kpaayala nɔmndan!

Esai 62:6

Nɔm Yerusalɛm, i kɛsi kpalilla o kpakila nɔmndan coo, vanaa kan bɛnda mà mei sondo le few, o va ipala, o va icɔl. Niaa vanaa co Maalii veeloo le loonɔnndo a Yerusalɛm o kɔɔ-a, pɛngi co le niaa le!

Esekiɛl 20:22

Kɛ mí mingi ba nuu, kani mí yiyan le diola nilan, yɔŋii la tambu vanaa-mangalaa-isɔɔa ya va cɔu mí soli Israɛlla o lɛŋnde Esipte len nin-nda o hɔl.