Yeremi 14:2 - BII BILA

² «Vannda Yuda co o mɔnɛi nin, kobila ndalan la co yɛɛvɔɔ dɔwnɔnndo, a co a hɔlaa yiyaa icali lɛŋ. Yerusalɛmnda co koŋullo, mì diom ndaa va kɔlan háá o halataala.

Yeremi 14:2 Referans Kwoze

Esai 3:26

Diola luɛyaala kpakio Siɔn la dɔawnunnin ɲinkon yɛɛvɛ, mì dɛnɛ palaa tol tan coo. Kobi kon tambunin mì vanaa co lenin-nda cal lɛŋ vɔyɔn!»

Yeremi 8:21

Sanga bɛndoo co vanaa nia coo, mɔnɛi co ya o kɔl, diallon n vi ya.

1Samiɛl 5:12

Bondokpaa va vanaa ve vu le-a fulaa, má va koŋullo, mí diom ndaa va helɔɔ háá o halataala di.

Sakari 7:13

Mó dimi aa: Le tùú ya va nda veeloo má kɛɛ le nilan yaŋɔɔ-o, nda bɛɛ a veelunin ya, kɛ i yeŋnin nda lani le. Ya Mɛlɛka-Nɔ-Kpaayaa-Kpow-vo soo nuaa ni.

Yeremi 11:11

Lelan o Mɛlɛka dimi-o co hoo ni aa: ‹I co nda dɛnɛ palaa tuisi coo, a nɔlanin fulaa lebɛngu le. A mɛlinin yeelan o ya lo, kɛ i yeŋnin nda lani le.

Yɔɛl 2:6

Vanaa súúla celen a yɔŋnun nda laci yoloma-yoloma a siòònde. Hɔlla yɔŋnun nda yifidii a siòòŋii bɛnduei.

Yɔɛl 1:10

Ciɛɔn cuu itambu, lɛŋnden le luɛi kɔsɔ, kani maalon tambu, mɔima n'rɛsɛmma sɛnɛiyan ma co lɛ le. Hali cuɛilen tue bɛɛ le co lɛ le.

Osee 4:3

Lelan dɛnɛ palaa toalnin o lɛŋnden nden coo ni. Vanaa vanin icali lenin-nda kpow a ɲawnin. Visia yondoo nin a yowva coocoo bɛɛ a ɲawnin. Hali suvaa co o mɛmma ihɛllan nin-nda co hunɔɔ cuvɔɔ.»

Cɛɛŋɔnnda Yeremi lan 5:10

Yáwvo tuulu nin naa maa tóndó leyin a yima co naa yɛɛvɔɔ dɔvɔɔ-an.

Cɛɛŋɔnnda Yeremi lan 2:9

Mí koŋnda kobi kalaa la deli, mí la luɛi lɛŋ. Mí Mɛlɛka tɛɛmbuu sɔkɔma ndan. Masa ndɔɔ a simlacia ndɔa kpow a co a biyaa vanaa-mangalaa-isɔɔa o ba. Vana-vana co lɛ le vannda tɔŋndo pɛɛkoo le. Hali vanaa-tɛɛngaa-diom Hala-a, a co lɛ levundu cɔ fulaa Mɛlɛka o ba le.

Yeremi 18:22

Màá yeelan la va sɔɛi o la nda lo cɛilan nin, telen n solulnin nda vanaa del vannda coo, mà del nda coo-o! Kani a co bɛɛndianndo le ya biyɔɔ, a cii yaŋɔɔlen handɔɔ ya laci.

Yeremi 12:4

Háá telen kuɛɛ nɛ lɛŋnden le va yɛnin o dɛnɛ palaa nin, mì bil yondoo kpow va o vesɛiyo? Visia yondoa a yowva co cuuo le dɛnɛ vɔɔn vanaa co o lɛŋnden nden nin-nda. Kani a co dimio aa: «Yeremi cinin mɛɛlula naalan te.»

Yeremi 4:28

Lelan le co o mɔnɛi nin ni, mì halataala coocoo piimiaa, kani i cii dimi, lende ya kelu le tosaa ni, mɔnɛi biinin ya le kon tosaa le, i mangalanin diom kon te.»

Esai 33:9

Lɛŋnden le co o sanga bɛndoo nin, le co o mɔnɛi nin, lɛŋnde Liban-nden le lɔngɔlian, le luɛi kɔsɔ, dɛɛlaa Saron siŋnun maa lɛŋnde veselɛi. Yɔmnde caa mì pei cɛɛlun kpow o tàndàá Basan nin a o pembei Karmɛl coo.

Esai 24:7

Mɔima yɛngian ma co a mɔnɛi, kani tumnda n'rɛsɛnndan la luɛi kɔsɔ. Vanaa va a ɲaaloo-a kpow a lo a yeemɛi.

Esai 24:4

«Lɛŋnden le co o dɛnɛ palaa nin, le siɔŋ. Ceendo kpede dɔwnun yɛɛvɛ, simlacia co o lɛŋnden coo-a dɔwnun yɛɛvɛ a lɛŋnden latulu.»

Esai 15:5

Kɔl nuu co yondaa a mɔnɛi biyɔɔ le lɛŋnde Moab len, kani vanaa ndɔa co ɲaanɔnndo ma va kɔnndan Soar, háá Ɛklat-Sɛlisia, a co pembei Luhit helɔɔ a caŋndo, ma va kɔlan o nɛi Hɔrɔnaim-ndo coo a koŋullo kpélén.

Esai 5:7

Nduyɛ, nakɔɔ n'rɛsɛn Mɛlɛka-Nɔ-Kpaayaa-Kpow-vo, ndu co cuavaa Israɛlla ni. Vanpiaandua Yuda, nda co tɔlɔɔ kɛndɛ ndóò kaola taw-vo ni. Mɛlɛka va tiindanndo maa ndáà vanin sakpo, kɛ tofa vɔ, sandii lepɛŋnde i tiw ba-ba fee. O va yiyanndo maa a tosanin dɛnɛ sandaa, kɛ a cua kafalan ma bii o lebol!»

SƐBƐ YƆB-O 34:28

A cɛŋi vana nɔ kpaaya loo, mí diom ndɔɔ hel háá mó komal Hala, mó tuɛi vɛlɛ cɛɛŋɔnnda vanaa bala fondoa.

1Samiɛl 9:16

«Siɔdii a telen vaa nuaa kpafii, i cɔmnin nɔm langbanɔɔ pum, fulaa o polale Bɛnyamɛn-nden nin. Ndu n pɔlanin le siŋnɔnndo masaa vanaa nia coo ni, Israɛlla pɛɛn. Ndu baŋanin nda Filistia o ba ni. Kani i yiyan caŋnda vanaa nia co ya o lani le nda malaa lan.»

Fulaa 2:24

Mɛɛ o tuei nda cɛɛŋɔnndo, mó loonun a kpema o yiilu Abraham, Isaak a Yakɔb-o.

Condii lisai 144:14

Màá a bɛndua naŋ, mà luɛi cuɛiyan! Màá kpakila naalan la buuluu, mì la tɛɛndiaa le! Màá a kɔa lɛ a naa o biyɔɔ nin, mì caŋnda imɔnɔlan la fula naa tɛɛn te!

Esai 24:11

Vannda co yoondiaalan o nɛilan coo le mɔiyan sɔlaa, kani mɔima co lɛ hali ɲɛ-pɔmbɔ le. Kponyo kɔlkɛndɔɔ kpow cuu, ɲaaloo vɔɔsun o lɛŋnden nin few-few.

Yeremi 12:11

A toɲa, a siinguu lɛŋnde len lɛŋnde dɛnɛ palaalen. Le cuu itambu kpede ya o hɔl, le dɔwnun yɛɛvɛ kpede, vana-vana co muli le.»

Yeremi 46:12

Vanaa-mangalaa-isɔɔa tuei siɛmbula tol nɔm-ndan. Kani koŋul nɔmndo tiw nɛɛ-nɛɛka o lɛŋnden coo. Kuubanɔ cɔwvo kundunin kuubanɔ cɔw celen, mà deli latulu nda ŋiɔn kpow.»

Cɛɛŋɔnnda Yeremi lan 2:8

Mí Mɛlɛka ndóò kialu le kpakilan Siɔn koombiaa. Mó toandu yoolen nda laci, o faŋa baa le, háá mó cii nda fɔlɔn diw tɛ́ɛ́. Mó dɔaw kpakilan a ciin cɛiyon yɛɛvɛ, mí la tambu o lepilɔɔ kpow.

Aasee 1:11

I tuisi valoo o lɛŋnden coo, o pembon coo, o ciɛɛn n'mallon coo, o nakɔla n'rɛsɛnndan coo, o nakɔla olivieelan coo a o tɔlɔɔla tɔ̀lan kpede coo, mí tuisi vɛlɛ valoo vanndacieea a cɔlua coo, mí baalala niaalan kpow la va tambei.›»

Yɔɛl 1:11

Vanaa vàá co a mɔnɛi, vanaa tɔalaa n'rɛsɛnnda co ŋɔɔcianndo le maalon a le ɔrse, kani ɲɛ-ɲɛ va o ciɛɔn nin le kovɔɔ, o cuu itambu kpede.

Yɔɛl 1:14

Lelan, la yonda le sumndo biyɔɔ, la veelu vannda le bɔŋan lekaando tosaa. La cuungiaa kaasoŋaa kɔlkalua a vanaa co icali o lɛŋnden nden nin-nda kpow o Cɛi-Mɛlɛka Hala niaa nin, mì la koŋul Mɛlɛka o lani.»