Yeremi 14:19 - BII BILA

¹⁹ «Vɛ̀ɛ̀ kɛɔ few-few n kɛɛ Yuda nuaa ni? Vɛ̀ɛ̀ nɛinɔnndo Siɔn nɛinun nin nɔm ni? Le yɛɛ n yɔŋul-lɛ naa yɔŋul singunin too? N va yiyanndo maa n sɔlanin kɔlɲuloo, kɛ dɛnɛ kɛndɛ bɛɛ. N va siongɔɔ kɔl, kɛ yɛlɛma bɛɛ!

Yeremi 14:19 Referans Kwoze

Cɛɛŋɔnnda Yeremi lan 5:22

Vɛ̀ɛ̀ kɛɔ ko n cii naa nuaa le fɛɛn a fɛɛn ni? Vɛ̀ɛ̀ kɔllo ko n tuuluu a naa nuaa ni ma hiaw ba?»

Yeremi 8:15

Kɔlɲuloo naa n va kɔl ni, kɛ dɛnɛ kɛndɛ kɛ́-kɛ̀ co naa komal te. Siongɔɔ naa n yeema ni, kɛ dɛnɛ palaa sii co hiyanndo ni!

1Tesalonikea 5:3

Telen vannda vanin dimio aa: «Kɔlɲuloo tiw, n co nila ɲulo-o», o telen kon kpeekpei dɛnɛ palaa voolunin nda maa mɛɛ telen vialaa voolu vanalanɔɔ nuaa yɛ ni, a helunnin te.

Yeremi 6:30

A veelu nda aa: ‹Volin vɔɔnndon›, kani kɛɔ Mɛlɛka kɛɛ nda ni.

Yeremi 30:13

Vana-vana co nɔm ahɔl mulul te. A dema boolɔnndan cɛw, kɛ nɔm nɔm, o nɔmndo nɔ makòó le.

Yeremi 15:18

Le yɛɛ nɛ sanga nuu nɔ yɛ lamɛɛlu le? Le yɛɛ nɛ bolin nuu co yɛ danda dɔwnɔn mò sengu le? Vɛ̀ɛ̀ ma siŋnun le ya maa pee pɔmbɔ hui vana-o, ɲin pum a komal mɛnndan ma piaa cá, paale celen a komal ma velan, vana nɔla ndu tiindan te?

Yeremi 12:8

Polale vanaa nia simul-la mɛɛ yàlàá kungulan o bundɔɔ nin yɛ, a co ya pɛɛliaa coo. Lelan, i yeema lɛ nda le.

Condii lisai 78:59

Hala cɔu sɔɔn mun, mó tambu kɔllo, mó kɛɛ Israɛlla few-few.

SƐBƐ YƆB-O 30:26

I va dɛnɛ kɛndɔɔ cumndo, kɛ mí dɛnɛ palaa komal-la, i va ɲɛ-tengaa cumndo, kɛ mí ɲumndan ma tul-la.

Cɛɛŋɔnnda Yeremi lan 4:17

Hɔlta naalan la co sangaa tofaa le mala sɔlannin too cumndo. Cumndo tuŋ naa n va o fondala naala cumulaa lan ni. N sanga vanaa-mangalaa-isɔɔa pum cumndo le naa baŋaa, kɛ a hin te few.

Cɛɛŋɔnnda Yeremi lan 2:13

Yerusalɛm, yɛɛ nɛ ya dimul lɛnin nɔm vɛlɛ? Vana seelun velan dɛnɛ co nɔm coo-o nɛɛ celen te. Vɛ̀ɛ̀ kpeekpei ya ɲɔɔlu yɛnin nɔm, nɔm kobio Siɔn? Kani paw nɔmndo co o bɔɔ maa mɛmma ihɛl, nɛ̀ɛ́-nɛ̀ tiw yɛnin ba nɔm singio?

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

Yeremi 8:22

Vɛ̀ɛ̀ kooma cɛvaa ma co Kalaad le? Vɛ̀ɛ̀ vana dɔavaa ladanda co lɛ lon te? Le yɛɛ nɛ vanaa nia co niko siongɔ̀ɔ̀ sɔla le?

Yeremi 7:29

Mɛlɛka dimi aa: «Kiolun yiinde, mà viow, hel o pembon coo mà cɛɛŋun! Niaa vannda paalen nden hau, niaa tuulu ya kɔllo ni, i yeema lɛ niaa le, i kɛɛ niaa.

Condii lisai 89:38

Mɛɛ paangei co le lɔ́ɔ́-lɔ́ɔ̀ yɛ, lende koni polale len le vanin masalen tosaa ni, kani paangei co sei toɲaa le dɛnnda co tosanndo o yumbuyumboo nin-ndan ni.›

2Dɛnnda lemasalan 36:16

Kɛ Israɛlla saalan kiilaa Hala-a kan te, má pɛɛsa sɔɔn Hala-on, má va vanaa-tɛɛngaa-diom Hala-a mamɔɔ, háá mí Mɛlɛka tuulu kɔllo a Israɛlaa kan, a co kan vanaa ndɔa-a pɛɛn. Ɲɛ-ɲɛ nɔ̀lá kɔltuw kon pɔlul te.

Yeremi 12:7

«I mal cɛi nuu, i faŋa balan o kɛ́ nuu. I mal vanaa yáà kaola haa taw-va yaamɔaa ndaa o ba.

Misee 1:12

Vannda Marɔt nda co ɲiiyaa le dɛnɛ kɛndɛ ndaa. Kani dɛnɛ palaa Mɛlɛka tuisi-o tiiya háá o diola luɛyaalan Yerusalɛm.

Talelan 29:1

Vanndo kindi pɛ nilan, mò kɛɛ le sɔvun nda cɔm ndu-on yɛlɛmaa, o tambu o lepilɔɔ, toosiaa kɛ́-kɛ̀ ve lɛ le ndu le.

Yeremi 30:12

O Mɛlɛka dimi-o co hoo ni aa: «Dɛnɛ palaa nɔmndo nɔ danda le, yɔŋulɔn nɔmndo singu le.

Yeremi 51:5

Kani lɛŋnde ndalen le pɛ a tɛɛmbuula nda tɛɛmbuu a Hala diandaa Israɛlla lan. Kɛ a kon kpede Mɛlɛka mel Israɛlla a Yudaa le, Mɛlɛka-Nɔ-Kpaayaa-Kpow-vo pɛɛn.

Cɛɛŋɔnnda Yeremi lan 2:22

Paale nɔm Mɛlɛka tuulu kɔllo len, má veelu langbaa kalaa vueinannda, ma veelu fulaa o vanaa bula ya-a tɛɛn le ya hinullo maa o paale kafo coo. Cuavaa nia vana-vana helun te, vana-vana lo yoomu le. Cuavaa yáà suili mí kaola taw-va, nda yaamɔɔa cii ya tɛɛmbul ni.»