Yeremi 14:18 - BII BILA

¹⁸ Te i kɔɛ pɛ yondoo nin, vanvílɛ́iya tuŋ ya saalun ni, a cɔwvo co diwvo-a. Te i kɔɛ pɛ ciee, vanvílɛ́iya tuŋ ya ca ni, vanaa-tɛɛngaa-diom Hala-a a vanaa-solia-lasálàá co kelanndo o lɛŋnden nin, ɲɛ-ɲɛ bɛɛ a co bila biyɔɔ le.»

Yeremi 14:18 Referans Kwoze

Esekiɛl 7:15

Cɔwvo vanin o nɛilan coo, nàà n'kɔnyaa a yima fofolan ma vanin o kobio nin! Vana vanin yondoo nin-ndo ndu vunin o mɔɛi cɔwve bɛngu, mì vana vanin o kobio nin-ndo ndu vi a yiaan a á nàà n'kɔnyaa.

Cɛɛŋɔnnda Yeremi lan 1:20

Éé Mɛlɛka! Tofa vɔ dɛnɛ palaa ya co nin-ndo! Niŋndo co ya ŋolɔɔ. Kɔllo laasian ya nin laasi-laasi, kani lekɛ́ndɛi vana nila kaloo ya yɔŋnun ni. Mɔɛi cɔwve ciilu ya cuavaa nia o bɛ́ɛ̀, n co cɛinin vana ca ko aa ciee-piɔ́m ni.

Yeremi 8:10

Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

Yeremi 6:13

Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Tɔŋ miingua 28:36

Mɛlɛka yaanin niaa a masa niaa pila suilinin mò va niaa coo-o latulu o vanaa-mangalaa-isɔaa niaa pila a fuɲaa niaa mamaa sina kabi le-a lo. Lon niaa kɔ sooluunin halaa celen ni, halaa iyɔmnda a halaa lapowva.

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Cɛɛŋɔnnda Yeremi lan 4:9

Vanaa co vuo o mɔɛi cɔwve bɛngu-a co fisa a vanaa co vuo a yiaan-nda. Vanaa co ɲawvo le pɛŋnde baloo-a, balo fula ɲɛm vaan nin-ndo pɛɛn.

Yeremi 23:21

I vim vanaa-tɛɛngaa-diom Hala-a kan te, ma va kɔlan a kiltan. I dimul nda ɲɛ-ɲɛ le, ma va kɔlan sɔɛi a diola nilan o sondo.

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

Esai 28:7

Kɛ nda bɛɛ laasian a mɔiyan kolɔɔ, mɔima nɛyaa-nɛyan ma co nda hɔlla hiŋndo. Kpòkóó dɛnɛ! Vanaa-solia-lasálàá a vanaa-tɛɛngaa-diom Hala-a co siɛɛliaa a mɔima kálà-kálàn o lahɔl tuŋ. Mɔiyan ma cii nda sɔɔsiaa kpede, mɔima nɛyaa-nɛyan ma cii nda mingi talaka-talaka. A co laasianndo o vunduan cɔu nin, a co kuuviaa o yaman kiolɔɔ nin.

Tɔŋ miingua 28:64

Mɛlɛka saŋnin niaa o vanaa-mangalaa-isɔaa celen tɛɛn, kandɔɔ nɛɛ lɛŋnden le mɛɛlu-a kɔ bii háá nɛɛ le mɛɛlu kpengei pilɛi-ya. Lon niaa sooluunin halaa celen ni, a fuɲaa niaa mamaa a niaa pila sina le-a: halaa lapowva a halaa iyɔmnda.

Esai 22:2

Nɔm kobi vɔkɔ-vɔkɔ bɛndoo co hoo nin-ndo, nɔm kobi bɔɔluu kɔlkɛndɛ bɛndoo co hoo nin-ndo, vanaa vunin o vanaa nɔmnda tɛɛn-nda, a vinin o mɔɛi cɔw bɛngu le, a vinin vɛlɛ o cɔw nin te.

Yeremi 6:25

La kɔa o yondolan nin te, la fula o nɛilan coo le, kani yaamɔɔ co lon a mɔɛi cɔwve o ba, siòònde bii vannda taw nɛɛ-nɛɛ ka.»

Amɔs 4:6

Ya Mɛlɛka yɛ, mí tuŋ niaa ɲɛdiaa, mí la lo sondola fondo o kobila niaalan nin, mí tuisi niaa yima fofolan coo o calta niaalan kpede. Kɛ a kon kpow, la mùùngú ya o ibuŋ te. Ya Mɛlɛka soo nuaa ni.

Cɛɛŋɔnnda Yeremi lan 2:19

Cɔn ma lɔl yondaa pii. Tɔɔnun kɔl cɛ́kɛ́lɛ́ Mɛlɛka o hɔl. Heelu balan o ndu lo mà piɛi ndu le cuavaa nɔmaa co vuo o nɛilan coo a yiaan-nda.