Yeremi 14:15 - BII BILA

¹⁵ Lelan o ya Mɛlɛka dimi a vanaa-tɛɛngaa-diom Hala-a kan-ndo co hoo ni, i vim nda le, kɛ ma va dimio aa o diola nilan nda co sɔɛi ni maa cɔw lueinin te, yima venin o lɛŋnden nden nin te. Nduyɛ, cɔwvo a yiaan ma co nda cii kpow ni.

Yeremi 14:15 Referans Kwoze

Esekiɛl 14:10

Lende dɛnɛ palaa toalnin nda coo le yɔŋ vɔɔn ndaa ni. Mɛɛ dɛnɛ vɔɔn vana-tɛɛngaa-diom Hala-o vanin yɛ, lende koni dɛnɛ vɔɔn vana hin kon o ndu lo le ndu ɲunaa-o vanin ni.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Amɔs 7:17

Lelan, tuei-yɔ sɔɛi Mɛlɛka dimi-e: ‹Laa nɔm luɛinin o suundaa o kobio ho nin. Poaa nɔmnda a cuavaa nɔmaa laandua cɛɛlunnin a vílɛ́iya o mɔɛi cɔwve bɛngu. Yondola nɔmndan la piɔwnunnin a yoolen. Nɔm pila vunin o lɛŋnde nɔɔlɛilen coo. Vannda biinin cuavaa Israɛlla mà kɔɛ a nda o cɛlen nin lɛŋnde ndalen levil pɔ́-pɔ́!›»

Yeremi 20:6

Nduyɛ nɔm Pasur a vanaa co o nɔm ndo cɛinin-nda kpow, la kɔanin o biyɔɔ nin. A tiiya pɛ Babilɔn, lon n co lakɔ vu ni, mà kumbu nɔm lon, lende koni ya tosanin vɛlɛ a caaŋaa nɔmaa n va diom hala lacòòva kon dimullo-a ni.›»

Yeremi 8:12

Siɛmbulan láà bɛnda mì láà bii nda le dɛnnda nɔɔlɛila nda co tosaa lan. Kɛ siɛmbulen bɛɛ le co nda le, a kɛɛ lan pɛ. Lelan a delnin nda vanaa bɛnda le delɔɔ-a latulu, a boŋnin mà del o telen ya lɔanin nda-o». Sɔɛi fula ya Mɛlɛka o sondo-e co ken ni.

Yeremi 6:15

Mí siɛmbulan la bii pá nda a kela nda nɔɔlɛi kon? Kɛì-kɛì bɛɛ! Siɛmbulen bɛɛ le bii nda a kon kpow le, a sina bɛɛ maa a tosa dɛnɛ vɔɔn te. Lelan mí Mɛlɛka dimi aa: A delnin latulu nda vanaa co delɔɔ-a, nda pila cannunnin lɛŋ o telen ya mululunnin nda-o.

1Masaa 22:25

Mí Misee mulul ndu aa: «A biinin sɔɔn mun bila telen n vanin vinivininndo o cɛilan nin-ndo.»

Yeremi 23:30

Lelan, sɔɛi fula Mɛlɛka o sondo-e co hee ni aa: «I co vanaa-tɛɛngaa-diom Hala-a co sɔɛi nii yɛlɛmaa-a ciŋilan.»

Yeremi 27:15

Mɛlɛka dimi aa: ‹I vim nda le. A co dimio aa o diola nilan nda co sɔɛi ni, kɛ còòlan fúú nda co dimio ni. Te la yaŋ pɛ nda nilan, i co niaa tovɔɔ mì la kɔ vu niaa vana-tɛɛngaa-diom Hala-a co niaa kan sɔɔn vaa siɔdii dimullo-a latulu.›»

Cɛɛŋɔnnda Yeremi lan 1:19

I veelu vanáà yeema ya paandu-a, kɛ má hui ya. Mí vanaa-solia-lasálàà nia a vanaa nia silaa cuu vu o kobio nin, le ɲɛdiaa nuwviaa haliko mi ndáà lo yoomu.

Cɛɛŋɔnnda Yeremi lan 2:20

Mɛlɛka, tofa vɔ ma ce. Nɛ̀ɛ́-nɛ̀ n tosal-lɛ nin dɛnɛ vaa nuaa? Vɛ̀ɛ̀ ndóò bɛnda pá mì vanlaandua ndáà de cuavaa ndaa nda velu-a? Cuavaa nda kaola haa kaola bɛndoo-a. Vɛ̀ɛ̀ ndóò bɛnda pá mi ndáà diw vanaa-solia-lasálàá a vanaa-tɛɛngaa-diom Hala-a o cɛi-kola-toandaa diandaa Mɛlɛka-o nin?

Esekiɛl 13:14

I pesipesinin kpaki niaa yikpa-o, mò komba lɛŋ vuluvulu. Fonda o kilan coo-o fulanin ceen. Kpaki kon kombanin mì niaa vi o bémbélan bɛngu. O kon niaa sinanin ni maa ya co Mɛlɛka ni.

Esekiɛl 14:9

Te vana-tɛɛngaa-diom Hala-o malnun pɛ ndu o ba, mò dimul vana kon lediom, mɛɛ ya Mɛlɛka hiŋnin vana kon hɔlla ni. I soaŋnin ndu, mì ɲumi ndu vanaa nia Israɛlla tɛɛn.

Misee 3:5

«Ɲɛ Mɛlɛka dimi le vanaa-tɛɛngaa-diom halaa lacòòvaa co vanaa ndɔa laasiaa-a-o co hoo ni: ‹Te vana ke nda dɔ́ɔ́ pɛ ɲɛ nda miaanun-ndo, à dimi yoongu kɔlɲuloo. Kɛ te vana ke nda mel nda ɲɛdiaa o sondo le, à ciŋilan vana kon a sɛɛngianndo.›

Tɔŋ miingua 18:20

Kɛ te vana-tɛɛngaa-diom Hala-o pum tɔɔndan pɛ mò dimi yoongu ya vim ndu dimi loo o diola nilan, te kon te mò soo o diola halaa celennda, o bɛnda mò sɔla piɔ́mndo.›

Yeremi 8:13

Mí Mɛlɛka dimi aa: «I yeema mi cii a nda, rɛsɛŋun ve lɛnin o rɛsɛn tumndo coo le, buumbun ve lɛnin o vosu tumndo coo le, pei simbulunnin, ɲɛ yáà ke nda-o hialunnin nda.»

Esekiɛl 13:9

Ba nuu tisanin vanaa-tɛɛngaa-diom Hala-a co vunduma lacòòvan tɛɛnguuo a sɔɔn lacòòvan dimio-a coo cili. A venin o cuungian vanaa niaa coo le, diola ndalan la sɛvannin o diola cuavaa Israɛlla coo le, a tiiyanin o lɛŋnde Israɛl-ten nin di le. O kon niaa sinanin ni maa ya co Maalii ni, Mɛlɛka pɛɛn.

Esekiɛl 13:15

Kɔltuw nuu coŋnin o kpakio coo, mò hulun vanaa yikpa ndu-a coo. O kon i dimulnin niaa aa: ‹Kpakio co lɛ le. Vanaa va ndu yikpaa-a, o pilɛ bɛɛ co lɛ le.

Esekiɛl 33:6

Kɛ te kpalilnɔ kon ndu ce pɛ cɔwvo hunɔɔ, mò hɔŋ buloo le, te vannda tui yoongu kon te, mì cɔwvo luɛi, mì vanndo pum vi o cɔw kon nin, vana vi kon-ndo sɔlanin piɔ́mndo le tɛɛmbuu ndɔ ndu pila-o, kɛ i heelunin sɔɛi piɔ́m ndɔɔ kpalilnɔ kon o lebol.