Yeremi 14:14 - BII BILA

¹⁴ Mí Mɛlɛka mulul-la aa: «Vanaa-tɛɛngaa-diom Hala-a kan co dimio aa o diola nilan nda co sɔɛi ni. Còòlan fúú. O co ya le vem nda le, i dimul nda ɲɛ-ɲɛ le, sɔɔn fondon fúú nda co dimio a siɔdii lacio o kɔɔ ni, sɔɔn nda pila toosiaa le vannda palaa-on daama ni.

Yeremi 14:14 Referans Kwoze

Esekiɛl 12:24

Kani vundule lacòòvale ve lɛnin te, vana vim ndɛnin yava o cuavaa Israɛlla tɛɛn te.

Yeremi 29:31

«Yɔŋ vanaa co o biyɔɔ nin-nda yoongoo aa o Mɛlɛka dimi a Semaya fula Nehelam-ndo co hoo ni: o co niaa siɔdii lacio dimullo, kɛ i vim ndu le, mò va niaa còòlan peiyo,

Cɛɛŋɔnnda Yeremi lan 2:14

Vunduma fondoan a còòlan daama vanaa-tɛɛngaa-diom Hala-a nɔmnda tɛɛngul nɔm ni. A cɔm nɔm haki nɔmndo vakpa haliko ma faŋa nɔm cɛlen kuee le. Còòlan sii nda pila toosiaa le nɔm huiyo ni.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Esekiɛl 21:29

Le hee, la tuei-yɔ diom Maalii dimi-o, Mɛlɛka pɛɛn: ‹Le tùú niaa yiyalan ya tɛɛmbuu niaa, mí la soli hakila niaalan ceen-ndo, le tùú niaa cɔm yɔŋnda vɔɔnda niaalan kpendekele o dɛnnda niaalan kpow nin-ndo, le tùú niaa pila yɔngu vannda yiyanndo a hakila lan o kɔɔ-o, la co ndu delɔɔ o ba mò bii niaa.

1Timote 4:2

A delnin vanaa muuluannda a vanaa lacòòvaa kɔɔli, mà laasian. Vanaa kan yɛ, yiyannda ndalan la co maa mɛɛ ciliŋii tuwve i tɛɛmbuu ɲɔɔ nuaa yɛ.

Sakari 13:3

Te vanndo hun va nin pɛ diom Hala-o tɛɛnguuo, fuɲa ndɔ a kala ndɔ velu ndu-o dimulnin ndu aa: Piɔ́m nɔmndo tiiya! Kani còòlan n co dimio o diola Mɛlɛka lan nuaa ni. O kon, telen o vanin diom Hala-o tɛɛnguuo-o, fuɲaa nda kala velu ndu-o a cuukuu ndu, a dii ndu.

Sakari 10:2

Kani piɔmaa tongoniŋaa niaa co piɛiyo-a co niaa mulullo a sɔɔn lacòòvan. Mandea co vannda vunduma lacòòvan dimullo, à co lɔma sɔlaama lacòòvan dimio, à co vannda ɲɔɔloo a kpaavɛi. Lelan vannda ha kɔɛnnun a laasianndo ni maa n'cɔlu, a co o mɔnɛi nin maa saa nɔ vana mandaa le-a.

Esekiɛl 13:23

La ci lɛnin vunduma lacòòvama man te. La dimi lɛnin sɔɔn co hunɔɔ yɔŋnɔn-ndon te, i baŋanin yungu nuu niaa o ba. O kon niaa sinanin ni maa ya co Mɛlɛka ni.

Yeremi 37:19

Ɔ́ɔ̀ ba vanaa-tɛɛngaa-diom Hala-a niaa co-o? A va niaa kan dimullo aa: «Masaa Babilɔn hinulnin niaa o lɛŋnden nden nin a cɔwvo le-a pɛɛn.»

Yeremi 29:21

O Mɛlɛka-Nɔ-Kpaayaa-Kpow-vo, Hala Israɛl-lo dimi a Akab po Kolaya-o, a Sedekia po Maaseya-o, a co kan niaa còòlan tɛɛngullo o diola nilan-nda-o co hoo ni: «I mal nda Nebukanɛsar masaa Babilɔn o ba, o lɔanin nda mà vi niaa o hɔl.»

Yeremi 28:15

O kon mí Yeremi dimul vɛlɛ Hanania vana-tɛɛngaa-diom Hala-o aa: «Yaŋnun ɲɛkɛndɛi Hanania! Mɛlɛka vim nɔm te, ɲɛ fondoo fúú n co vannda ha vomɔɔ laalanndo ni.

Yeremi 28:13

«Kɔ dimul Hanania aa: ‹Ɲɛ Mɛlɛka dimi-o co hoo ni aa: mɛɛ n yem yɔm lebol toosian a yɔmndo-o yɛ, a bɛnda ma mingi o icilin-ndo o fonda kon.›»

Esai 9:15

Vanaa co vanaa Hala-a simndan laci-a co nda lueiyo o pɔwlan nin, vanaa co yɛ cɛlɔɔ mi vannda va nda simndan laci-a co nda pila laasianndo.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

Tɔŋ miingua 18:20

Kɛ te vana-tɛɛngaa-diom Hala-o pum tɔɔndan pɛ mò dimi yoongu ya vim ndu dimi loo o diola nilan, te kon te mò soo o diola halaa celennda, o bɛnda mò sɔla piɔ́mndo.›

Esai 56:10

Kpalilaa cumulaa Israɛl, vanaa sumɛiya nda kpow co ni, a bii ɲɛ-ɲɛ bila le. Tunaa boboa kposon nda kpede co ni, a nɔla busɔɔ le, yiyannda lasiɛilan tuŋ la co nda o lakɔl ni, ihini tuŋ nda connun ni, a kaola bɔɔ lɔan dɔɔfɔlɔɔ.

Yeremi 8:11

A co pavii cua nuu pulɔɔ sɔvɛ le, vanaa nia pɛɛn. A co dimio aa: «Kɔlɲuloo, kɔlɲuloo», kɛ kɔlɲulu co le.

Yeremi 20:6

Nduyɛ nɔm Pasur a vanaa co o nɔm ndo cɛinin-nda kpow, la kɔanin o biyɔɔ nin. A tiiya pɛ Babilɔn, lon n co lakɔ vu ni, mà kumbu nɔm lon, lende koni ya tosanin vɛlɛ a caaŋaa nɔmaa n va diom hala lacòòva kon dimullo-a ni.›»

Yeremi 28:11

O kon kɔɔli, mó dimi vanaa va lon-nda kpede o hɔl aa: «Mɛlɛka dimi aa: ‹Lende koni i yɔŋnunin nanu a vɔsila tiɔn ni. I tuisinin vanaa-mangalaa-isɔɔa kpow sangala bɛndulan coo, sanga bɛndu Nebukanɛsar masaa Babilɔn mal nda nin-ndo pɛɛn.›» O kon, mí Yeremi vana-tɛɛngaa-diom Hala-o kɔannun.

Cɛɛŋɔnnda Yeremi lan 2:9

Mí koŋnda kobi kalaa la deli, mí la luɛi lɛŋ. Mí Mɛlɛka tɛɛmbuu sɔkɔma ndan. Masa ndɔɔ a simlacia ndɔa kpow a co a biyaa vanaa-mangalaa-isɔɔa o ba. Vana-vana co lɛ le vannda tɔŋndo pɛɛkoo le. Hali vanaa-tɛɛngaa-diom Hala-a, a co lɛ levundu cɔ fulaa Mɛlɛka o ba le.

Yeremi 8:10

Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

Esekiɛl 13:2

«Po vanacieo sei, yondal vanaa-tɛɛngaa-diom Hala-a Israɛlaa co diom Hala-o tɛɛnguuo-a, mà dimul vanaa co diom Hala-o tɛɛnguuo o vunduma nda pila-an nin-nda aa: ‹La yaŋ nilan o sɔɛi Mɛlɛka-e.