Yeremi 13:27 - BII BILA

²⁷ I saalun nɔm a tiɔmɔɔ nɔmndo, kuŋnda iyeemala nɔmndan, a suunda nɔm leyulaa o pembun co yondolan nin-ndon coo. Mí ca dɛnnda nɔmnda nɔɔlɛilan. Nɔm Yerusalɛm pɛɛn! Taanin! Lɔ́ɔ́ kuɛɛ kpeekpei n diandu yɛnin?

Yeremi 13:27 Referans Kwoze

Osee 8:5

Éé niaa Samaria! La viow nin naw tova téndé niaa cɔw hoo a sianion-ndo. La tùùlú ya bɔɔ kɔllo nin. Háá lɔ́ɔ́ kuɛɛ niaa lo yɛnin bumbaa le dɛnnda vana yaala niaa coo le lan tosaa?

Esekiɛl 24:13

Nɔm Yerusalɛm, dɛnɛ nɔɔlɛiyo mingi nɔm maa kpɛɛnɛi sɔvɛi, mì yeema le nɔm dindio kɛ a cɛl te pɛ! Lelan a sɔla lɛnin dindio a dɛnɛ nɔm nɔɔlɛiyo le, háá mì cii kɔltuw nuu cuiŋi nɔm coo.

Esekiɛl 6:13

O kon la sinanin maa ya co Mɛlɛka ni. La sinanin ken pɛɛngu lɔ́ɔ́ vanaa vunin niaa tɛɛn-nda vanin piɔmaa ndaa o hɔl, o máánnda ndalan balɔɔ pindo, o yɔmii puiyɛi kpow a o bɔɔla yɔmii sɛɛnila yukɔnndan kpow bɛngu-o. A vanin a vílɛ́iya nɛɛ ndáà lum piɔmaa ndaa kpow lasikɔlɔma cun kɛndɛan-nda.

Esai 65:7

dɛnɛ biondɔnnda ndalan pɛɛn. Lende Mɛlɛka dimi ni. I tofanin vɛlɛ dɛnɛ biondɔnnda fuɲaa niaa lenin, fuɲa niaa lom lasikɔlɔ ansan o pembei coo-a, a tɛɛmbuu ya bɛ̀ɛ̀lan o pembun pɔmbɔn coo-a. I tuunin sala ndaa kpafii mɛɛ dɛnnda ndalan la yɔŋnun paandu yɛ.

Osee 4:2

Fɔ mɛɛniaalan, còòlan, vannda diwvo, vuilen a suundaa daama co nin tosanndo o lɛŋnden nden nin ni. Kɔlvesɛiyo co hiovɔɔ laci a kuiyo, a co vanndacieea diwvo a labɛɛla tuŋ-tuŋ.

Esekiɛl 36:37

Nuaa Maalii Hala dimi ni aa: «I cɛlnin vɛlɛ mì cuavaa Israɛlla piɛi ya le nda dɛnɛ kɛndɔɔ tosallo. I vangalanin vanndacieea ndaa maa kunda n'cɔlu.

Talelan 1:22

‹Éé niaa vanaa bii haa dɛnɛ bila le-a! Mì la lo vɔ sina lepɛŋndo ho kaolaa háá lɔ́ɔ́ kuɛɛ nɛ? Niaa vanaa mamɔɔ tɛɛndannda yɛ, mì la lo vɔ mamɔɔ tɛɛndanndo ho háá lɔ́ɔ́ kuɛɛ nɛ? Kpòkóó niaa diɔmaa soondo vesɛiya ha! Háá lɔ́ɔ́ kuɛɛ niaa bɛɛ lo yɛnin dɛnɛ sinaa pɛɛsaa nuaa tuŋ?

Dɛnnda cɔɔmuanndan 8:13

Mí mɛɛndan, mí tuɛi kovɛɔ cɔnɔnndo coocoo o halataalaa tɛɛn, mó va yondaa coocoo aa: «Dɛnɛ palaa, dɛnɛ palaa, dɛnɛ palaa co vanndacieea co o lɛŋnden coo-a cum, telen mɛlɛkaa yáá-a hɔŋnin bulula ndalan-ndo pɛɛn.»

Nsaki 4:4

Éé niaa vanaa laasiannda ha! Vɛ̀ɛ̀ la co sina le maa, yeemɛi ceendo ho i siinguu vana yaamɔɔ Hala-o ni? Lelan, vana yeema pɛ le vaa caaŋoo ceendo, ndu siŋnun yaamɔɔ Hala-o.

2Korɛntea 12:21

I co buulanndo, lɔ́ɔ́ ya kɔanin vɛlɛ niaa yilɔɔ-o, mì Hala tosa mì siɛmbulan la bii ya vɛlɛ le niaa, yɔŋii ya caŋ le vanaa kan, a tosa hakilan o tasendɔ taw, mà va hiovɔɔ laci-a. A kɛɛ kan le dɛnnda nɔɔlɛilan, suundaa a yeemɛi vɔɔnde malɔɔ-a.

2Korɛntea 7:1

Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

Matie 11:21

«Dɛnɛ palaa co le nɔm, nɔm Korasin! Dɛnɛ palaa co le nɔm, nɔm Bɛtsaida! Kani te dɛnnda kaamaala tosan o niaa lo lan láà tosan pɛ Tir a Sidɔn, maa o co lɛhau le ndáà vownun nin volɔɔla biisilan, mì ndáà deli o loolio nin, mì ndáà mangalan te.

Sofoni 3:1

«Ndu kobi delɔɔ coo pɛ hoo nin-ndo, dɛnɛ palaa co ndu cum, kobi vanaa nila kalua a vanaa lakafaa co hoo nin-ndo pɛɛn.

Osee 1:2

Nuaa Mɛlɛka kei a Osee ni mó kandu sɔɛi o vana ndɔa lo. Mí ndu Mɛlɛka dimul Osee aa: «Kɔ yil vanalanɔ suundɛiyo o nɔ̀u nin, cuavaa niaa vialunin niaa ndu-a, cuavaa vanalanɔ suundɛiya nda vanin ni. Kani vannda ha o lɛŋnden nden nin, a luɛi o suunda soolaa n'piɔmndo, má mulul ya Mɛlɛka kɔɔ.»

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Esekiɛl 24:6

Lelan ɲɛ Maalii, o co Mɛlɛka-o co dimio-o co hoo ni aa: «Dɛnɛ palaa co le kobi diyaa n'vanndo ho, kpɛɛnɛi pɛ a ɲɛ sɔvɛiyo-e o co ni, sɔva ndɔ kon faŋan ndi. Vannda sooluunin visin n'kpungban lenin n'pilɛn-pilɛnndon, kɛ o venin a lesion malɔɔ le.

Esekiɛl 20:28

Kani mí luei nda o lɛŋnde yáà heelu baa coocoo mí yáà mɛnan le nda yɔngoo len nin. Kɛ nɛɛ-nɛɛ nda ce pembii vilɛiye a yɔm puiyaa lenin, má kɔ soli sálàlan ndon, má cucu kpeyannda lan ndon, má soli sálàlan a lasikɔlɔ cun kɛndɔɔ lon, má taaliaa sálàla mamɔilan ndon le ya kɔllo tuuloo.

Esekiɛl 2:10

Mó timbi sɛbɛ simbulaa kon ya o hɔl, o va o sɛvaa lenin a lekɔɔli. Cɛɛŋɔnndan, ŋɔɔcianndan a somisominndan la va lasɛvaa lecoo ni.

Esai 57:7

O pembii bɛndui vilɛi-vilɛiye coo niaa simi kpele niaa hinia ni, lo niaa co vɛlɛ helɔɔ le sálàlan solio ni.

Condii lisai 94:4

A co sɔɔn yongan dimio, vanaa yɔŋ vɔɔŋaa kan kpow a co kuundianndo.

Yeremi 3:6

O paale masaa Yosia len, mí Mɛlɛka dimul-la aa: «Vɛ̀ɛ̀ a ce pá ɲɛ Israɛl muuluanndo ho tosa-o? O hel o pembon kpow coo, mó kɔa o yɔmii puiyɛi bɛngu, le piɔmnda sooloo.»

Condii lisai 94:8

La caa dɛ, niaa diɔmnda ha. Niaa vanaa kindu ha lakɔl te-a, lɔ́ɔ́ kuɛɛ niaa sɔ̀là yɛnin kɔlkaloo?

Yeremi 11:15

Yɛɛ vana ni ya kaola taw-vo co yɛ hunɔɔ tosa o cɛi nuu nin? O co hiovɔɔ laci tuŋ a dɛnnda vɔɔnndan kuiyo. O nɔ ko o kɔl aa yoei o co baa o ya lo-e a visin sálàn o co ya keo-von n nɔla ndu dɛnɛ palaa cii kuee. O ca kaa ken solinin ndu o dɛnɛ palaa nin ni?

Esekiɛl 16:23

Kpòkóó! Nɔm a kɔndu dɛnɛ fɔ́! A dɔwnun yɛɛvɛ dɛ! Ya Maalii, ya co Mɛlɛka-o soo nuaa ni. O dɛnnda kɔlvesɛila n tosa lan-ndan kɔɔli,

Esekiɛl 24:12

Kɛ kindikindin kon kpow, sanga fondoo koni o co ni, sɔva co o piaa o kpɛɛnɛi ken nin-ndo nɔla mò faŋan a yinnden te.»