Yeremi 13:24 - BII BILA

²⁴ I co niaa sɛŋi maa pui, o hoeyii fula o lɛŋnde veselɛilen nin-nde sɛŋi-o.

Yeremi 13:24 Referans Kwoze

Condii lisai 1:4

Kɛ ɲɔɔ co lende le vanaa kɔlvesɛiya le. Nda nda, maa foeeŋii hoeiye saŋ fásàn-nde nda co ni.

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Osee 13:3

Lelan, a vanin maa mɔ́m idii, maa kɛmma yala vesa cɔ́-cɔ́-an, maa kefun hoeiye kɔandu mí i faŋa mun o kpele lɔaa n'mallo coo-on. A vanin vɛlɛ maa kumii co fulaa o fɛ̀ɛ̀fɛlan-nde.

Esekiɛl 5:12

O niaa tɛɛn, vanndacieea kundaa o pilɛ o kundalan tan yáá coo a vunin a nàà n'kɔnyaa. A ɲawnin mà vesa kokolo a yima fofolan. O niaa tɛɛn, kunda diinndɔɔ o layàálan coo vunin o mɔɛi cɔwve bɛngu o kobio balɔɔ pindo. I saŋnin kunda yàándɔɔ o hoeyun vanin hɔŋndo nɛɛ-nɛɛ ka-on nin, o kon mì tisa nda kɔɔli a mɔɛi cɔwve.

Esekiɛl 5:2

Te palɛi n bɛnda le tosaa o kobio tilaa nin-nde cuu pɛ, a cua yiiŋii ken kundaa o pilɛ o kundalan layàá coo, a lom ndi o yinnde biyaalen nin o kobio tɛɛn. O kon kɔɔli, a cua yiiŋii kunda diinndɔɛi o layàá coo, a balu kobio pindo a ndi kilio a mɔɛi cɔwve. A cii pɛ, a cua niko kunda mɛɛlaa iyiin kon, a saŋ ndu o hoeiye nin. Ya yɛ, i tisanin ndi kɔɔli a mɔɛi cɔwve.

Luke 21:24

A diwnin nda a mɔɛi cɔwve, a kɔanin a vanaa tɔ̀a, mà mal nda o kaasolan o lɛŋii vanaa-mangalaa-isɔɔa nin. Yerusalɛm delnin vanaa sina Hala le-a o ba, mà nɛw ndu, háá mì telen kelun le nda-o cuu.»

Sofoni 2:2

lɔ́ɔ́ pá mì sɔɛi fula masa bɛndoo o sondo-e dimin, mì paalen le hiow mɛɛ foeende hiaw o hoeiye nin nuaa yɛ. Là cùm háá mì kɔltuw bɛndu Mɛlɛka-o tol niaa coo le, là cùm mì paale kɔltuwle Mɛlɛka len le komal niaa le.

Esekiɛl 17:21

Vanaa ndɔa cɔwva vanin ɲaanɔnndo le sɔɔndianndo-a delinin o mɔɛi cɔwve bɛngu, a tɔ̀a lonin yoomu-a a sɛŋinnin nɛɛ-nɛɛ ka. O kon niaa sinanin ni maa ya Mɛlɛka soo ni.»

Esekiɛl 6:8

Kɛ i mɛinin vanaa pum yoomu o niaa tɛɛn, vanaa hialunnin mɔɛi cɔwve, mà lo yoomu-a pɛɛn. I sɛŋinin nda o lɛŋii isumualle tɛɛn.

Esai 41:16

La hɛinin mun mì hoeiye kɔndu mun, mì hoeyii felenfelennde saŋ mun fásàn. Kɛ niaa, la dɔawnunnin ɲaale o Mɛlɛka nin, la biilu O-Diandaa Israɛlla.

Esai 17:13

Vanaa-mangalaa-isɔɔa a co tombolaa, ivóólun-vóólunnde mɛɛ mɛmma bɛnduan ma soli diomndo nuaa yɛ. Kɛ Mɛlɛka vueinun nda ma ɲaanun polon. A sɛŋin mɛɛ hoeyii fula o pembei coo-e saŋ foeende nuaa yɛ, mɛɛ hoeyii felenfelennde saŋ cundoo nuaa yɛ.

Tɔŋ miingua 32:26

Mí dimi aa i yeema mì saŋ nda fásàn. I yeema mì ɲumi diola ndalan vanndacieea tɛɛn.

Tɔŋ miingua 28:64

Mɛlɛka saŋnin niaa o vanaa-mangalaa-isɔaa celen tɛɛn, kandɔɔ nɛɛ lɛŋnden le mɛɛlu-a kɔ bii háá nɛɛ le mɛɛlu kpengei pilɛi-ya. Lon niaa sooluunin halaa celen ni, a fuɲaa niaa mamaa a niaa pila sina le-a: halaa lapowva a halaa iyɔmnda.

Tɔŋ miingua 4:27

Mɛlɛka saŋnin niaa vanaa-mangalaa-isɔaa celen tɛɛn, mì la lo vuo háá mì la dɔɔnan vanaa kan tɛɛn, à Mɛlɛka yaanin niaa tɛɛn a paa-kala-a pɛɛn.

Yeremi 9:16

O Mɛlɛka-Nɔ-Kpaayaa-Kpow-vo dimi-o co hoo ni aa: «La keela kɔllo mì la veelu vanlaandua caa caŋndo-a, mì la dimul nda mà hin. La yɔɔ kiilaa vanaa hiow caŋndo caa-a kɔɔli, mà hin.

Yeremi 18:17

Yaamɔa va pɛ vanaa nia hinullo, i puusiaanin nda mɛɛ hoeyii fula a ba paalen le can-ndo-e i sɛŋi cundoo yɛ. O paale ndale dɛnɛ palaalen coo, i mululnin nda kɔɔ, yɔŋii ya mulul nda hɔlla.»

Cɛɛŋɔnnda Yeremi lan 1:15

Maalii cii vanaa cɔvaa nia kpow kɛɛ, vanaa cɔvaa va ya ikɛi-ya pɛɛn. O cuungiaa vanaa cowva le ya ciŋilanndo, le langbaa felengia ya nɔ-a ciimiaa. Maalii vayia ya, ya Siɔn kɛndɛ-kɛndɔɔ, mɛɛ vana vayia rɛsɛnndon o doola nin yɛ.