Yeremi 13:23 - BII BILA

²³ Vɛ̀ɛ̀ Etiopiinɔɔ nɔla divɔ̀ɔ̀ yáw ndɔɔ mangala? Vɛ̀ɛ̀ tambillo nɔla pá pooɲia yáw ndɔɔ mangala? Lende koni o co ni, la hiw nin dɛlio a dɛnɛ vɔɔndo, la tiw lɛ ba mulinndo mi la tosa dɛnɛ kɛndɔɔ le.

Yeremi 13:23 Referans Kwoze

Yeremi 2:22

Hali pulun bɛɛ a sodaa mà vownun sɛnndan coo taw, haki nɔmndo faŋannin te. O vanin ya o hɔl kpendekele. Ya Maalii, ya co Mɛlɛka-o soo nuaa ni.

Yeremi 9:5

Dɛnnda vɔɔnndan tuŋ nda co hiyanndo tosaa ni, còòlan keiyo dimio má hiaw, a kɛɛ le ya Mɛlɛka sinaa pɛ!» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.

Yeremi 17:9

Ɲɛ-ɲɛ hui vana maa kɔl vanacieo le. Vana nɔla ndu singio le, vana nɔla ndu bɛɛ bila biyɔɔ le.

Yeremi 5:3

Mɛlɛka, vɛ̀ɛ̀ o co dɛnɛ sandaa le n yeema le? A cii nda lɔɔ, kɛ a co sinan te. Má tuu le nda ciiyo kpede, a tui silala nɔmndan te. Má kindi bolle a nɔm hiovɔɔ bandíláà coo, má kɛɛ le mangalanndo pɛ!

Yeremi 2:30

I diw poaa niaa, kɛ sangan fondo fúú, kani a bii sila nuu le. Mí la diw vanaa-tɛɛngaa-diom Hala-a niaa maa yàlàá kɔltuw.

Esai 1:5

Mɛɛ niaa co hiovɔɔ laci a nila kalulan tosaa yɛ, sangala yɛɛ ya tuisi yɛnin vɛlɛ niaa coo kpeekpei? Kani bolle niaalen kpede le co a nàá, kɔllo bɛɛ co niaa nɛiyo.

Talelan 27:22

Vana cu bɛɛ diɔm sondo vesɛiyo o ciei nin mɛɛ vana cu kullon a sunndo yɛ, diɔmii ndɔɛi mel ndu le.

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

1Samiɛl 19:21

Mɛɛ vannda kɔ dimul Saul sɔɛi ken, mó viam vɛlɛ kiilaa celen, mí kan bɛɛ kɔ saan diom Hala-o tɛɛnguuo. Mí Saul viam vɛlɛ kiilaa celen o yàándɔɔ, mí kan bɛɛ kɔ saan diom Hala-o tɛɛnguuo.

2Masaa 17:40

Kɛ mí vanaa kan a kɛɛ le sɔɛi ken biyɔɔ, má va hiovɔɔ laci a kelaa o naamula ndala paandulan coo.

Vana Kɔlkaloo 1:15

Ɲɛ co o tundanndo-o nɔla siɛndinndo le, vana nɔla ɲɛ co loo cɔmndo le.