Yeremi 13:22 - BII BILA

²² O kon a ɲunannin aa: ‹Ko le yɛɛ nɛ kpeekpei dɛnɔɔ ho tosan yɛ ya?› Taa ce pɛ mì vannda kpeeŋa doma nɔm bɛndoo, taa ce pɛ mà kpuva nɔm, mɛɛ le hakila n tosa sɛ́lɛ́ bɛndoo taw lan ni.

Yeremi 13:22 Referans Kwoze

Nahum 3:5

Diom Mɛlɛka-Nɔ-Kpaayaa-Kpow-vo dimi-o co hoo ni aa: ‹Má cè ya nɔm kuello! I co bɔɔla doma nɔm bɛndoo heelu nɔm o hɔl, mì soli tun fondo nɔmndo vanaa-mangalaa-isɔɔa o hɔl, mì tɛɛmbuu nɔm bɛɛlan masɛi o hɔl.

Yeremi 5:19

O kon taa ɲuna pɛ aa: ‹Le yɛɛ Mɛlɛka Hala naa tosal lɛ naa nuaa?› nɔm Yeremi, a mulul nda aa: ‹Le kɛɛ niaa kɛɛ ndu mí la sooluu halaa celennda o lɛŋnde ndalen nin, mí la va mialla baalaa tosallo o lɛŋnde isumialten nin-ndo ni.›»

Osee 2:10

O ve sina maa ya le va ndu maalon, mɔima sɛnɛiyan a cuɛiyan yɔngoo le. Ya va ndu vɛlɛ volion a sianion yɔngoo ni, kɛ mó tosa baalaa a mun le piɔmndo Baal.

Cɛɛŋɔnnda Yeremi lan 1:8

Yerusalɛm vangala hakila ndɔlan taw, lelan o siŋnun ɲɛ nɔɔlɛiyo ni. Vanaa va ndu bɛɛlen keo-va kpow a kelun ndu yii le tùú nda ce ndu tum fondo-o. Ndu pila co ŋɔɔcanndo mó va hɔlla vionɔɔ.

Yeremi 13:26

Lelan ya bɛɛ, i co nɔm domaa heelu háá o lebol, mì vannda ce nɔm tum fondo kpendekele.

Tɔŋ miingua 7:17

Bɔɔle la diminin aa: ‹Vanaa-mangalaa-isɔaa kan hiow naa vaa sɛ́lɛ́, vɛ̀ɛ̀ naa n nɔla yɛnin mi n hɛlu lɛŋnden nda o ba?›

Esai 3:17

Ya Mɛlɛka, i co nda tembeltan sendi, mì soli nda tumnda fondo fúú!

Sofoni 1:12

Paale len, i balunin Yerusalɛm mɛɛndianndo a tɛngɛla leyinndan. I co vanaa kɛɛ le kpeŋanndo ma vannun yili, mɛɛ kììyo cal o mɔiyan bɛngu nuaa yɛ-a soŋɔ̀ɔ̀ soŋɔ̀ɔ́ pila. Kani a co dimio aa: Mɛlɛka nɔla ɲɛ-ɲɛ tosa le, o va dɛnɛ kɛndɛ, o va o vɔɔn.

Osee 12:8

Ya Mɛlɛka dimi aa: ‹Cuavaa-imamaa Efraim-nda nɔ ɲɛla tuvaala lakafalan o laba maa yulaa Kanaan, a yeema bɔɔ kafalan.›

Osee 2:3

Lelan, la veelu puapilɛa niaa aa Ammi (kon co dimio ni aa «Yungu nuu»), mì la veelu yemaa niaa aa Ruhama (kon co dimio ni aa «Kaolaa»).»

Esai 47:8

Lelan, la yaŋ niko nilan, niaa vanaa vannda yeema haa yeema bɛndoo-a, niaa co icali a tiindanndo-a. La co dimio o kɔlta niaalan nin aa: «Naa koni mɛnnde sɔɔ toal o hɔl ni, vana celen co ɲɛ le fɔ naa! N viinin n'laandu, te kon te n'piaandu le, N viinin vɛlɛ n'cuaw le fɛɛn a fɛɛn te!»

Esai 20:4

lende koni masaa Asiri cuanin felengia piaandua a vanaa yuuvɛiya o lɛŋnde Esipte len a o lɛŋnde Etiopii len nin ni, mó kɔɛ a nda o biyɔɔ nin kɔɔle fondo a pelun fondo. O kɔanin a nda tumnda fondo le Esiptea siɛmbulan tuisio.

Tɔŋ miingua 18:21

Bɔɔle la ɲunannin aa: ‹Vɛ̀ɛ̀ naa n sina yɛnin maa yoongoo fula Mɛlɛka o sondo le?›

Tɔŋ miingua 8:17

Lelan, la caa, yɔŋii niaa hun dimi aa: ‹A yoomuma naan a á kpaayaa naa naa n sɔla bolofaa ho kpow ni›.

Yeremi 14:16

Vanaa nda co siɔdii laci kon dimullo-a yɛ, a delinin o nɛilan Yerusalɛm coo a cɔwvo a á yima fofolan. Vana-vana venin le laandaa ndaa, poaa ndaa, te kon te cuavaa ndaa laandua kumbɔɔ le. Lende ya cuiŋinin dɛnɛ nda vɔɔndo nda pila coo ni.

Esekiɛl 23:26

A yunganin nɔm mà soli nɔm ɲɛla n dovin-ndan lekɔɔ.

Osee 2:5

yɔŋii ya yunga ndu, mì mɛi ndu fondo fúú, mɛɛ o va o paale nda velu ndu len coo yɛ. I minginin lɛŋnde ndɔlen lɛŋnde veselɛilen, mì mingi len lɛŋnde mɛmma sɔlan nin te len. O kon mò vi a bolola vesɛilan.