Yeremi 13:21 - BII BILA

²¹ Yɛɛ n dimi yɛnin telen vanaa niaa dɛli-a cannin mà simul nɔm le nɔm kpaayaa sɔlaa coo-o? A sanganin mɛɛ vanalanɔɔ sanga o violɔɔ nuaa yɛ.

Yeremi 13:21 Referans Kwoze

Esai 13:8

Siòònde bii nda taw, ɲɛsuan ma kindun nda mì ɲɔɔ va nda nɛiyo mɛɛ demboo nɛi vanalanɔɔ telen vialaa nuaa yɛ. A co tofanndo vellaa-velle a kɔndɔfillo, hɔlaa ndaa diw vaŋ maa leyin.

Yeremi 4:31

Kani i co caŋndan tueyɔɔ maa caŋnda vanalanɔ co n'vanlaandu o ba, caŋnda imɔnɔlan maa caŋnda vanalanɔ co violɔɔ ivuɛɛn. Vannda Siɔn niaa tuɛi diom lende nuaa ni: a co kuŋndan, a co balan siaandiaa má va dimio aa: «Àá ya, i kɔndu dɛnɛ fɔ́! Mbɔ̀ ya, i nii cuu vanaa diuvaa n'vannda o ba.»

Yeremi 38:22

a kɔanin a vanlaandua co vɔ o cɛi lemasaa Yuda nin-nda kpow o simlacia masaa Babilɔn-ndo, o kon mà solul nɔm condei aa: «Bàà lekɛ́ndɛi nda bii nɔm o mɛnndan nin ni, caaŋaa nɔmaa kan pɛɛn. Nɔm óò ciiyo pelon lueiyo o loolio nin, má kialun nɔm kɔɔli.»

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Esai 10:3

Yɛɛ nɛ niaa tosa yɛnin o paale dɛnɛ palaalen coo? Vɛ̀ɛ̀ niaa yɔŋ yɛnin lɔ́ɔ́ dɛnɛ palaa cannin levil mò tol niaa coo-o? O nɛ̀ɛ́-nɛ̀ lo niaa ɲaanun yɛnin le malaa sɔlaa? Nduyɛ nɛ niaa mɛi yɛnin biilu niaa?

1Tesalonikea 5:3

Telen vannda vanin dimio aa: «Kɔlɲuloo tiw, n co nila ɲulo-o», o telen kon kpeekpei dɛnɛ palaa voolunin nda maa mɛɛ telen vialaa voolu vanalanɔɔ nuaa yɛ ni, a helunnin te.

Esekiɛl 28:9

Vɛ̀ɛ̀ a nɔla vɛlɛ mà dimi vanaa co nɔm diyɔɔ-a o hɔl aa hala n co ni? Nduyɛ vanacieo daama n lonin ɲinkon vanaa vanin nɔm diyɔɔ-a o ba ni. A venin hala nda o ba le.

Yeremi 48:41

Kobilan la biinun, kpakilan la del yaamɔɔa o ba. O kon mì vanaa cɔvaa hiow cɔwvo caa-a va sangaa mɛɛ vanalanɔɔ sanga o violɔɔ nuaa yɛ.

Yeremi 30:6

La ɲuuniaa vɔ hau sɔɛi ken mì la sina, te la ce nin vanapɔnɔɔ violɔɔ. Le yɛɛ nɛ ya co yɛ niko vanpiaandua kpow cɔu a balan nda o demboo coo mɛɛ dembe can vanalanɔ nɛi le violɔɔ? Le yɛɛ nɛ nda suuma yɛ má yii hɔlla nuaa?

Yeremi 22:23

A connun icali yili o ba nɔmndo coo Liban, má tangul vɛɛnnde nɔmnden o yɔmii sɛɛdrei tullo. Kɛ a ŋɔnganin telen ɲɛ nɛyaa voolunin nɔm-ndo, telen n vanin sangaa maa vanalanɔ co violɔɔ-o.»

Yeremi 6:24

«Naa n tueyɔɔ nda diom, mí diallon vu naa. Mí n buulan taw-taw, mí n sanga mɛɛ vanalanɔɔ sanga o violɔɔ yɛ.

Esai 21:3

Lelan, caŋnda co ya nɛiyo mì va ɲiiya nákà-nàkà, ɲɔɔ co ya nɛiyo taw mɛɛ demboo nɛi vanalanɔ o volɔɔ nuaa yɛ. Ɲɛsuan ma kindun ya ten-ten a ɲɛ ya tueyɔɔ-o. I co ɲiiyaa nákà-nàkà a ɲɛ ya cɔu-vo.

2Masaa 16:7

Mí Ahas viam kiilaa o Tiklat-Pilesɛr masaa Asiri lo, mó dimul ndu aa: «Buɛi nɔmndo a po nɔmndo ya co ni. Lelan, hun ma baŋa ya, ma soli ya masaa Aram a masaa Israɛl o ba, kani à hun del-la coo a cɔwvo.»

Matie 24:8

Kɛ kon kpow vanin-ndɔ ko mɛɛ pulii vialɛi kandu vanalanɔɔ nɛiyo nuaa yɛ.

Yeremi 2:25

Caa dɛ Israɛl! Yɔŋii n yɔŋulun o pelon mì bololen le vesa nɔm. Kɛ a co dimio aa: ‹Nɔm mein ka! Halaa celen ya yeema nin ni, nda ya co vɔ nin tolɔɔ kɔɔli ni.›

Yeremi 4:30

Éé nɔm kobi nda cii hoo tɛɛmbuu-o, vɛ̀ɛ́ n tosa yɛnin? A co volɔɔla siaŋala vólotótolan vownɔnndo, mà va kelan n'sianion vownɔnndo. Vɛ ma suinun ɲɛ tiŋi ŋɛlɛngi-ŋɛlɛngio o hɔltan coo? Fondo fúú n co kɛɛmian kon ni, sɔɛi nɔmnde nɛinun sámáá nɔmnda, a yeema le yoomu nɔmndo ciiyo.